JOSUA 24:14 - WƖA TENIŊ

¹⁴ Maa fá La TƖƖNA a tutou arɩ ma wʋtɩtɩɩ. Má paa vesi-la ma naabalɩmaba fa sɩɩ kpaarʋ Yufireti fuo-la cholo arɩ Ijipiti lɛ a yuo ta, aŋ tɩma pɩpɩ La TƖƖNA.

JOSUA 24:14 ပူးပေါင်းရင်းမြစ်များ

WƖAA DƖ-SUOMUŊ 17:1

Abɩram sɩ ŋaa jɩsɩŋ mahɩŋ banɛsɛ arɩ fii arɩ nibi, La TƖƖNA kɛŋ ʋ tɩtɩa kʋ dagʋ a bʋla pʋ, “Mɩ nɛ ŋaa Wɩa doluŋ kala Tɩɩna, kɛŋ tʋɔpʋla mɩ teeŋ.

WƖAA DƖ-SUOMUŊ 35:2

Ŋɩɩ nɛ Jekɔb bʋla pɩ ʋ dɩa nɩaa arɩ nɩalɩŋ kala sɩ hɛ ʋ teeŋ, “Má paa ma tɔŋŋɔɔ kala ta aŋ pɩɩsɛ ma disiniŋ ta aŋ wuri ma gɛnnɩŋ aŋ laalɛ gɛrɩ-falaa

2 KUOROO 20:3

“Mɩ Tɩɩna, liisi ŋɩɩ mɩ sɩ laaŋ dii a toŋ arɩ mɩ tʋɔŋ kala, a ŋaa wɩalɩŋ sɩɩ tɔrɛ ŋ tʋɔŋ.” Ʋ bʋl ŋɩɩ aŋ chaasa yel woruŋ.

ƐZƖRA 9:11

wɩalɩŋ ŋ sɩ to ŋ tɩntɩnnaa sɩ ŋaa ŋ wʋlaabʋllaa lɛ a dagɛla. Ba bʋla pɩla, ‘Tintee-la ma sɩɩ mʋ, ʋ nɩaa ŋaa disiniŋ a chei ʋ kala nɛ. Nɩalɩŋ sɩ hɛ nɩmɛ ŋaa wʋkɩsaa a leŋ ʋ kala kɛŋ disiniŋ nɛ.’

JOB 1:1

Baal kʋbala nɛ fa hɛ Us tinteeŋ lɛ, baa yɩrɛ Job. Baala deeŋ wɩaa tʋʋla nɛ woruŋ, ʋ bɩ wʋcheeli kala kɛnɛ. Ʋ faa fá Wɩa nɛ woruŋ a bɛrɛ wʋbɔŋŋɔɔ.

JOB 28:28

Ŋɩɩ nɛ ʋ bʋla pɩ nuhuobiine, ‘Dɩ ŋ nɩɩ fá mɩ-na ma Tɩɩna, wʋjɩmɩŋ nɛ ŋɩɩ, dɩ ŋ nɛ vɩa wʋbɔŋŋɔɔ ŋaanɩŋ, ŋ jɩŋ wɩaa sɩaa nɛ ŋɩɩ.’ ”

WƖA YƖƖLAA 111:10

Ŋ sɩɩ fá La Tɩɩna nɛ ŋaa wʋjɩmɩŋ dɩ-suomuŋ. Nɩɩ-la kala sɩ to wɩalɩŋ ʋ sɩ daga jɩŋ wɩaa sɩaa nɛ woruŋ. Nɩaa maga dɩ ba dɛnnʋ nɛ a kaa mʋ wuu.

WƖA YƖƖLAA 119:1

Nɩalɩŋ sɩ bɩ wʋcheeli kala kɛnɛ jaŋ kɛŋ tʋɔtɔrʋŋ, nɩalɩŋ sɩɩ to La Tɩɩna wombii-la ʋ sɩ bile dɩ la tuto.

WƖA YƖƖLAA 119:80

Leŋ dɩ mɩ chaasa tuto wɩalɩŋ ŋ sɩ daga woruŋ, dɩ ŋɩɩ leŋ dɩ hɩɩsɩŋ sɩ́ mɩ dii.

WƖA YƖƖLAA 130:4

Ama ŋ nɛ joŋ wɩaa chɩchɛla, ŋɩɩ wɩaa ʋ maga dɩ la fáŋ.

