JOSUA 4:19 - WƖA TENIŊ

¹⁹ Chɛŋ bumbuŋ tapʋl-fii chɛɛŋ nɛ, Iziral tɩmma-la fa chol Jɔdaŋ fuo-la a mʋ hɔŋ taŋ-la ba sɩɩ yɩrɛ Gɩlɩgal lɛ. Ʋ hɛ Jeriko tinteeŋ wɩɩpɔsʋŋ dɩɩrɩŋ bʋa lɛ nɛ.

JOSUA 4:19 ပူးပေါင်းရင်းမြစ်များ

2 KUOROO 2:1

Bʋa-la sɩ yie dɩ La TƖƖNA to pel-vinvilimiŋ lɛ a joŋ Ɩlaaja a kaa jɩl Wɩa-jaŋ, Ɩlaaja arɩ Elaasa fa lɩɩ Gɩlɩgal lɛ nɛ a mʋmʋ.

AMƆS 4:4

La Tɩɩna bɩra sɩ, “Ma-na Iziral tɩŋŋaa, má mʋ Bɛtɛl arɩ Gɩlɩgal a ŋaa wʋbɔŋŋɔɔ, a fɩɛsɛ sɩɩŋ a vɩvɩa mɩ niiŋ, ma wʋbɔŋŋɔɔ ka chʋɔrʋ nɛ. Má kpʋ pʋsʋŋ sʋl Wɩɩsʋlʋŋ chʋchʋa na-kala, a kɛŋ ma kɩaa kpaa leree fii jɩsɩŋ batori na-kala a joŋ kʋbala pɩmɛ.

AMƆS 5:5

má sɩ́ Bɛtɛl mʋ a chɩchɛmɛ, a sɩ́ Gɩlɩgal ma mʋ chɩchɛ dɩ ma namɛ nɩmɛ, a sɩ́ Bɛɛsɩba ma mʋ. Ba jaŋ kɛsɛ Gɩlɩgal nɩaa mʋ dɩ ba ŋaa yosi. Bɛtɛl ma jaŋ kʋ ŋaa kʋpɛɩ.”

MƖKA 6:5

Mɩ nɩaa, má liise yi wɩɩ-la Mʋab kuoro ba sɩɩ yɩrɛ Balak fa sɩ bɩɩna dɩ ʋ ŋaa ma lɛ arɩ ŋɩɩ Balam nanʋala ba sɩɩ yɩrɛ Bioo ma fa sɩ bʋla pʋ. Má liise yi ma sɩ vɛnɛ lɩɩ Sɩtɩm a mʋ Gɩlɩgal a wuo jɩŋ tʋɔpʋl wɩalɩŋ mɩ-na ma TƖƖNA sɩ ŋaa.”

MOSIS BƖRA WULLI WƖA WOMBIIŊ 1:3

Iziral tɩŋŋaa sɩ lɩɩ Ijipiti tinteeŋ lɛ jɩsɩŋ mahɩŋ balɩa tʋɔŋ, chɛŋ fii arɩ kʋbala tapʋl-bumbuŋ lɛ nɛ Mosis bʋl wɩalɩŋ kala La TƖƖNA sɩ dagʋ a tɩgɛ ba lɛ a pɩba.

MOSIS BƖRA WULLI WƖA WOMBIIŊ 11:30

Peelee deemba balɩa hɛ Kɛnaŋ tɩmma-la sɩ hɛ Jɔdaŋ fuo-la cholo tinteeŋ wɩɩjʋʋlʋŋ dɩɩrɩŋ nɛ, ba dɩ More tɩɩ-bala-la bɩ bol aŋ kpagɛ taŋ-la ba sɩɩ yɩrɛ Gɩlɩgal.

JOSUA 10:43

Ŋɩɩ nɛ Josua arɩ Iziral tɩŋŋaa laalɩyuoroo kala mɩɩra kɔ ba dɩhɔnʋŋ Gɩlɩgal lɛ.

JOSUA 10:6

Ŋɩɩ nɛ Gibioŋ tɩmma-la tɩma pɩ Josua ba dɩhɔnʋŋ Gɩlɩgal lɛ a bʋl, “Sɩ́ ŋ tɩntɩnnaa vɩa ta, kɔ la teeŋ lɩma a laala ta. Pɛ la lɛ, bɛɛ wɩaa Amɔrɩ tɩŋŋaa kuorie-la kala sɩ hɛ tintee-la peelee sɩ yʋga lɛ sii kʋ hɛ dɔŋɔ nɛ a yuyuola.”

