JOSUA 23:14 - WƖA TENIŊ

¹⁴ Lɛɛlɛ, bʋa-la mɩ sɩ jaŋ sʋʋ yie nɛ. Ma kʋŋkala jɩma ma tʋɔŋ lɛ arɩ wʋzɔmɔ-la kala, Ma TƖƖNA Wɩa fa sɩ hɛ niiŋ arɩ ʋ jaŋ ŋaa pɩma, ba kala nɛ ʋ ŋaa. Ʋ bɩ ba kʋŋkala kere ta.

JOSUA 23:14 ပူးပေါင်းရင်းမြစ်များ

WƖAA DƖ-SUOMUŊ 47:29

Ʋ mɩɩsɩŋ sɩ kpagɛ dɛrɩŋ, ʋ yɩrɛ ʋ nanʋala Josɛf a bʋla pʋ, “Dɩ ŋ nɛ chomi, joŋ ŋ nɩsɩŋ hɛ mɩ naapuiŋ bʋbʋɔŋ a hɛ niiŋ pɩmɛ arɩ wʋtɩtɩɩ, dɩ mɩ nɛ sʋba ŋ bɩ jaŋ jommi hugi Ijipiti tinteeŋ lɛ,

1 KUOROO 2:2

Ʋ sɩ, “Mɩ sʋʋŋ yie nɛ, ŋɩɩ wɩaa nyɩrɛ bɔyɛ a kɛŋ tʋɔ-doluŋ.

1 KUOROO 8:56

“Má dɛnnɛ La TƖƖNA, ʋ kɛŋ nii-la ʋ sɩ hɛ tɩŋ nɛ a leŋ la hɔŋ arɩ fɩɛlɩŋ. Wʋzɔmɔ-la kala ʋ sɩ bʋla pɩ ʋ tɩntɩnna Mosis arɩ ʋ jaŋ ŋaa, ba kala nɛ ʋ ŋaa.

JOB 30:23

Mɩ jɩma ŋ jaŋ leŋ dɩ mɩ sʋʋ, a mʋ lee-la nʋʋkala sɩ jaŋ mʋ.

MOSIS KƐŊ IZIRAL TƖŊŊAA LƖƖ 3:8

Ŋɩɩ nɛ mɩ kʋ tuu dɩ mɩ laaba ta Ijipiti tɩmma-la nɩsɩŋ lɛ, a lɩɩsɛba tintee-la lɛ a kaa mʋ tintee-la sɩ zɔmɔ a kɛŋ kʋdiilee aŋ pɛ jal ma. Mɩ jaŋ joŋ Kɛnaŋ tɩŋŋaa, Hiti tɩŋŋaa, Amɔrɩ tɩŋŋaa, Pɛrɛs tɩŋŋaa, Hivi tɩŋŋaa arɩ Jebus tɩŋŋaa tinteyee a pɩba.

TƖƖCHA 12:5

Ŋ jaŋ fɩfá dundolluŋ jɩlɩŋ, dɩ ŋ vɛnɩŋ ŋaa wʋduo, ŋ nyuŋ jaŋ pʋllɛ, dɩ ŋ bɩra bɩ ŋ tɩtɩa wuo lɛrɛɛ vɛŋ, dɩ ŋ kʋchooloo kala lɛl. Ŋɩɩ lɛ nɛ nuhuobiine jaŋ mʋ ʋ dɩ-wiesiŋ, dɩ nɩaa yiyel wombiee lɛ.

TƖƖCHA 9:10

Tɩntɩmɩɩ-la kala ŋ sɩɩ tɩŋ, fɩɛsɛ sɩɩŋ a faasa tɩmʋ. Ʋ bɩ jaŋ dieni ka ŋ mʋ lɛlɛɛ-jaŋ, lee-la nɩaa sɩ bɩ tɩŋ, a bɩ wɩaa ka bɩɩnɛ, a bɩ wʋjɩmɩŋ kɛnɛ, a bɩ wɩaa sɩaa ma jɩŋ.

ƐZƖKƖƐL 20:28

Bʋa-la lɛ mɩ sɩ kɛmba kʋ jʋʋ tintee-la mɩ fa sɩ hɛ niiŋ arɩ mɩ jaŋ joŋo pɩba, dɩ ba nɛ na dundolo kala koo tɩɩ-lugu kala nɩmɛ, ba yie kpʋkpaarɛ vʋɩyaa nɩmɛ nɛ. Ba yie joŋ kɩaa pɩpɩba, a nyɩnyɩgɛ kʋsʋɔrʋsʋŋ sʋɔra sɩ sɩma a ŋaa kʋnyʋalaa pɩpɩba a ŋaa mɩ baanɩŋ sii.

NAMBABA 23:19

Wɩa bɩ nuhuobiinee naga a nyɩnyɩɛ wɩaa koo a kɛŋ ʋ tʋɔbɩɩnaa a bɩbɩrɩmɛ. Dɩ ʋ nɛ bʋl wɩɩ, ʋ yie sɛnɛ ŋaa wɩɩ-la nɛ, dɩ ʋ nɛ hɛ niiŋ arɩ ʋ jaŋ ŋaa wɩɩ ma, ʋ yie sɛnɛ ŋaa nɛ.

Luuk 21:33

Wɩa-nyuŋ arɩ tinteeŋ kala jaŋ dɛrɛ, ama wɩalɩŋ mɩ sɩ bʋla bɩ jaŋ lɛl.

Hiburu TƖŊŊAA 9:27

Bala nɛ nʋʋkala jaŋ sʋʋ. Ŋɩɩ harɩŋ lɛ, Wɩa jaŋ dii ʋ tɩɩna sarɩya.

1 SAMƲƐL 3:19

Samʋɛl sɩɩ waa ŋɩɩ, La TƖƖNA chɩŋ ʋ harɩŋ nɛ woruŋ a leŋ wɩalɩŋ kala Samʋɛl sɩ bʋla sɛnɛ kʋ ŋaa.