JOSUA 22:5 - WƖA TENIŊ

⁵ Má ta fɩɛlɛ ma sɩaa a to niiri-la arɩ wombie-la La TƖƖNA tɩntɩnna Mosis sɩ joŋo pɩma. Má cho ma TƖƖNA Wɩa, a tuto ʋ wombiee kala, arɩ niiri-la ʋ sɩ daga, a mɛrɛ ʋ lɛ a tɩma pʋpʋ arɩ ma tʋɔŋ arɩ ma wɩɩ-wɩɩkala.”

JOSUA 22:5 ပူးပေါင်းရင်းမြစ်များ

WƖA YƖƖLAA 106:3

Nɩalɩŋ sɩ chɩŋ wʋtɩtɩɩ naaŋ lɛ, arɩ nɩalɩŋ sɩɩ ŋaa wɩaa ba bʋa lɛ bʋa na-kala, ba tʋɔŋ jaŋ tɔrɛ.

WƖA YƖƖLAA 78:7

dɩ ŋɩɩ leŋ dɩ ba joŋ ba yɩɛlaa hɛ Wɩa lɛ, a sɩ́ ʋ wʋŋaalaa yʋ, aŋ tuto wɩalɩŋ ʋ sɩ daga.

MOSIS KƐŊ IZIRAL TƖŊŊAA LƖƖ 15:26

Ʋ sɩ, “Dɩ ma nɛ jaŋ jegile nɩɩ mɩ-na ma TƖƖNA Wɩa niiŋ woruŋ a ŋɩŋaa wɩaa ba bʋa lɛ, a to wɩalɩŋ kala mɩ sɩ dagɛma, mɩ bɩ jaŋ joŋ nyanyalɩa-la mɩ sɩ joŋo hɛ Ijipiti tɩŋŋaa lɛ a hɛ ma lɛ. Mɩ nɛ ŋaa ma TƖƖNA, mɩ nɩɩ vaarɛ ma nyanyalaa.”

MOSIS KƐŊ IZIRAL TƖŊŊAA LƖƖ 20:6

Ama nɩalɩŋ sɩ chomi a tuto mɩ niiriŋ, mɩ jaŋ dagɛ mɩ chonuŋ a pɩba arɩ ba biiriŋ arɩ ba nihee arɩ ba nihi-lɩɛrɛba a kaa mʋ wuu.

MOSIS KƐŊ IZIRAL TƖŊŊAA LƖƖ 23:13

Má jegile nɩɩ wɩalɩŋ kala mɩ-na ma TƖƖNA sɩ bʋla pɩma. Má pɔ dɩ ma sɩ́ vʋɩyaa kpaarʋ, a sɩ́ ba yɩrɩŋ yɩrʋ.

MOSIS KƐŊ IZIRAL TƖŊŊAA LƖƖ 23:25

Dɩ ma nɛ to mɩ-na ma TƖƖNA Wɩa, mɩ jaŋ pɛ ma lɛ dɩ ma na kʋdiilee arɩ lɩɩŋ, a pɔ dɩ nyanyalɩɩ kala sɩ́ ma kɛŋ.

NAMAGABA 4:23

Kɛŋ ŋ tʋɔbɩɩnaa woruŋ, bɛɛ wɩaa, ba nɛ jaŋ leŋ dɩ ŋ wʋŋaalaa tʋʋlɛ.

AZAAYA 55:2

Bɛɛ nɛ tɩɩ ma chichei moribiee kɩalɩŋ sɩ tuo kʋdiilee lɛ, a lʋlɔl ma tɩtɩa kɩalɩŋ sɩ bɩ jaŋ vɔgɩma lɛ? Má jegile nɩɩ mɩ teeŋ woruŋ, ŋɩɩ nɛ ma jaŋ dii kʋdii-zɔŋŋɔɔ tɩtɩa a nɩɩ sɩma.

JƐRƖMAAYA 12:16

Dɩ tintee-la nɩalɩŋ nɛ gʋnnɛ mɩ nɩaa wombiee woruŋ, a kɛŋ mɩ yɩrɩŋ tɩtɩŋ, a bʋbʋl, ‘La ŋmɩɛsɛ La TƖƖNA sɩ weye,’ arɩ ba fa sɩ leŋe mɩ nɩaa ŋmɩŋmɩɛsɛ vene-la ba sɩɩ yɩrɛ Baal yɩrɩŋ lɛ ŋɩɩ, ŋɩɩ-na ba jaŋ hɔŋ mɩ nɩaa tʋɔŋ.

Matiu 22:37

Ŋɩɩ nɛ Yesu bʋl, “Kɛŋ ŋ tʋɔŋ arɩ ŋ wɩɩ-wɩɩkala a cho ŋ Tɩɩna Wɩa.

