JOSUA 24:18 - WƖA TENIŊ

¹⁸ La TƖƖNA nɛ kiri tinteye-la kala fa sɩ hɛ la sɩpaaŋ a ta, a pɛ Amɔrɩ tɩmma-la lɛ, nɩalɩŋ fa sɩ hɛ tintee-la lɛ. Ŋɩɩ wɩaa la ma jaŋ to La TƖƖNA, bɛɛ wɩaa ʋ nɛ la Wɩa.”

JOSUA 24:18 ပူးပေါင်းရင်းမြစ်များ

WƖA YƖƖLAA 116:16

La Tɩɩna, mɩ ŋaa ŋ tɩntɩnnʋ nɛ, mɩ chaasa tɩma pɩpɩŋ a nagɛ mɩ naaŋ sɩ tɩma pɩŋ ŋɩɩ nɛ. Ŋ laamɛ ta sʋʋŋ nɩsɩŋ lɛ nɛ.

MOSIS KƐŊ IZIRAL TƖŊŊAA LƖƖ 10:2

Ŋɩɩ jaŋ leŋ dɩ ma wuo bʋla pɩ ma biiriŋ arɩ ma nihee ŋɩɩ mɩ sɩ wʋrɩgɛ Ijipiti tɩŋŋaa arɩ wʋmagɩla-la mɩ sɩ ŋaa ba tʋɔŋ, dɩ ma wuo jɩŋ arɩ mɩ nɛ ŋaa ma TƖƖNA.”

MOSIS KƐŊ IZIRAL TƖŊŊAA LƖƖ 15:2

La TƖƖNA nɛ ŋaa mɩ doluŋ, mɩ jaŋ yɩɩ yɩɩlɩŋ aa dagɛ wɩalɩŋ ʋ sɩ ŋaa. Ʋ nɛ ŋaa mɩ Laataara. Ʋ nɛ ŋaa mɩ Wɩa, mɩ jaŋ dɛnnʋ. Ʋ nɛ ŋaa mɩ nyɩmma Wɩa, mɩ jaŋ leŋ dɩ ʋ yɩrɩŋ yɩrɛ.

MOSIS KƐŊ IZIRAL TƖŊŊAA LƖƖ 23:31

Mɩ jaŋ dagɛ ma tinteeŋ bʋa pɩma, a chɩŋ mʋga-la ba sɩɩ yɩrɛ Mʋgʋ-fɩaŋ a kaa mʋ mʋgʋ-bal-la ba sɩɩ yɩrɛ Mediterenia, a bɩra chɩŋ tintee-hɩlɩɩ-la lɛ a kaa mʋ Yufireti fuo-la. Mɩ jaŋ joŋ nɩalɩŋ kala sɩ hɛ tinteeŋ deeŋ lɛ a hɛ ma nɩsɩŋ lɛ, dɩ ma kiriba aŋ laa lee-la.

MƖKA 4:2

Tintee daŋ nɩaa jaŋ kɔ a bʋl, “Má kɔ dɩ la jɩl La TƖƖNA peel-la nyuŋ a mʋ Jekɔb Wɩa dɩa. La TƖƖNA jaŋ dagɛla ʋ wombiee, dɩ la tuto. Wɩa jaŋ dagɛla ʋ wombii-la ʋ sɩ bile dɩ la tuto a lɩɩ Zaayɔŋ lɛ. La TƖƖNA niiŋ wɩaa jaŋ lɩɩ Jerusalɛm nɛ.”

ZƐKARƖYA 8:23

Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Bʋa-la lɛ nɩaa fii jaŋ lɩɩ tintee-wogusuŋ kala sɩɩ bʋl yikorusuŋ sɩ bɩ dɔŋɔ naga, a kʋ kɛŋ Juu tɩɩna gɛrɩŋ lɛ aŋ bʋl, ‘Leŋ dɩ la to ŋ harɩŋ mʋ, bɛɛ wɩaa la nɩa arɩ Wɩa hɛ ma teeŋ nɛ.’ ”

Tɩntɩŋŋaa 7:45

Ŋɩɩ harɩŋ lɛ nɛ, la naabalɩmaba laa lɛbɩŋ deeŋ ba nyɩmmaba teeŋ. Ba dɩ Josua kaa jʋʋ tintee-la nɩaa Wɩa fa sɩ kire ta. Wɩa Lɛbɩ-la fa hɛ ba teeŋ ŋɩɩ nɛ deeŋ deeŋ a kʋ yi la naabalɩma Devit kuoruŋ bʋa lɛ.

MOSIS BƖRA WULLI WƖA WOMBIIŊ 10:21

Ʋ nɛ ŋaa ma Wɩa, má zilu. Ma tɩtɩa na wʋduoru-la arɩ wʋkpuŋkperisi-la ʋ sɩ ŋaa pɩma nɛ.

MOSIS BƖRA WULLI WƖA WOMBIIŊ 33:27

Wɩa sɩ hɛ nɩmɛ deeŋ deeŋ nɛ ŋaa nɩɩ-la la sɩ yie fá mʋ yuori, ʋ dol-la sɩ bɩ dɛrɛ nɛ ʋ kaa pʋpɔma. Ʋ jaŋ kiri ma dʋndɔŋŋɔɔ, aŋ leŋ dɩ ma cheiba.

JOSUA 23:9

La TƖƖNA kiri tintee-balaa sɩ kɛŋ doluŋ nɛ ma sɩpaaŋ. A kaa kɔ arɩ jɩnɩŋ nʋʋkala ha bɩ ma sɩpaaŋ wuo chɩŋ.

JOSUA 24:17

La TƖƖNA Wɩa tɩtɩa nɛ kɛŋ la arɩ la naabalɩmaba lɩɩ Ijipiti tinteeŋ lɛ, tintee-la lɛ la fa sɩ hɛ a ŋaa yosi. Ʋ ŋaa wʋmagɩlaa la sɩɩŋ lɛ nɛ, a pɔla wombii-la kala lɛ la sɩ vɛnɛ arɩ tinteye-la tʋɔŋ la sɩ to lɩɩ.

JOSUA 24:19

Josua bɩra bʋla pɩ nɩalɩŋ, “Má bɩ jaŋ wuo to La TƖƖNA, ʋ bɩ mɔlɩɩ ŋaa, bɛɛ wɩaa Wɩa bɩ disiniŋ kɛnɛ, ʋ bɩ hadɔrʋŋ ka chɛ. Ʋ bɩ jaŋ joŋ ma wʋbɔŋŋɔɔ chɛma dɩ ma nɛ vɩa ʋ niiŋ.