JOSUA 24:7 - WƖA TENIŊ

⁷ Ba sɩ yele pɩmɛ dɩ mɩ pɛ ba lɛ, mɩ fa joŋ birimiŋ hɛ ba dɩ Ijipiti tɩŋŋaa pɛgɛ nɛ a leŋ lɩɩŋ kʋ tɔ Ijipiti tɩŋŋaa. Ma tɩtɩa na wɩalɩŋ mɩ sɩ ŋaa Ijipiti tɩŋŋaa lɛ nɛ. Ʋ ŋɩɩ harɩŋ, ma hɛ tintee-hɩlɩŋ tʋɔŋ a dieni nɛ.

JOSUA 24:7 ပူးပေါင်းရင်းမြစ်များ

MOSIS KƐŊ IZIRAL TƖŊŊAA LƖƖ 14:10

Ijipiti tinteeŋ kuoro arɩ ʋ laalɩyuoroo sɩ mʋʋ kpagɛba, Iziral tɩŋŋaa bee na dɩ Ijipiti tɩŋŋaa nɛ kiri ba harɩŋ kʋkɔ. Fawʋllʋŋ chaasa kɛmba. Ba ŋmoo niiŋ pɩ La TƖƖNA dɩ ʋ pɛ ba lɛ.

MOSIS KƐŊ IZIRAL TƖŊŊAA LƖƖ 14:20

Ʋ kʋ chɩŋ Iziral tɩŋŋaa arɩ Ijipiti tɩŋŋaa pɛgɛ a kɛrɛ birimiŋ hɛ Ijipiti tɩŋŋaa lɛ aŋ leŋ pʋlʋmʋŋ hɛ Iziral tɩŋŋaa leriŋ. Biriŋ-la sɩ hɛ ba pɛgɛ ŋɩɩ, ba kʋŋkala bɩ wuo mʋ kpagɛ ʋ dɔŋɔ tɩtaŋ-la kala.

MOSIS KƐŊ IZIRAL TƖŊŊAA LƖƖ 14:31

Iziral tɩŋŋaa sɩ na tɩntɩŋ-duoru-la La TƖƖNA sɩ tɩma Ijipiti tɩŋŋaa lɛ, ŋɩɩ nɛ nɩalɩŋ laa Wɩa arɩ ʋ tɩntɩnna Mosis wɩaa dii.

MOSIS BƖRA WULLI WƖA WOMBIIŊ 1:46

Ŋɩɩ nɛ tɩɩ ma hɔŋ Kadɛs lɛ a dieni.

MOSIS BƖRA WULLI WƖA WOMBIIŊ 2:14

La sɩ sii Kadɛs Banɩa lɛ, ʋ jɩsɩŋ mara arɩ fii arɩ chori tʋɔŋ nɛ la chol Zɛrɛd fuonaa-la. Bʋa deeŋ lɛ, dɩ la doho laalɩyuoroo kala sʋba arɩ La TƖƖNA sɩ ŋmɩɛsa hɛ ba lɛ ŋɩɩ.

MOSIS BƖRA WULLI WƖA WOMBIIŊ 29:2

Ŋɩɩ nɛ Mosis yɩrɛ Iziral tɩŋŋaa kala hilimi a bʋla pɩba: “Ma tɩtɩa na wɩalɩŋ La TƖƖNA sɩ ŋaa Ijipiti tinteeŋ kuoro arɩ ʋ tɩntɩnnɩ-hɩasɩŋ arɩ ʋ nɩaa kala lɛ nɛ.

MOSIS BƖRA WULLI WƖA WOMBIIŊ 4:34

Veŋ bɛɛ nɛ hɛ nɩmɛ a jaŋ wuo mʋ tinteeŋ tʋɔŋ a ŋaa wɩaa magɩsɛba, a ŋaa wʋkpuŋkperisiŋ arɩ wʋmagɩlaa, a yuo laalɩŋ, a dagɛ ʋ doluŋ a ŋaa wɩaa sɩ kɛŋ fawʋllʋŋ a laa ʋ nɩaa tintee-la nɩaa teeŋ? Ŋ-la nɛ ma TƖƖNA Wɩa ŋaa ma sɩɩŋ lɛ aŋ laama kaa kʋ lɩɩ Ijipiti tinteeŋ lɛ.

Hiburu TƖŊŊAA 3:17

Kʋbɛɛba nyuŋ nɛ Wɩa fa na baanɩŋ jɩsɩŋ mahɩŋ balɩa ŋɩɩ? Ba nɛ nɩalɩŋ fa sɩ ŋaa wʋbɔŋŋɔɔ Wɩa leŋ ba sʋʋ tintee-hɩlɩŋ lɛ ŋɩɩ.

JOSUA 5:6

Iziral tɩŋŋaa fa baarɛ tintee-hɩlɩŋ tʋɔŋ jɩsɩŋ mahɩŋ balɩa nɛ deeŋ deeŋ, baala-la kala sɩ magɛ laalɩŋ yuonuŋ a lɩɩ Ijipiti tinteeŋ sʋʋ dɛrɛ, bɛɛ wɩaa ba fa vɩa La TƖƖNA niiŋ nɛ. La TƖƖNA fa chaasa ŋmɩɛsɛ nɛ arɩ ba bɩ jaŋ na tintee-la ʋ sɩ hɛ niiŋ a pɩ ba naabalɩmaba arɩ ʋ jaŋ joŋo pɩba, tintee-la sɩ chaasa sɩŋ a kɛŋ kɩaa woruŋ.