JOSUA 22:6 - WƖA TENIŊ

⁶ Ŋɩɩ nɛ Josua sʋl Wɩa pɩba, aŋ taba ba mʋ ba dɩɩsɩŋ.

JOSUA 22:6 ပူးပေါင်းရင်းမြစ်များ

WƖAA DƖ-SUOMUŊ 14:19

Ŋɩɩ nɛ ʋ sʋl Wɩa pɩ Abɩram aŋ bʋl, “Wɩa-la sɩ kɩɩ kʋŋkala a ŋaa wɩa-nyuŋ arɩ tinteeŋ nɛ jaŋ pɛ Abɩram lɛ.

WƖAA DƖ-SUOMUŊ 47:10

Ŋɩɩ nɛ Jekɔb sʋl Wɩa pɩ Ijipiti tinteeŋ kuoro aŋ viiri.

WƖAA DƖ-SUOMUŊ 47:7

Ŋɩɩ nɛ Josɛf kɛŋ ʋ nyɩmma Jekɔb kaa kɔ Ijipiti tinteeŋ kuoro teeŋ. Jekɔb sʋl Wɩa pʋ.

2 SAMƲƐL 6:18

Ʋ sɩ sʋl Wɩɩsʋlɩɩ-la a dɛrɛ, ʋ sʋl Wɩa pɩ nɩalɩŋ, La TƖƖNA doluŋ kala Tɩɩna yɩrɩŋ lɛ.

2 SAMƲƐL 6:19

Ʋ joŋ boroboro, kpʋla nɛnɛɛ arɩ girep nɛŋ-hɩlaa a kpaa Iziral tɩŋŋaa nɩ-daŋ-la kala, baalaa arɩ haalaa. Ba kala mɩɩra mʋ ba dɩɩsɩŋ.

2 SAMƲƐL 6:20

Devit fa sɩ mɩɩra kɔ ʋ dɩa dɩ ʋ sʋl Wɩa pɩ ʋ dɩa nɩaa lɛ, Sɔɔl tolo Mɩkal lɩɩ chemu a bʋl, “Bɛɛ kɩaa hɩɩsɛ wɩaa nɛ ŋ-na Iziral kuoro ŋaa ŋɩɩ jɩnɩŋ, a wuri ŋ kɩaa ta ŋ tɩntɩnnaa haalaa sɩpaaŋ a nagɛ nɩyaarɩ?”

1 KUOROO 8:66

Taŋ sɩ pʋla, kuoro Solomoŋ ta nɩalɩŋ kala ba mʋ dɩɩsɩŋ. Ba kala lɔllʋ aŋ mʋ dɩɩsɩŋ arɩ tʋɔtɔrʋŋ a tɩŋ wʋzɔmɔ-la kala La TƖƖNA sɩ ŋaa pɩ ʋ tɩntɩnna Devit arɩ ʋ nɩaa Iziral tɩŋŋaa.

2 IZIRAL TƖŊŊAA NAABARƖŊ 30:18

Nɩalɩŋ dɔnsʋŋ fa sɩ lɩɩ Efirem, Manasɛ, Ɩsaka arɩ Zebuluŋ doho doho a kɔ, ba fa bɩ ba disiniŋ pɩɩsa ta, aŋ ma fa ha dii gbiele-la kɩaa, aŋ ka wɩalɩŋ ba sɩ ŋmʋnsa bil dɩ ba tuto bɩ ŋɩɩ daga. Ama kuoro Hezikaaya sʋl Wɩa pɩba a bʋl,

MOSIS KƐŊ IZIRAL TƖŊŊAA LƖƖ 39:43

Mosis beŋ tɩntɩmɩɩ-la kala a na dɩ ba tɩŋ ŋɩɩ La TƖƖNA sɩ dagʋ, ŋɩɩ nɛ ʋ sʋl Wɩa pɩba.

Luuk 2:34

Ŋɩɩ nɛ Simioŋ chʋɔlɛ Wɩa pɩba dɩ ʋ pɛ ba lɛ aŋ bʋla pɩ ʋ naaŋ Mɛɛrɩ, “Wɩa lɩɩsɛ ŋ bie deeŋ dɩ ʋ kʋ dɔgɩsɛ nɩalɩŋ sɩ bɩ ʋ wɩaa laa dii nɛ, aŋ laa nɩalɩŋ sɩ laa ʋ wɩaa dii ta Iziral tɩŋŋaa tʋɔŋ. Wɩa ta bie deeŋ dɩ ʋ ŋaa magɩl nɛ. Nɩaa yʋga sɩ jaŋ joŋ ba harɩŋ yɩaʋ,

Luuk 24:50

Ŋɩɩ nɛ ʋ kɛŋ ʋ harɩ-tooro-la ba lɩɩ tabal-la lɛ a joŋ wombiiŋ a mʋmʋ Bɛtanɩ dɩɩrɩŋ. Nɩmɛ nɛ ʋ kɛŋ ʋ nɩsaa je ba nyuŋ aŋ chʋɔlɛ Wɩa pɩba.

JOSUA 14:13

Ŋɩɩ nɛ Josua sʋl Wɩa a pɩ Jefuni nanʋala Kalɩb, aŋ joŋ taŋ-la ba sɩɩ yɩrɛ Hɛbʋrɔŋ a pʋ, ʋ ŋaa ʋ kʋŋ.

JOSUA 24:28

Ŋɩɩ nɛ Josua ta nɩalɩŋ ba viiri, ba kʋŋkala mʋ taŋ-la ʋ sɩ lɩa.

1 SAMƲƐL 10:25

Samʋɛl dagɛ nɩalɩŋ kuoruŋ wombiee, aŋ ŋmʋnsa hɛ teniŋ lɛ a joŋo bil La TƖƖNA sɩpaaŋ. Ŋɩɩ nɛ aŋ ka Samʋɛl ta nɩalɩŋ kala ba mɩɩra mʋ ba dɩɩsɩŋ.

1 SAMƲƐL 13:2

Sɔɔl fa tʋɔsɛ Iziral laalɩyuoroo bʋɩ batori nɛ. Bʋɩ balɩa hɛ ʋ teeŋ Mɩkɩmas arɩ Bɛtɛl tintee-la peelee sɩ yʋga lɛ, ka bʋɩ ma hɛ ʋ nanʋala Jonataŋ teeŋ Gɩbɩa sɩ hɛ Bɛnjamɩŋ tinteeŋ lɛ, aŋ leŋ baala-la nɩkaanaa mɩɩra mʋ ba dɩɩsɩŋ.

1 SAMƲƐL 2:20

Eli yie sʋl Wɩa pɩ Ɛlɩkaana arɩ ʋ haala a bʋl, “La TƖƖNA jaŋ pɛ ŋ dɩ ŋ haala deeŋ lɛ dɩ ma lʋl biiriŋ, dɩ ba chɩŋ bie deeŋ nyuŋ, bie deeŋ ʋ sɩ sʋl Wɩa ʋ joŋo pʋ ʋ ma bɩra joŋu hɛ La TƖƖNA nɩsɩŋ lɛ nɛ.” Dɩ ʋ nɛ sʋl Wɩa pɩba dɛrɛ, ba yie mɩɩra mʋ dɩa.