JOSUA 24:20 - WƖA TENIŊ

²⁰ Dɩ ma nɛ vɩa La TƖƖNA aŋ to vesiŋ, ʋ jaŋ mɩɩra joŋ wʋlɔrʋnʋŋ a ŋaa ma lɛ dɩ ma kala sʋʋ a dɛrɛ, arɩ ʋ sɩ ŋaa wʋzɔŋŋɔɔ a pɩma ma kala.”

JOSUA 24:20 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 28:8

Mɩ naambiiriŋ, La TƖƖNA Wɩa arɩ ma Iziral tɩŋŋaa sɩ hilime sɩpaaŋ, mɩɩ chɛ dɩ ma hɛ niiŋ arɩ ma jaŋ hɛ doluŋ aŋ to wɩalɩŋ kala La TƖƖNA Wɩa sɩ dagɛla, dɩ ŋɩɩ leŋ dɩ ma dɩ ma doho nɩaa tɩɩ tintee-zɔmʋŋ deeŋ a kaa mʋ wuu.”

1 IZIRAL TƖŊŊAA NAABARƖŊ 28:9

Ŋɩɩ nɛ Devit bʋla pɩ ʋ nanʋala Solomoŋ ma, “Mɩ bii, to ŋ nyɩmma Wɩa a tɩma pʋ arɩ ŋ tʋɔŋ arɩ ŋ wɩɩwɩɩ kala. La TƖƖNA jɩŋ la tʋɔbɩɩnaa arɩ la wʋchɛɛlɛɛ kala nɛ. Dɩ ŋ nɛ chɛʋ, ŋ jaŋ naʋ, ama dɩ ŋ nɛ vɩaʋ, ʋ ma jaŋ vɩaŋ a kaa mʋ wuu.

2 IZIRAL TƖŊŊAA NAABARƖŊ 15:2

Ʋ lɩɩ Asa teeŋ a bʋla pʋ, “Kuoro Asa, ŋ dɩ Juda doho nɩaa arɩ Bɛnjamɩŋ doho nɩaa kala, má jegile nɩɩ mɩ teeŋ. La TƖƖNA jaŋ chɩna gbɛrɛma dɩ ma nɛ chɩna gbɛrʋ. Dɩ ma nɛ chɛʋ, ma jaŋ naʋ ma, ama dɩ ma nɛ vɩaʋ, ʋ ma jaŋ vɩama ta.

ƐZƖRA 8:22

Hɩɩsɩŋ fa kɛmmɛ nɛ mɩ sɩ jaŋ pɩɛsɛ kuoro dɩ ʋ pɩmɛ laalɩyuoroo arɩ ja-jɩllaa dɩ ba pɔla, dɩ dʋndɔŋŋɔɔ sɩ la wɩɩ ŋaa wombiiŋ lɛ, bɛɛ wɩaa la fa bʋla pɩ kuoro, “La Wɩa naduo-la daŋ nʋʋkala sɩɩ beŋ ʋ lɛ nɛ, ama ʋ yie chaasa na baanɩŋ nɛ nɩalɩŋ kala sɩ vɩaʋ nyuŋ.”

WƖA YƖƖLAA 89:31

dɩ ba nɛ bɩ wɩalɩŋ mɩ sɩ sɩ ba tuto ka to, a vɩa dɩ ba to wɩalɩŋ mɩ sɩ daga dɩ ba tuto,

AZAAYA 1:28

Ama ba jaŋ chei nɩalɩŋ sɩ vɩa La TƖƖNA niiŋ aŋ ŋɩŋaa wʋbɔŋŋɔɔ. La TƖƖNA jaŋ leŋ dɩ ba kala sʋʋ.

AZAAYA 63:10

Ka ba vɩa ʋ niiŋ, aŋ ŋaa Wɩa Dɩŋ-zɔmʋŋ tʋɔŋ chei. Ŋɩɩ nɛ ʋ bɩrɩmɛ ba dʋndɔŋ a tɩtɩa sii chɩŋ ba lɛ a yuoba.

JƐRƖMAAYA 17:13

La TƖƖNA, ŋ lɛ nɛ Iziral tɩŋŋaa yɩɛlaa kala hɛ. Hɩɩsɩŋ jaŋ dii nɩalɩŋ kala sɩ joŋ harɩŋ yɩaŋ. Nɩalɩŋ kala sɩ mɩɩrɛ ŋ harɩŋ yɩrɩŋ jaŋ lɛl a nagɛ ba sɩ ŋmʋnsɛ nɩa yɩrɩŋ bil hagɩla lɛ, a tɩŋ ba sɩ vɩa La TƖƖNA sɩɩ pɩba mɩɩsɩŋ a nagɛ lɩɩ-bulo.

