JOSUA 3:16 - WƖA TENIŊ

¹⁶ lɩɩ-la sɩ pɛllɛɛ lɩɩ fuo-la nyuŋ a kʋ kɔ kɛrɛ nɛ, aŋ kala sii chʋɔrɛ a mʋ hɛ dɩ-bolii, taŋ-la lɛ ba sɩɩ yɩrɛ Adam lɛ a kpagɛ taŋ-la ba sɩɩ yɩrɛ Zarɛtaŋ. Lɩɩ-la sɩ pɛllɛ a tutuu Araba Mʋga kala kɛrɛ. (Araba Mʋga-la nɛ ba haa yɩyɩrɛ Mʋgʋ-sʋʋŋ.) Ŋɩɩ nɛ nɩalɩŋ wuo chol Jɔdaŋ fuo-la Jeriko dɩɩrɩŋ.

JOSUA 3:16 ပူးပေါင်းရင်းမြစ်များ

WƖAA DƖ-SUOMUŊ 14:3

Kuoroo deemba banɔŋ kɛŋ ba laal-yuoroo kʋ hɛ dɔŋɔ lɛ Sɩdɩm fuonaaŋ lɛ. Sɩdɩm fuonaa-la nɛ ba haa yɩrɛ yɩsɩŋ mʋgʋ-balɩŋ.

1 KUOROO 4:12

Ahilud nanʋala Baana ma nɛ fa dɔŋɔ. Ʋ faa beŋ Taanak arɩ Mɛgɩdɔ tabalaa nɛ. Ʋ nɛ haa beŋ Bɛf Saŋ kala a kpagɛ taŋ-la ba sɩɩ yɩrɛ Zarɛtaŋ, Jɛzɩrɛl wɩɩpɔsʋŋ nadiiŋ dɩɩrɩŋ a chɩŋ Bɛf Saŋ lɛ a kaa mʋ Abɛl Mɛhɔla a cholo mʋ Jɔkɩmɩam.

1 KUOROO 7:46

Kuoro leŋe ba chɔ kɔlɩɩŋ nɛ a bɩsa hɛ chʋrʋŋ ba sɩ kaa mɛ kɩaa lɛ a ŋaa kɩalɩŋ Sʋkɔf arɩ Zarɛtaŋ pɛgɛ, Jɔdaŋ tintee-taala-la lɛ.

WƖA YƖƖLAA 114:3

Mʋgʋ-balɩŋ sɩ na Wɩa, ʋ fá nɛ aŋ ka tintee-hɩlɩŋ, Jɔdaŋ fuo-la ma kɛrɛ a bɩra bɩ pɛllɛ.

WƖA YƖƖLAA 114:5

Mʋgʋ-balɩŋ, bɛɛ nɛ tɩɩ ŋ fá aŋ ka tintee-hɩlɩŋ? Jɔdaŋ fuoŋ ma, bɛɛ nɛ tɩɩ ŋ kɛrɛ a bɩra bɩ pɛllɛ?

WƖA YƖƖLAA 29:10

La Tɩɩna nɩɩ beŋ lɩɩraa kala. Ʋ nɛ kuoro a kaa mʋ wuu.

WƖA YƖƖLAA 33:7

Ʋ kuoni mʋgʋ-balaa lɩɩŋ kala hɛ dɩ-bala nɛ a nagɛ lɩɩŋ sɩ hɛ loŋ tʋɔŋ, aŋ dɩŋ ba luŋuŋ kala a nagɛ chʋgʋsʋŋ sɩ su dɩa.

WƖA YƖƖLAA 66:6

Ʋ leŋe mʋgʋ-balɩŋ lɩɩŋ hʋ nɛ aŋ ka tintee-hɩlɩŋ pɩŋ, la naabalɩmaba vɛŋ ʋ lɛ, a chol. Ŋɩɩ nɛ la tʋɔŋ tɔrɛ ʋ nyuŋ la jʋjʋɔsɛ.

WƖA YƖƖLAA 74:15

Ŋ nɛ leŋe lɩɩ-bul-sɩaa bubul, fuonuŋ pɩpɛllɛ. Ŋ nɛ bɩra leŋe fuo-bala-la ma sɩɩ pɛllʋ bʋa na-kala hʋ.

WƖA YƖƖLAA 77:19

Ŋ vɛŋ mʋgʋ-balɩŋ tʋɔŋ, wombiiŋ to lɩɩŋ tʋɔŋ, ka ba bɩ ŋ naabʋɔsʋŋ na.

WƖA YƖƖLAA 78:13

Ʋ fa kɛŋ mʋgʋ-balɩŋ a kpaa balɩa nɛ, lɩɩ-la sii chɩŋ a nagɛ jebiiŋ, ka ba to ʋ tʋɔŋ lɩɩ.

