JOSUA 24:6 - WƖA TENIŊ

⁶ Bʋa-la lɛ mɩ sɩ kɛŋ ma naabalɩmaba kʋʋ lɩɩ Ijipiti tinteeŋ lɛ, Ijipiti tɩŋŋaa fa lɩɩ kire to ba harɩŋ nɛ arɩ ba janɩŋ torukoba arɩ ba ja-jɩllaa a kʋ yi Mʋgʋ-fɩaŋ niiŋ.

JOSUA 24:6 ပူးပေါင်းရင်းမြစ်များ

NƐHƖMAAYA 9:11

Ŋ leŋe mʋgʋ-balɩŋ kpaa balɩa nɛ Iziral tɩŋŋaa sɩpaaŋ, ba to ʋ tʋɔŋ a vɛŋ tintee-hɩlɩŋ lɛ a lɩɩ. Ama ŋ leŋe nɩalɩŋ sɩ kire to ba harɩŋ tuu lɩɩŋ bʋbʋɔŋ nɛ, a nagɛ ba sɩ joŋ tabɩɩŋ hɛ lɩɩ-balɩŋ lɛ.

WƖA YƖƖLAA 78:13

Ʋ fa kɛŋ mʋgʋ-balɩŋ a kpaa balɩa nɛ, lɩɩ-la sii chɩŋ a nagɛ jebiiŋ, ka ba to ʋ tʋɔŋ lɩɩ.

MOSIS KƐŊ IZIRAL TƖŊŊAA LƖƖ 12:37

Iziral tɩŋŋaa vɛŋ naasɩŋ lɛ nɛ a lɩɩ Ramesis sɩ hɛ Ijipiti tinteeŋ lɛ a mʋ Sʋkɔf. Ba baalaa dʋndʋŋa yi bʋɩ zɔɔ-balɩdʋ nɛ, ba haalaa arɩ ba biiriŋ bɩ pɛ.

MOSIS KƐŊ IZIRAL TƖŊŊAA LƖƖ 12:51

Tapʋlɩɩ-la tɩtɩa nɛ La TƖƖNA kɛŋ Iziral tɩŋŋaa doho doho kala kʋ lɩɩ Ijipiti tinteeŋ lɛ.

MƖKA 6:4

Mɩ nɛ kɛmma kʋ lɩɩ Ijipiti tinteeŋ lɛ, a laama ta ma fa sɩ ŋaa yosu lɛ. Mɩ-na nɛ tɩŋ Mosis, Arɔŋ arɩ Mɩrɩam ba laa ma sɩpaaŋ.

Tɩntɩŋŋaa 7:36

Mosis ŋaa wʋmagɩlaa arɩ wʋkpuŋkperisiŋ Ijipiti tinteeŋ lɛ, aŋ-na kɛsɛ ʋ nɩaa lɩɩ Ijipiti tʋɔŋ. Ʋ fa ŋaa wʋmagɩlaa arɩ wʋkpuŋkperisiŋ nɛ mʋgʋ-bal-la ba sɩɩ yɩrɛ Mʋgʋ-fɩaŋ arɩ tintee-hɩlɩɩ-la lɛ ba sɩ baara jɩsɩŋ mahɩŋ balɩa.

Hiburu TƖŊŊAA 11:29

Iziral tɩŋŋaa ma fa laa Wɩa wɩaa dii nɛ. Ŋɩɩ nɛ tɩɩ ba vɛŋ Mʋgʋ-fɩaŋ-la tʋɔŋ a lɩɩ a nagɛ tintee-hɩlɩŋ. Ama Ijipiti tɩmma-la fa sɩɩ kiriba sɩ kɔ a walɩmɛ dɩ ba chol, mʋga-la kʋ tɔba nɛ, ba kala sʋʋ.