JOSUA 4:14 - WƖA TENIŊ

¹⁴ La TƖƖNA sɩ ŋaa wɩɩ-la tapʋlɩɩ-la Iziral tɩŋŋaa na, ŋɩɩ leŋe ba joŋ Josua ʋ ŋaa nɩyuŋi nɛ ba teeŋ. Ba zilu woruŋ ʋ mɩɩsɩŋ kala lɛ arɩ ba fa sɩɩ zil Mosis ŋɩɩ.

JOSUA 4:14 ပူးပေါင်းရင်းမြစ်များ

1 KUOROO 3:28

Iziral tɩŋŋaa kala sɩ nɩɩ ŋɩɩ kuoro sɩ dii sarɩya-la, ba kala zizilu woruŋ. Ba jɩŋ arɩ Wɩa pʋ wʋjɩmɩŋ nɛ dɩ ʋ kaa dii sarɩya ʋ bʋa lɛ.

2 KUOROO 2:15

Wɩa wʋlaabʋlla-la mahɩŋ balɩa arɩ fii sɩ lɩɩ Jeriko sɩ chɩŋ nɩmɛ a bibenu bʋl, “Wɩa Dɩma-la sɩ hɛ Ɩlaaja lɛ lɩɩ jʋʋ Elaasa nɛ.” Ŋɩɩ nɛ ba mʋ chemu a kpirimi ʋ sɩpaaŋ.

1 IZIRAL TƖŊŊAA NAABARƖŊ 29:25

Ŋɩɩ nɛ La TƖƖNA leŋ Solomoŋ ŋaa nɩbal, Iziral tɩŋŋaa kala zizilu. Iziral tɩŋŋaa kuoru kala fa tuo a magɛ Solomoŋ.

2 IZIRAL TƖŊŊAA NAABARƖŊ 30:12

Wɩa fa joŋ ʋ nɩsɩŋ daŋ Juda nɩaa ma lɛ nɛ a leŋ ba niiŋ magɛ dɔŋɔ dɩ ba ŋaa wɩɩ-la kuoro arɩ ʋ tɩntɩnnɩ-hɩasɩŋ sɩ bʋla. Ba fa to La TƖƖNA niiŋ nɛ a ŋaa wɩalɩŋ.

MOSIS KƐŊ IZIRAL TƖŊŊAA LƖƖ 11:3

Ŋɩɩ nɛ La TƖƖNA leŋ Ijipiti tɩŋŋaa cho Iziral tɩŋŋaa. Ijipiti tinteeŋ kuoro nɩhɩasɩŋ arɩ ʋ nɩaa kala joŋ Mosis ʋ ŋaa nɩ-yuŋi.

MOSIS KƐŊ IZIRAL TƖŊŊAA LƖƖ 14:31

Iziral tɩŋŋaa sɩ na tɩntɩŋ-duoru-la La TƖƖNA sɩ tɩma Ijipiti tɩŋŋaa lɛ, ŋɩɩ nɛ nɩalɩŋ laa Wɩa arɩ ʋ tɩntɩnna Mosis wɩaa dii.

NAMAGABA 24:21

Mɩ bii, fɩfá La Tɩɩna arɩ kuoro, aŋ pʋpɔ ŋ sɩ́ ŋ tɩtɩa kaa mʋ mɛrɛ nɩalɩŋ sɩ bɩ ba niiŋ ka to lɛ.

Rom Tɩŋŋaa 13:4

Ʋ ŋaa Wɩa tɩntɩnnʋ nɛ dɩ ʋ pɛ ŋ lɛ. Ama dɩ ŋ nɩɩ ŋaa wʋbɔŋŋɔɔ, fɩfáʋ, bɛɛ wɩaa dol-la ʋ sɩ kɛnɛ, ʋ bɩ dol pɛɩ ŋaa. Ʋ ŋaa Wɩa tɩntɩnnʋ nɛ. Nʋʋkala sɩ ŋaa wʋbɔmʋŋ, Wɩa na baanɩŋ ʋ nyuŋ nɛ. Ŋɩɩ nɛ tɩɩ nɩɩ-la sɩɩ beŋ tinteeŋ jaŋ wuo dɔgɩsɛ tɩɩna.

1 Kɔrɩntɩ Nɩaa 10:2

Duoŋ-bɩlɩmbaaŋ-la sɩ kiese tɔ ba lɛ, ba to mʋga-la chol, ʋ ŋɩɩ nagɛ arɩ ba kala fa fo Wɩɩchʋɔlɛ lɩɩŋ nɛ a ŋaa Mosis harɩ-tooroo.

JOSUA 3:7

Ŋɩɩ nɛ La TƖƖNA bʋla pɩ Josua, “Jɩnɩŋ mɩ jaŋ suomo to ŋ lɛ a ŋaa wɩaa Iziral tɩŋŋaa sɩɩŋ lɛ a leŋ dɩ ŋ ŋaa nɩyuŋi ba teeŋ, dɩ ba jɩŋ arɩ mɩ hɛ ŋ teeŋ nɛ arɩ mɩ fa sɩ hɛ Mosis teeŋ ŋɩɩ.

JOSUA 4:13

Ba fa yi nɩaa bʋɩ mahɩŋ balɩa nɛ a nyɩgɩlɛ a chol Jɔdaŋ fuo-la La TƖƖNA sɩpaaŋ dɩ ba mʋ Jeriko tintee-taalɩsɩ-la a yuo laalɩŋ.

JOSUA 4:15

Ŋɩɩ nɛ La TƖƖNA bʋla pɩ Josua,

1 SAMƲƐL 12:18

Samʋɛl sɩ sʋl La TƖƖNA, tapʋlɩɩ-la tɩtɩa nɛ La TƖƖNA leŋ taŋ dɔŋ, duonuŋ nɩɩ. Ŋɩɩ nɛ nɩalɩŋ kala chaasa fɩfá La TƖƖNA arɩ Samʋɛl.