WƖA YƖƖLAA 81:10

Mɩ nɛ ma TƖƖNA Wɩa, mɩ nɛ kɛmma kaa lɩɩ Ijipiti tinteeŋ lɛ. Má faasa suri niiŋ dɩ mɩ pɩma kʋdiilee.

ƐZƖKƖƐL 20:18

Tintee-hɩlɩɩ-la lɛ, mɩ fa bʋla pɩ ba biiriŋ, ‘Má pɔ ma sɩ́ ma nyɩmmaba wʋdagaa to koo a to ba wombiee koo a to ba tɔmɔ-la a ŋaa disiniŋ hɛ ma tɩtɩa lɛ.

ƐZƖKƖƐL 23:3

Ijipiti tinteeŋ lɛ nɛ ba bɩrɩmɛ hachɔrʋmɔ, ba ŋaa hachɔrʋŋ wɩaa ba hatulluŋ kala lɛ nɛ. Tintee-la lɛ nɛ ba chagɩsɛ ba yɩlaa a pʋrʋmɛ ba yɩl niiriŋ.

HOSIA 3:5

Ʋ ŋɩɩ harɩŋ lɛ, Iziral tɩŋŋaa jaŋ mɩɩra chɛ ba TƖƖNA Wɩa arɩ ba kuoro Devit leriŋ. Ba jaŋ fɩfá La TƖƖNA a kɔ ʋ teeŋ tapʋlaa dɩdɛrɩŋ a chɩchɛ dɩ ʋ pɛ ba lɛ dɩ ba na wʋzɔŋŋɔɔ.

LEVI DOHO NƖAA 17:7

Ʋ bɩ maga dɩ ba bɩra kpaarɛ vʋɩ kala, kɩalɩŋ lɛ ba fa sɩ to a ŋɩŋaa wʋlɩɩlɩŋ. Wɩɩŋ deeŋ ŋaa nii nɛ a pɩ ma dɩ ma doho kala dɩ ma tuto.’

MƖKA 6:8

Aɩ, Wɩa dagɛla wɩɩ-la sɩ zɔmɔ nɛ. Wʋbɛɛ nɛ La TƖƖNA chɩchɛ dɩ la ŋaa? Ʋʋ chɛ dɩ la kɛŋ wʋtɩtɩɩ a ŋɩŋaa wɩaa, a cho nɩaa, a muuri la tɩtɩa a tuto ʋ wombiiŋ.

Luuk 8:15

Kɩalɩŋ sɩ tel tintee-zɔmʋŋ tʋɔŋ ma nɛ ŋaa nɩalɩŋ sɩ nɩɩ Wɩa niiŋ wɩalɩŋ a laaba hɛ ba tʋɔŋ lɛ a tutoba, a pɛsɛ wɩalɩŋ lɛ halɩɩ, ba kɛŋ doho.”

Tɩntɩŋŋaa 9:31

Ŋɩɩ harɩŋ lɛ nɩalɩŋ sɩ laa Yesu wɩaa dii aa hilimi Judiya arɩ Galilii arɩ Samarɩa tinteeŋ lɛ kala na wiese, a wasa laa Wɩa dii, a to La Tɩɩna Yesu a fɩfáʋ. Wɩa Dɩŋ-zɔmʋŋ ma pɛ ba lɛ. Ba pʋŋa pɛ.

2 Kɔrɩntɩ Nɩaa 1:12

Lɛɛlɛ la jaŋ wuo bigisi la tɩtɩa lɛ, bɛɛ wɩaa la tʋɔbɩɩnaa daga arɩ la wʋŋaalaa kala zɔmɔ nʋʋkala teeŋ nɛ dʋnɩa deeŋ lɛ. Wɩɩkala la sɩ ŋaa ma teeŋ, la ŋaa wɩalɩŋ sɩɩ to Wɩa wombiiŋ nɛ aŋ pɛ ŋaa wʋtɩtɩɩ-la Wɩa sɩɩ chɛ. Nuhuobiine wʋjɩmɩŋ lɛ dee la to a ŋɩŋaa wɩalɩŋ, ama Wɩa doluŋ lɛ nɛ la ŋaaba.