MOSIS KƐŊ IZIRAL TƖŊŊAA LƖƖ 14:21

Ŋɩɩ nɛ Mosis kɛŋ dantɩga-la sɩ hɛ ʋ nɩsɩŋ lɛ zaarɛ mʋga-la nyuŋ. La TƖƖNA leŋ pel-duoŋ lɩɩ wɩɩpɔsʋŋ a lu tɩtaŋ-la kala a ŋaa mʋga-la lɩɩŋ pɔɩ balɩa aŋ ka tintee-hɩlɩŋ.

MOSIS KƐŊ IZIRAL TƖŊŊAA LƖƖ 14:22

Ŋɩɩ nɛ Iziral tɩŋŋaa vɛŋ mʋga-la tʋɔŋ tintee-hɩlɩŋ, ka lɩɩ-la nagɛ jebiiŋ ba nadiiŋ arɩ ba nagʋa.

MOSIS KƐŊ IZIRAL TƖŊŊAA LƖƖ 14:29

Ama Iziral tɩŋŋaa wuo vɛŋ tintee-hɩlɩŋ lɛ nɛ mʋga-la tʋɔŋ, aŋ ka lɩɩŋ nagɛ jebiiŋ ba nadiiŋ arɩ ba nagʋa kala.

MOSIS KƐŊ IZIRAL TƖŊŊAA LƖƖ 15:8

Ŋ mɩɩ-boiŋ peliŋ nɛ yigi lɩɩŋ mʋ hɛ dɔŋɔ, ʋ sii chɩŋ a nagɛ kɛrɛ, ka fuo-luŋii-la tʋɔŋ kala hɩl.

AZAAYA 50:2

Bʋa-la lɛ mɩ sɩ kɔ dɩ mɩ laama ta, bɛɛ nɛ tɩɩ ma kʋŋ tuo? Mɩ sɩ yɩra, bɛɛ nɛ tɩɩ ma kʋŋkala bɩ sɛyɛ? Ma bɩɩna mɩ bɩ doluŋ kɛnɛ dɩ mɩ laama ta nɛ koo? Ma bɩɩna mɩ ŋaa nɩpʋgʋ nɛ a bɩ ma wuo laa ta koo? Dɩ mɩ nɛ kpɩa mʋga koo fuonuŋ lɛ, ba kala yie hʋ nɛ a bɩrɩmɛ tintee-hɩlɩŋ, chenfile-la sɩ hɛ ba lɛ kala sʋʋ lɩɩnyʋasʋŋ.

ƐZƖKƖƐL 47:8

Ŋɩɩ nɛ baal-la bʋla pɩmɛ, “Lɩɩŋ deeŋ pɛllɛɛ mʋ wɩɩpɔsʋŋ dɩɩrɩŋ nɛ a tutuu Jɔdaŋ fuo-la fuonaaŋ, a to nɩmɛ mʋ jʋjʋʋ Mʋgʋ-sʋʋŋ. Dɩ ʋ nɛ pɛllɛ mʋ jʋʋ mʋga-la, ʋ lɩɩŋ yie bɩrɩmɛ nɛ a zɔŋ, ʋ bɩra bɩ yɩsɩŋ kɛnɛ.

NAHUM 1:4

Dɩ ʋ nɛ kpɩa mʋgʋ-balɩŋ lɛ, ʋ yie hʋ nɛ, ʋ yie leŋ fuonuŋ kala hɩl. Basaŋ tinteeŋ arɩ Kamɛl peeliŋ tɩɩsɩŋ arɩ yaŋ kala hɩl, Lɛbanɔŋ tinteeŋ tɩɩfɩɩlaa kala yuori.

HABAKU 3:8

La TƖƖNA, ŋ baanɩŋ fa sii fuonu-la nyuŋ nɛɛ? Ŋ baanɩŋ fa sii mʋgʋ-balɩŋ nyuŋ nɛɛ, bʋa-la lɛ ŋ sɩ jɩl ŋ janɩŋ arɩ ŋ laalɩŋ janɩŋ torukoba-la ŋ sɩ kaa yuo didii?

