JOSUA 3:17 - WƖA TENIŊ

¹⁷ Wɩɩsʋllɩ sɩpaalaaraa fa sɩ chʋŋ La TƖƖNA niiriŋ daga-la chɩŋ tintee-hɩlɩŋ lɛ Jɔdaŋ fuo-la tʋtʋɔbaanɩŋ, ka Iziral tɩŋŋaa kala vɛŋ tintee-hɩlɩɩ-la nyuŋ ŋɩɩ a kala cholo dɛrɛ.

JOSUA 3:17 ပူးပေါင်းရင်းမြစ်များ

2 KUOROO 2:8

Ŋɩɩ nɛ Ɩlaaja wuri ʋ gɛrɩŋ a kaa kpeŋ a kaa ŋmoo lɩɩ-la, ʋ pɔɩ balɩa. Ka tintee-hɩlɩŋ pɩŋ, ba to tintee-hɩlɩɩ-la lɛ a chol.

WƖA YƖƖLAA 66:6

Ʋ leŋe mʋgʋ-balɩŋ lɩɩŋ hʋ nɛ aŋ ka tintee-hɩlɩŋ pɩŋ, la naabalɩmaba vɛŋ ʋ lɛ, a chol. Ŋɩɩ nɛ la tʋɔŋ tɔrɛ ʋ nyuŋ la jʋjʋɔsɛ.

MOSIS KƐŊ IZIRAL TƖŊŊAA LƖƖ 14:21

Ŋɩɩ nɛ Mosis kɛŋ dantɩga-la sɩ hɛ ʋ nɩsɩŋ lɛ zaarɛ mʋga-la nyuŋ. La TƖƖNA leŋ pel-duoŋ lɩɩ wɩɩpɔsʋŋ a lu tɩtaŋ-la kala a ŋaa mʋga-la lɩɩŋ pɔɩ balɩa aŋ ka tintee-hɩlɩŋ.

MOSIS KƐŊ IZIRAL TƖŊŊAA LƖƖ 14:22

Ŋɩɩ nɛ Iziral tɩŋŋaa vɛŋ mʋga-la tʋɔŋ tintee-hɩlɩŋ, ka lɩɩ-la nagɛ jebiiŋ ba nadiiŋ arɩ ba nagʋa.

MOSIS KƐŊ IZIRAL TƖŊŊAA LƖƖ 14:29

Ama Iziral tɩŋŋaa wuo vɛŋ tintee-hɩlɩŋ lɛ nɛ mʋga-la tʋɔŋ, aŋ ka lɩɩŋ nagɛ jebiiŋ ba nadiiŋ arɩ ba nagʋa kala.

AZAAYA 25:8

La TƖƖNA Wɩɩjarɩbakɔ jaŋ giri sʋʋŋ ta a kaa mʋ wuu, aŋ fɩɩsɛ nʋʋkala sɩlɩɩrɩŋ ta. Hɩɩsɩ-la kala ʋ nɩaa fa sɩ die dʋnɩa lɛ, ʋ jaŋ lɩɩsʋ ta. La TƖƖNA nɛ bʋla.

NAMBABA 33:51

“Bʋla pɩ Iziral tɩŋŋaa, dɩ ba nɛ chol Jɔdaŋ fuo-la a mʋ Kɛnaŋ tinteeŋ,

Hiburu TƖŊŊAA 11:29

Iziral tɩŋŋaa ma fa laa Wɩa wɩaa dii nɛ. Ŋɩɩ nɛ tɩɩ ba vɛŋ Mʋgʋ-fɩaŋ-la tʋɔŋ a lɩɩ a nagɛ tintee-hɩlɩŋ. Ama Ijipiti tɩmma-la fa sɩɩ kiriba sɩ kɔ a walɩmɛ dɩ ba chol, mʋga-la kʋ tɔba nɛ, ba kala sʋʋ.

JOSUA 4:1

Bʋa-la lɛ Iziral tɩŋŋaa kala fa sɩ chol Jɔdaŋ fuo-la a dɛrɛ, ŋɩɩ nɛ La TƖƖNA bʋla pɩ Josua,

JOSUA 4:10

Wɩɩsʋllɩ sɩpaalaara-la fa sɩ chʋŋ La TƖƖNA niiriŋ daga-la chɩŋ Jɔdaŋ fuo-la tʋtʋɔbaanɩŋ ŋɩɩ nɛ deeŋ deeŋ nɩalɩŋ ŋaa wɩalɩŋ kala La TƖƖNA sɩ to Mosis lɛ a dagɛ Josua dɛrɛ. Ka nɩalɩŋ kala ŋaa lɩma lɩma a chol fuo-la.

JOSUA 4:11

Ba kala sɩ cholo dɛrɛ, Wɩɩsʋllɩ sɩpaalaaraa sɩ chʋŋ La TƖƖNA niiriŋ daga-la ma to harɩŋ kʋ lɩɩ, a laa ba sɩpaaŋ.

JOSUA 4:22

má bʋla pɩba arɩ Iziral tɩŋŋaa fa vɛŋ tintee-hɩlɩŋ lɛ nɛ a to Jɔdaŋ fuo-la tʋɔŋ a lɩɩ.

JOSUA 4:3

Bʋla pɩba, dɩ ba kʋŋkala joŋ tabɩɩŋ Jɔdaŋ fuo-la tʋtʋɔbaanɩŋ, lee-la Wɩɩsʋllɩ sɩpaalaaraa sɩ chɩna, a kaa mʋ bil lee-la ma sɩ jaŋ chʋa jɩnɩŋ tɩtaŋɩŋ.”

JOSUA 5:1

Amɔrɩ tɩŋŋaa kuorie-la sɩ hɛ Jɔdaŋ fuo-la wɩɩjʋʋlʋŋ arɩ Kɛnaŋ tɩŋŋaa kuorie-la sɩ hɛ Mediterenia mʋgʋ-balɩŋ niiŋ fa sɩ nɩa dɩ La TƖƖNA ŋaa Jɔdaŋ fuoŋ hʋ nɛ ka Iziral tɩŋŋaa chol, fawʋllʋŋ chaasa jʋʋba woruŋ. A tɩŋ Iziral tɩmma-la wɩaa ba nandaasɩŋ yʋɔrɛ arɩ ba sɩ jaŋ cheme yuoba.