JOSUA 5:6 - WƖA TENIŊ

⁶ Iziral tɩŋŋaa fa baarɛ tintee-hɩlɩŋ tʋɔŋ jɩsɩŋ mahɩŋ balɩa nɛ deeŋ deeŋ, baala-la kala sɩ magɛ laalɩŋ yuonuŋ a lɩɩ Ijipiti tinteeŋ sʋʋ dɛrɛ, bɛɛ wɩaa ba fa vɩa La TƖƖNA niiŋ nɛ. La TƖƖNA fa chaasa ŋmɩɛsɛ nɛ arɩ ba bɩ jaŋ na tintee-la ʋ sɩ hɛ niiŋ a pɩ ba naabalɩmaba arɩ ʋ jaŋ joŋo pɩba, tintee-la sɩ chaasa sɩŋ a kɛŋ kɩaa woruŋ.

JOSUA 5:6 ပူးပေါင်းရင်းမြစ်များ

WƖA YƖƖLAA 107:4

Ba dɔnsʋŋ gɔllɔ baarɛ tintee-hɩlɩŋ sɩ kɛŋ wulumuŋ lɛ nɛ, ba bɩ taŋ kala wombiiŋ na dɩ ba mʋ hɔŋ nɩmɛ.

MOSIS KƐŊ IZIRAL TƖŊŊAA LƖƖ 3:17

Ŋɩɩ nɛ mɩ sɩ mɩ jaŋ lɩɩsɛma hɛɛŋ deeŋ lɛ Ijipiti tinteeŋ lɛ a kɛmma mʋ Kɛnaŋ tɩŋŋaa, Hiti tɩŋŋaa, Amɔrɩ tɩŋŋaa, Pɛrɛs tɩŋŋaa, Hivi tɩŋŋaa arɩ Jebus tɩŋŋaa tinteeŋ, tintee-la sɩ sɩma a kɛŋ kɩaa woruŋ.’

MOSIS KƐŊ IZIRAL TƖŊŊAA LƖƖ 3:8

Ŋɩɩ nɛ mɩ kʋ tuu dɩ mɩ laaba ta Ijipiti tɩmma-la nɩsɩŋ lɛ, a lɩɩsɛba tintee-la lɛ a kaa mʋ tintee-la sɩ zɔmɔ a kɛŋ kʋdiilee aŋ pɛ jal ma. Mɩ jaŋ joŋ Kɛnaŋ tɩŋŋaa, Hiti tɩŋŋaa, Amɔrɩ tɩŋŋaa, Pɛrɛs tɩŋŋaa, Hivi tɩŋŋaa arɩ Jebus tɩŋŋaa tinteyee a pɩba.

JƐRƖMAAYA 2:2

“Mʋ heele bʋla pɩ Jerusalɛm nɩaa kala, mɩ liise yi ŋɩɩ ma fa sɩɩ to mɩ nɛ ma hambiriŋ lɛ. Ma fa chomi nɛ woruŋ a nagɛ nɩa sɩ cho ʋ ha-falɩŋ ŋɩɩ, a to mɩ harɩŋ tintee-hɩlɩŋ lɛ, gɩrɩpɩrɩŋ tʋɔŋ.

ƐZƖKƖƐL 20:15

Mɩ fa bɩra ŋmɩɛsa pɩba tintee-hɩlɩŋ lɛ, arɩ mɩ bɩ jaŋ kɛmba kaa jʋʋ tintee-la mɩ fa sɩ sɩ mɩ jaŋ joŋo pɩba, tintee-la sɩ sɩma a kɛŋ kɩaa woruŋ. Ʋ nɛ zɔmɔ kɩɩ tintee kala.

ƐZƖKƖƐL 20:6

Tapʋlɩɩ-la mɩ ŋmɩɛsa pɩba arɩ mɩ jaŋ kɛmba lɩɩ Ijipiti tinteeŋ lɛ a kaa kɔ tintee-la mɩ sɩ chɛ bil ba lɛ, tintee-la sɩ sɩma a kɛŋ kɩaa woruŋ. Ʋ nɛ zɔmɔ kɩɩ tintee kala.”

JOWƐL 3:18

Bʋa-la lɛ, girep nɛnɛɛ sɩ-falɩŋ jaŋ lɩlɩɩ peelee lɛ, dɩ dundolluŋ ma pɩpɛllɛ arɩ nɛ-yɩlɩŋ. Lɩɩŋ jaŋ pɩpɛllɛ Juda fuonaa luŋie-la kala lɛ. Fuoŋ jaŋ pɛllɛ lɩlɩɩ La TƖƖNA dɩa lɛ a mʋ jʋjʋʋ fuonaa-la sɩ kɛŋ sɔjaamaa.