ƐZƖKƖƐL 18:24

Ama dɩ tʋɔpʋl tɩɩna nɛ leŋ tʋɔpʋl wɩaa ŋaanɩŋ aŋ mɩɩra ŋɩŋaa wʋbɔŋŋɔɔ arɩ wɩalɩŋ mɩ sɩɩ kɩsʋ ka nɩbɔŋŋɔɔ ŋɩŋaa, ʋ jaŋ kɛŋ mɩɩsɩŋ? Aɩ, mɩ jaŋ yʋ tʋɔpʋl wɩalɩŋ kala ʋ sɩ ŋaa, a tɩŋ ʋ sɩ bɩ wʋtɩtɩɩ kɛnɛ arɩ mɩ aŋ ŋaa wʋbɔŋ wɩalɩŋ, ʋ jaŋ sʋʋ.

Tɩntɩŋŋaa 7:42

Wɩa joŋ harɩŋ yɩaba, a lemba ta ba chʋchʋɔlɛ chɛnwʋlaa arɩ chɛnɛ arɩ wɩɩpɔsʋŋ. Ba ŋmʋnsɛ ŋɩɩ nɛ Wɩa teniŋ sɛmɛ dɔŋɔ Wɩa wʋlaabʋllaa sɩ ŋmʋnsa. Ba ŋmʋnsa arɩ Wɩa sɩ, ‘Ma Iziral tɩmma, bʋa-la lɛ ma fa sɩ hɛ tintee-hɩlɩɩ-la lɛ jɩsɩŋ mahɩŋ balɩa-la, mɩ-na dee ma fa kpʋ pʋsʋŋ pa.

MOSIS BƖRA WULLI WƖA WOMBIIŊ 4:25

Dɩ ma nɛ mʋ hɔŋ tintee-la lɛ a dieni, a lʋl biiriŋ dɩ ba ma sii a lʋl biiriŋ, ma pʋpɔ má sɩ́ wʋbɔŋ ŋaa ma TƖƖNA Wɩa sɩɩŋ lɛ, a mɛ tɔmʋŋ dɩ ʋ nagɛ kʋŋkala a pɩ ma tɩtɩa. Dɩ ma nɛ ŋaa ŋɩɩ, ʋ baanɩŋ jaŋ sii ma nyuŋ.

MOSIS BƖRA WULLI WƖA WOMBIIŊ 4:26

Jɩnɩŋ, wɩa-nyuŋ arɩ tinteeŋ pɛ na nɛ, dɩ ma nɛ ŋaa wɩaa deemba kʋŋkala ma sɩɩ chol Jɔdaŋ fuo-la dɩ ma laa tintee-la a tɩɩ lɛ, La TƖƖNA jaŋ guu cheima. Ma bɩ jaŋ hɔŋ nɩmɛ dieni ka dɩ ʋ cheima.

Hiburu TƖŊŊAA 10:38

Ama tʋɔpʋl tɩŋŋaa-na jaŋ hɛ nɩmɛ a tɩŋ ba sɩ laamɛ dii wɩaa. Ama dɩ ba nɛ vɩa Wɩa, ʋ tʋɔŋ bɩ jaŋ tɔrɛ ba nyuŋ.”

JOSUA 24:21

Ŋɩɩ nɛ nɩalɩŋ bʋla pɩ Josua, “Aɩ, la jaŋ to La TƖƖNA.”

1 SAMƲƐL 12:15

Ama dɩ ma nɛ bɩ La TƖƖNA niiŋ to, aŋ chichei wɩalɩŋ ʋ sɩ daga, ʋ jaŋ dɔgɩsɛ ma dɩ ma kuoru-la kala arɩ ʋ fa sɩ dɔgɩsɛ ma nyɩmmaba ŋɩɩ.

1 SAMƲƐL 12:25

Ama dɩ ma nɛ vɩa aŋ ha pɛsɛ a ŋɩŋaa wʋbɔŋŋɔɔ, La TƖƖNA jaŋ chei ma dɩ ma kuoru-la kala ta.”