Ɛfɛsɩs Nɩaa 6:24

Nɩalɩŋ sɩ cho La Tɩɩna Yesu Kirisito a kaa mʋ deeŋ deeŋ, Wɩa jaŋ fá nɩaa deemba kala nenige.

MOSIS BƖRA WULLI WƖA WOMBIIŊ 10:12

Lɛɛlɛ ma Iziral tɩŋŋaa, má jegile nɩɩ wɩalɩŋ ma TƖƖNA Wɩa sɩɩ chɛ dɩ ma ŋaa. Má zizil ma TƖƖNA Wɩa a ŋɩŋaa wɩalɩŋ kala ʋ sɩɩ chɛ. Má cho ma TƖƖNA Wɩa a tɩma pʋpʋ arɩ ma tʋɔŋ arɩ ma wɩɩ-wɩɩkala.

MOSIS BƖRA WULLI WƖA WOMBIIŊ 18:13

Ʋ bɩ maga dɩ ma kɛŋ wʋcheeli kala ma TƖƖNA Wɩa sɩpaaŋ.

MOSIS BƖRA WULLI WƖA WOMBIIŊ 6:13

Má zizil ma TƖƖNA Wɩa a chʋchʋɔlɛ ʋ dʋndʋŋa a tutou, a ŋɩŋaa wɩɩkala ʋ yɩrɩŋ lɛ.

Fɩlɩpa Nɩaa 1:10

Wʋjɩmɩɩ-la jaŋ leŋ dɩ ma lɩɩsɛ wʋzɔŋŋɔɔ a ŋɩŋaa. Dɩ ma nɛ ŋaa ŋɩɩ, ma jaŋ wuo lɩɩsɛ ma tɩtɩa disiniŋ lɛ, a sɩ́ wɩɩkala ŋaa chei a mʋ yi tapʋlɩɩ-la Kirisito sɩ jaŋ kɔ.

JOSUA 24:2

Ŋɩɩ nɛ Josua bʋla pɩ nɩalɩŋ kala, “Wɩɩ-la La TƖƖNA Iziral tɩŋŋaa Wɩa sɩ bʋla nɛ ŋ-la: ‘Bumbuŋ-la ma naabalɩmaba fa hɛ Yufireti fuo-la cholo nɛ a tuto vesiŋ. Tɛra ma fa pɛ nɛ, Abɩraham arɩ Nahɔ nyɩmma nɛ ŋɩɩ.

JOSUA 24:23

Ŋɩɩ nɛ Josua bɩra bʋl, “Ŋɩɩ-na lɛɛlɛ, má paa vʋɩya-la kala sɩ hɛ ma teeŋ a yuo ta, aŋ joŋ ma tʋɔŋ pɩ La TƖƖNA sɩ ŋaa Iziral tɩŋŋaa Wɩa.”

1 SAMƲƐL 12:14

Wɩɩkala jaŋ vɛŋ woruŋ pɩ ma dɩ kuoru-la La TƖƖNA sɩ joŋo pɩma dɩ ʋ bibemma, dɩ ma dɩ ʋ kala nɩɩ fá La TƖƖNA Wɩa, a tɩma pʋpʋ, a sɛyɛ tuto wɩalɩŋ kala ʋ sɩ daga.

1 SAMƲƐL 12:24

Má hɛ doluŋ aŋ fá La TƖƖNA, a kɛŋ wʋtɩtɩɩ a tutou arɩ ma tʋɔŋ kala. Má liisi wʋbala-la kala ʋ sɩ ŋaa pɩma wɩaa.

1 SAMƲƐL 7:3

Ŋɩɩ nɛ Samʋɛl fa bʋla pɩ Iziral tɩŋŋaa kala, “Dɩ ma nɩɩ chɛ dɩ ma joŋ ma tʋɔŋ kala a pɩ La TƖƖNA, ŋɩɩ-na má vɩa nɩwogusuŋ vesiŋ arɩ vene-la ba sɩɩ yɩrɛ Asɩtɔrɛf, aŋ joŋ ma tɩtɩa kala a pɩ La TƖƖNA a tuto ʋ dʋndʋŋa. Dɩ ma nɛ ŋaa ŋɩɩ, ʋ jaŋ laama ta Fɩlɩsɩtɩa tɩŋŋaa nɩsɩŋ lɛ.”