NAMBABA 34:3

Tintee-la wɩɩpɔsʋŋ nadiiŋ bʋa jaŋ chɩŋ Mʋgʋ-sʋʋ-la niiŋ wɩɩjʋʋlʋŋ a mʋ to Ziŋ tintee-hɩlɩɩ-la sɛmɛ dɔŋɔ a mʋ yi Ɛdɔm tɩŋŋaa tinteeŋ bʋa,

MOSIS BƖRA WULLI WƖA WOMBIIŊ 1:1

Wɩaa deemba nɛ Mosis bʋl teniŋ deeŋ tʋɔŋ a pɩ Iziral tɩŋŋaa, bʋa-la lɛ ba sɩ hɛ tintee-hɩlɩɩ-la lɛ Jɔdaŋ fuo-la wɩɩpɔsʋŋ dɩɩrɩŋ. Ba hɛ Jɔdaŋ fuonaa-la lɛ nɛ a kpagɛ Suf sɩ hɛ taŋ-la ba sɩɩ yɩrɛ Paraŋ arɩ tasɩŋ deemba pɛgɛ: Tofal, Labaŋ, Hazɛrɔf arɩ Dɩzahab.

MOSIS BƖRA WULLI WƖA WOMBIIŊ 3:17

Tintee-la wɩɩjʋʋlʋŋ dɩɩrɩŋ bʋa nɛ, a lɩɩ Jɔdaŋ fuo-la lɛ a kaa mʋ Galilii mʋga-la a kɛŋ ŋɩɩ mʋ to Mʋgʋ-sʋʋ-la sɩ hɛ wɩɩpɔsʋŋ nadiiŋ a kaa mʋ yi Pisiga peel-la sɩ hɛ wɩɩpɔsʋŋ dɩɩrɩŋ.

JOSUA 12:3

Ʋ nɛ haa beŋ Araba wɩɩpɔsʋŋ dɩɩrɩŋ ma, a chɩŋ Galilii mʋga-la lɛ a kɛŋ ŋɩɩ mʋ yi Araba mʋga-la (Mʋgʋ-sʋʋŋ) a pɛ Bɛŋ Jɛsɩmɔf lɛ, arɩ ŋ sɩɩ mʋ wɩɩpɔsʋŋ nadiiŋ, Pɩsɩga dundolluŋ lere-la sɩ chulloo tuu.

JOSUA 15:2

Ba tintee-la wɩɩpɔsʋŋ nadiiŋ dɩɩrɩŋ bʋa-la chɩŋ mʋgʋ-bal-la ba sɩɩ yɩrɛ Mʋgʋ-sʋʋŋ niiŋ nɛ,

JOSUA 16:7

Bʋa-la bɩra lɩɩ Janʋa lɛ a tuu Atarɔf arɩ Naara, a mʋ yi Jeriko a to ŋɩɩ lɩɩ a mʋ dɛrɛ Jɔdaŋ fuo-la lɛ.

JOSUA 3:13

Dɩ Wɩɩsʋllɩ sɩpaalaaraa sɩ chʋŋ La TƖƖNA sɩ tɩɩ tinteeŋ kala niiriŋ daga nɛ joŋ ba naasɩŋ a nʋɔsɛ Jɔdaŋ fuo-la tʋɔŋ, lɩɩ-la sɩɩ pɛllʋ jaŋ kɛrɛ, a chɩŋ dɩ-bala aŋ sii chʋɔrɛ.”

JOSUA 4:22

má bʋla pɩba arɩ Iziral tɩŋŋaa fa vɛŋ tintee-hɩlɩŋ lɛ nɛ a to Jɔdaŋ fuo-la tʋɔŋ a lɩɩ.

JOSUA 5:1

Amɔrɩ tɩŋŋaa kuorie-la sɩ hɛ Jɔdaŋ fuo-la wɩɩjʋʋlʋŋ arɩ Kɛnaŋ tɩŋŋaa kuorie-la sɩ hɛ Mediterenia mʋgʋ-balɩŋ niiŋ fa sɩ nɩa dɩ La TƖƖNA ŋaa Jɔdaŋ fuoŋ hʋ nɛ ka Iziral tɩŋŋaa chol, fawʋllʋŋ chaasa jʋʋba woruŋ. A tɩŋ Iziral tɩmma-la wɩaa ba nandaasɩŋ yʋɔrɛ arɩ ba sɩ jaŋ cheme yuoba.

SƖPAALAARAA 7:22

Bʋa-la lɛ ba sɩ ŋmʋʋ banyilli-la kala zɔɔ-batori, La TƖƖNA leŋ Midiaŋ tɩŋŋaa laalɩyuoroo chaarɛ tokobiee a gʋra yuyuo dɔŋɔ ba buguŋ lɛ. Laalɩyuoro-la fá mʋ taŋ-la ba sɩɩ yɩrɛ Bɛf Sɩta a tʋʋlɛ Zɛrɛra fuonaaŋ a mʋ yi taŋ-la ba sɩɩ yɩrɛ Abɛl Mehola sɩ kpagɛ lee-la ba sɩɩ yɩrɛ Tabaf.