JOSUA 4:24 - WƖA TENIŊ

²⁴ La TƖƖNA ŋaa wɩaa deemba kala dɩ dʋnɩa nɩaa kala jɩŋ arɩ ʋ nɛ kɛŋ doluŋ, dɩ ŋɩɩ leŋ dɩ ma fɩfá ma TƖƖNA Wɩa, a kaa mʋ wuu.”

JOSUA 4:24 ပူးပေါင်းရင်းမြစ်များ

1 KUOROO 8:40

Ŋɩɩ nɛ ŋ nɩaa jaŋ fɩfáŋ a tuto ŋ wombiee, bʋa-la kala ba sɩ hɛ tintee-la ŋ sɩ joŋo pɩ la naabalɩmaba ʋ ŋaa ba kʋŋ lɛ.

1 KUOROO 8:60

Ŋɩɩ nɛ jaŋ leŋ dɩ tinteeŋ nɩaa kala jɩŋ arɩ La TƖƖNA Wɩa dʋndʋŋa nɛ Wɩa, kʋŋ dɔŋ kala bɩra tuo a pɛ ʋ lɛ.

2 KUOROO 19:19

La TƖƖNA Wɩa, laala ta Asiiria tɩŋŋaa nɩsɩŋ lɛ dɩ dʋnɩa kuoroo arɩ ba nɩaa kala jɩŋ arɩ ŋ dʋndʋŋa nɛ Wɩa.”

2 KUOROO 5:15

Ŋɩɩ nɛ Naamaŋ arɩ ʋ tɩntɩnnaa kala mɩɩra mʋ Wɩa wʋlaabʋllʋ-la teeŋ. Naamaŋ mʋ chɩŋ ʋ sɩpaaŋ aŋ bʋl, “Lɛɛlɛ mɩ jɩma arɩ Wɩa tuo dʋnɩa sɛmɛ na-kala see Iziral lɛ. Mɩɩ sʋlʋŋ, laa zile kɩaa deemba ŋ tɩntɩnna teeŋ.”

1 IZIRAL TƖŊŊAA NAABARƖŊ 29:12

Ŋ nɛ yie pɩ nɩaa dʋa, ŋ yie leŋ nɩaa kɛŋ yɩrɩŋ. Ŋ nɛ kɛŋ doluŋ a bibeŋ kʋŋkala, ŋ jaŋ wuo leŋ dɩ nɩa ŋaa nɩbal a kɛŋ doluŋ.

JOB 40:9

Ŋ kɛŋ doluŋ a nagɛ mɩ-na Wɩa nɛɛ? Ŋ jaŋ wuo kpɩa goŋ arɩ mɩ sɩɩ kpɩa ŋɩɩ?

WƖA YƖƖLAA 106:8

Ama a tɩŋ ʋ yɩrɩŋ wɩaa, ʋ laaba ta nɛ, a leŋ nɩaa jɩŋ arɩ ʋ kɛŋ doluŋ.

WƖA YƖƖLAA 89:13

Ŋ kɛŋ doluŋ nɛ woruŋ, ŋ dol-la saa yʋga ma, ʋ bɩ magɩa kɛnɛ.

WƖA YƖƖLAA 89:7

Ŋ tɩndaaraa kala tʋɔŋ, ŋ-na Wɩa nɛ ba chaasaa fá woruŋ. Kɩalɩŋ kala sɩ golluŋ ka fáŋ nɛ, ŋ nɛ kɩɩ ba kala.

MOSIS KƐŊ IZIRAL TƖŊŊAA LƖƖ 14:31

Iziral tɩŋŋaa sɩ na tɩntɩŋ-duoru-la La TƖƖNA sɩ tɩma Ijipiti tɩŋŋaa lɛ, ŋɩɩ nɛ nɩalɩŋ laa Wɩa arɩ ʋ tɩntɩnna Mosis wɩaa dii.

MOSIS KƐŊ IZIRAL TƖŊŊAA LƖƖ 15:16

Fawʋllʋŋ jaŋ chaasa jʋʋba dɩ ba chichel. Ŋ doluŋ jaŋ leŋ dɩ ba chɩŋ jim a nagɛ bʋŋ, ka ŋ nɩaa kʋ bal, nɩalɩŋ ŋ sɩ laa ta.

MOSIS KƐŊ IZIRAL TƖŊŊAA LƖƖ 20:20

Ŋɩɩ nɛ Mosis bʋla pɩba, “Má sɩ́ leŋe dɩ fawʋllʋŋ kɛmma, Wɩa kɔ dɩ ʋ magɩsɛma a na nɛ dɩ ma fɩfáʋ a sɩ́ wʋbɔŋ wɩaa ŋaa.”

MOSIS KƐŊ IZIRAL TƖŊŊAA LƖƖ 9:16

ama mɩ lemma nɛ, dɩ mɩ dagɛ mɩ doluŋ dɩ mɩ yɩrɩŋ yɩrɛ dʋnɩa sɛmɛ na-kala.

AZAAYA 52:10

La TƖƖNA jaŋ dagɛ ʋ doluŋ dɩ tinteyee kala na. Dʋnɩa sɛmɛ na-kala nɩaa jaŋ na ŋɩɩ, la Wɩa sɩ laa ʋ nɩaa ta.

JƐRƖMAAYA 32:40

Mɩ jaŋ hɛ niiŋ sɩ bɩ dɩdɛrɩŋ kɛnɛ mɩ dɩ ba pɛgɛ. Mɩ bɩ jaŋ kɔ dɩ mɩ vɩa dɩ mɩ ŋaa wʋzɔŋŋɔɔ a pɩba. Mɩ jaŋ ŋaa dɩ ba fɩfámɛ, dɩ ŋɩɩ leŋ dɩ ba sɩ́ mɩ harɩŋ mɩɩrʋ.

MOSIS BƖRA WULLI WƖA WOMBIIŊ 28:10

Dʋnɩa nɩaa kala jaŋ na La TƖƖNA sɩ lɩɩsɛma ma ŋaa ʋ nɩaa ŋɩɩ dɩ ba fɩfáma.

MOSIS BƖRA WULLI WƖA WOMBIIŊ 6:2

Ma dɩ ma biiriŋ arɩ ma nihee kala maga dɩ má zizil ma TƖƖNA Wɩa nɛ bʋa na-kala lɛ, a tuto wombie-la arɩ niiri-la kala mɩ sɩ jaŋ dagɛma, dɩ ŋɩɩ leŋ dɩ ma kɛŋ mɩɩ-duduoŋ tintee-la lɛ ʋ sɩ jaŋ joŋo pɩma.

1 SAMƲƐL 17:46

Jɩnɩŋ La TƖƖNA jaŋ joŋuŋ hɛ mɩ nɩsɩŋ lɛ, mɩ jaŋ kpʋŋ a keri ŋ nyuŋ. Jɩnɩŋ mɩ jaŋ joŋ Fɩlɩsɩtɩa tɩŋŋaa laalɩyuoroo deemba kʋsʋʋnʋŋ a pɩ zaaraa arɩ baga kɩaa dɩ ba dii. Ŋɩɩ nɛ dʋnɩa nɩaa kala jaŋ jɩŋ dɩ Iziral Wɩa nɛ kɛŋ doluŋ.