JOSUA 15:7

Tintee-la bʋa nɛ ha jɩla to Akɔ fuonaaŋ a lɩɩ nɩmɛ a mʋ yi Dɛbɩ aŋ bɩra gɛbɛ wɩɩpɔsʋŋ nagʋa dɩɩrɩŋ ŋɩɩ a mʋ yi Gɩlɩgal, a chaasɛ Adumim wombii-la sɩ hɛ peelee pɛgɛ a joŋ ŋɩɩ a mʋ fuonaa-la sɩ hɛ wɩɩpɔsʋŋ nadiiŋ dɩɩrɩŋ. Ʋ ha pɩŋ ŋɩɩ nɛ a mʋ to Ɛŋ-Sɛmɛs lɩɩ-bulo-la leriŋ, a to ŋɩɩ a kʋ lɩɩ Ɛŋ-Rɔgɛl.

JOSUA 24:11

Ŋɩɩ nɛ ma chol Jɔdaŋ fuo-la a kɔ Jeriko. Jeriko tɩmma-la ma bɩra sii a yuyuoma, ŋɩɩ tɩtɩa nɛ Amɔrɩ tɩŋŋaa, Pɛrɛs tɩŋŋaa, Kɛnaŋ tɩŋŋaa, Hiti tɩŋŋaa, Gɩgasɩ tɩŋŋaa, Hivi tɩŋŋaa, arɩ Jebus tɩŋŋaa ma fa ŋaa, ama mɩ jomba a hɛ ma nɩsɩŋ lɛ nɛ.

JOSUA 4:18

Wɩɩsʋllɩ sɩpaalaaraa fa sɩ chʋŋ La TƖƖNA niiriŋ daga-la sɩ kʋ lɩɩ fuo-la lɛ dɩdɛrɛ, dɩ fuo-la bɩra mɩɩra kʋ su, a nagɛ ŋɩɩ ʋ fa sɩ naga.

JOSUA 5:10

Iziral tɩŋŋaa fa sɩ hɔŋ Gɩlɩgal lɛ, Jeriko tintee-taalɩsɩ-la lɛ, chɛnɛ tapʋlaa fɩɩ arɩ banɛsɛ chɛɛŋ dɩdaanɩŋ, ba gbieli dɩɩsɩŋ kiele bal gbiele-la.

JOSUA 5:9

Ŋɩɩ nɛ La TƖƖNA fa bʋla pɩ Josua, “Jɩnɩŋ mɩ leŋe hɩɩsɩ-la kala ma sɩ die Ijipiti tinteeŋ lɛ dɛrɛ nɛ.” Ŋɩɩ nɛ ba hɛ lee-la yɩrɩŋ Gɩlɩgal. Arɩ jɩnɩŋ kala lee-la yɩrɩŋ nɛ ha ŋɩɩ.

JOSUA 9:6

Ŋɩɩ nɛ ba mʋ Josua teeŋ Gɩlɩgal lɛ ba dɩhɔnʋŋ, a bʋla pɩ ʋ dɩ Iziral tɩŋŋaa, “La lɩɩ dɩ-bolii nɛ a kɔ, aa chɛla dɩ ma hɛ niiŋ pɩ dɔŋɔ.”

1 SAMƲƐL 10:8

Laa sɩpaaŋ tutuu Gɩlɩgal, mɩ jaŋ kʋ tuu puuŋ nɩmɛ, a kpʋ pʋsʋŋ sʋl kʋnyɩgaa Wɩɩsʋlʋŋ arɩ nii-magɛ dɔŋɔ Wɩɩsʋlʋŋ. Ama gbɛrɛ nɩmɛ tapʋlaa balɩpɛ, mɩ jaŋ kɔ ŋ teeŋ a bʋl wɩɩ-la ŋ sɩ jaŋ ŋaa a pɩŋ.”

1 SAMƲƐL 15:33

Ama Samʋɛl bʋl, “Ŋ sɩ kpʋ nɩaa biiriŋ, ka ba naamba hɔŋ arɩ na-hɩllɩŋ ŋɩɩ, ŋ naaŋ ma jaŋ hɔŋ arɩ na-hɩllɩŋ.” Ŋɩɩ nɛ aŋ kpʋ Agag La TƖƖNA sɩpaaŋ Gɩlɩgal lɛ.