NAMBABA 14:23

ba kʋbala ma bɩ jaŋ na tintee-la mɩ sɩ hɛ niiŋ arɩ mɩ jaŋ joŋo pɩ ba naabalɩmaba. Nɩalɩŋ sɩ vɩamɛ bɩ jaŋ na tintee-la.

NAMBABA 26:63

Nɩaa deemba kala Mosis arɩ Wɩɩsʋllɩ sɩpaalaara Elieza nɛ dɩɩsa, bʋa-la lɛ ba sɩ dɩɩsɛ Iziral tɩŋŋaa Mʋab tintee-taalɩsɩ-la lɛ, dɩ ba kpagɛ Jɔdaŋ fuo-la Jeriko cholo.

MOSIS BƖRA WULLI WƖA WOMBIIŊ 1:3

Iziral tɩŋŋaa sɩ lɩɩ Ijipiti tinteeŋ lɛ jɩsɩŋ mahɩŋ balɩa tʋɔŋ, chɛŋ fii arɩ kʋbala tapʋl-bumbuŋ lɛ nɛ Mosis bʋl wɩalɩŋ kala La TƖƖNA sɩ dagʋ a tɩgɛ ba lɛ a pɩba.

MOSIS BƖRA WULLI WƖA WOMBIIŊ 2:14

La sɩ sii Kadɛs Banɩa lɛ, ʋ jɩsɩŋ mara arɩ fii arɩ chori tʋɔŋ nɛ la chol Zɛrɛd fuonaa-la. Bʋa deeŋ lɛ, dɩ la doho laalɩyuoroo kala sʋba arɩ La TƖƖNA sɩ ŋmɩɛsa hɛ ba lɛ ŋɩɩ.

MOSIS BƖRA WULLI WƖA WOMBIIŊ 2:7

Ma TƖƖNA Wɩa pɛ ma lɛ nɛ woruŋ ma tɩntɩmɩɩ-kala lɛ. Ʋ beŋ ma nyuŋ nɛ bʋa-la kala lɛ ma sɩɩ vɛŋ tintee-hɩlɩŋ deeŋ tʋɔŋ. Jɩsɩŋ mahɩŋ balɩa-la kala ma TƖƖNA Wɩa sɩ kɛmma baarɛ tintee-hɩl-jalɩŋ deeŋ lɛ, ʋ hɛ ma teeŋ nɛ, ma bɩ kʋŋkala chɛ ka.

MOSIS BƖRA WULLI WƖA WOMBIIŊ 8:4

Jɩsɩŋ mahɩŋ balɩa deeŋ kala ma sɩɩ vɛŋ, ma gɛnnɩŋ bɩ kɩɛsa, ma naasɩŋ ma bɩ ŋmɛrɛ.

Hiburu TƖŊŊAA 3:11

Ŋɩɩ nɛ mɩ na baanɩŋ a ŋmɩɛsa hɛ ba lɛ a bʋl, ‘Ma bɩ jaŋ jʋʋ tintee-la mɩ fa sɩ jaŋ joŋo pɩma dɩ ma hɔnɔ wiesi.’ ”

JOSUA 1:6

Nyɩrɛ ŋ bɔyɛ a kɛŋ tʋɔ-doluŋ, bɛɛ wɩaa ŋ nɛ jaŋ laa nɩaa deemba sɩpaaŋ dɩ ma mʋ laa tintee-la tɩɩ, tintee-la mɩ fa sɩ hɛ niiŋ a pɩ ba naabalɩmaba arɩ mɩ jaŋ joŋo pɩba.

JOSUA 24:7

Ba sɩ yele pɩmɛ dɩ mɩ pɛ ba lɛ, mɩ fa joŋ birimiŋ hɛ ba dɩ Ijipiti tɩŋŋaa pɛgɛ nɛ a leŋ lɩɩŋ kʋ tɔ Ijipiti tɩŋŋaa. Ma tɩtɩa na wɩalɩŋ mɩ sɩ ŋaa Ijipiti tɩŋŋaa lɛ nɛ. Ʋ ŋɩɩ harɩŋ, ma hɛ tintee-hɩlɩŋ tʋɔŋ a dieni nɛ.

JOSUA 5:5

Nɩalɩŋ kala sɩ lɩɩ Ijipiti tinteeŋ fa keri ba penee nɛ, ama nɩalɩŋ kala ba sɩ lʋla tintee-hɩlɩɩ-la lɛ bʋa-la lɛ ba sɩɩ vɛŋ wombiiŋ, ba-na fa bɩ ba penee kere.

JOSUA 5:7

Nɩalɩŋ fa sɩ sʋʋ tintee-hɩlɩŋ lɛ biiriŋ penee nɛ Josua keri ŋɩɩ. Ba fa bɩ ba penee kere wombiiŋ lɛ.