Matiu 4:10

Ŋɩɩ nɛ Yesu bʋla pʋ, “Sɩtaanɩ, mʋ nɩmɛ, Wɩa teniŋ tʋɔŋ ba ŋmʋnsa, ‘Má chʋchʋɔlɛ La Tɩɩna Wɩa dʋndʋŋa a tutou.’ ”

Matiu 6:24

Nʋʋkala bɩ jaŋ wuo tɩŋ tɩntɩŋŋaa a pɩ nɩhɩasɩŋ balɩa. Ʋ jaŋ cho dɔŋɔ aŋ bɛrɛ dɔŋɔ. Ʋ jaŋ tuto dɔŋɔ niiŋ wɩaa woruŋ aŋ vɩa dɔŋɔ niiŋ wɩaa. Ŋɩɩ tɩtɩa nɛ ŋ bɩ jaŋ wuo ŋaa Wɩa yoŋ aŋ bɩra ŋaa moribiee ma yoŋ.

Jɔɔŋ 12:26

Nɩɩ-la kala sɩ cho dɩ ʋ tɩma pɩpɩmɛ, maga ʋ to mɩ harɩŋ. Lee-la kala mɩ sɩ hɛ, ʋ tɩɩna ma jaŋ hɛ nɩmɛ. Dɩ nʋʋkala nɛ tɩma pɩpɩmɛ, mɩ Nyɩmma jaŋ zil ʋ tɩɩna.

Jɔɔŋ 14:15

Ŋɩɩ nɛ Yesu bɩra bʋl, “Dɩ ma nɛ chomi, ma jaŋ tuto mɩ niiŋ wɩaa.

Tɩntɩŋŋaa 11:23

Ʋ sɩ mʋa, ʋ na ŋɩɩ Wɩa sɩ pɛ nɩalɩŋ lɛ. Ʋ tʋɔŋ tɔrɛ. Ʋ bʋl wɩaa nyaasɛ ba nyuŋ woruŋ dɩ ba kɛŋ wʋtɩtɩɩ a to La Tɩɩna Yesu arɩ ba tʋɔŋ kala.

Tɩntɩŋŋaa 27:23

Wɩa-la sɩ tɩɩmɛ, mɩ tɩma pʋpʋ, ʋ tɩndaara dɩa kɔ mɩ teeŋ nɛ tɩtaŋɩŋ

Rom Tɩŋŋaa 1:9

Wɩa mɩ sɩ tɩmaa pa arɩ mɩ tʋɔ-bala aa bʋl ʋ Bie wʋzɔmɔ-la, ʋ nɛ ŋaa mɩ pɛ-naara bʋa na-kala lɛ dɩ mɩ nɩɩ chʋɔlʋ, mɩ yie liliisi ma wɩaa nɛ.

Rom Tɩŋŋaa 12:9

Má cho dɔŋɔ arɩ wʋtɩtɩɩ. Má bɛrɛ wʋbɔŋŋɔɔ, aŋ joŋ ma tɩtɩa hɛ wʋzɔŋŋɔɔ ŋaanɩŋ lɛ.

Rom Tɩŋŋaa 8:28

La jɩma wɩɩkala lɛ, Wɩa yie leŋ wɩaa zɔŋ nɛ a pɩ nɩalɩŋ sɩ chou, nɩalɩŋ ʋ sɩ lɩɩsa ʋ tʋɔtɔrʋŋ lɛ.

MOSIS BƖRA WULLI WƖA WOMBIIŊ 10:20

Má zizil ma TƖƖNA Wɩa a tɩma pʋpʋ. Má kɛŋ ma tɩtɩa mɛrɛ ʋ lɛ a kɛŋ ʋ yɩrɩŋ dʋndʋŋa nɛ a tɩtɩŋ.

MOSIS BƖRA WULLI WƖA WOMBIIŊ 11:1

Má cho ma TƖƖNA Wɩa a tuto ʋ niiŋ arɩ ʋ wombiee arɩ wɩalɩŋ kala ʋ sɩ daga bʋa na-kala.

MOSIS BƖRA WULLI WƖA WOMBIIŊ 11:13

Ŋɩɩ wɩaa dɩ ma nɛ jaŋ kɛŋ wʋtɩtɩɩ a to wɩalɩŋ mɩ sɩ dagɛma jɩnɩŋ a cho ma TƖƖNA Wɩa a tɩmaa pʋ arɩ ma tʋɔŋ arɩ ma wɩɩ-wɩɩkala,

MOSIS BƖRA WULLI WƖA WOMBIIŊ 11:22

Dɩ ma nɛ fɩɛlɛ ma sɩaa a tuto wɩaa deemba kala mɩ sɩɩ dagɛma, a cho ma TƖƖNA Wɩa, a tuto ʋ wombiee a kɛŋ ma tɩtɩa mɛrɛ ʋ lɛ,

MOSIS BƖRA WULLI WƖA WOMBIIŊ 13:4

La TƖƖNA Wɩa dʋndʋŋa nɛ maga dɩ ma tuto a zizilu. Má tuto ʋ niiŋ a tɩma pʋpʋ a kɛŋ ma tɩtɩa mɛrɛ ʋ lɛ woruŋ.

MOSIS BƖRA WULLI WƖA WOMBIIŊ 4:29

Ama tinteye-la lɛ, dɩ ma nɛ yele aa chɛ ma TƖƖNA Wɩa arɩ ma tʋɔŋ arɩ ma wɩɩ-wɩɩkala, ma jaŋ naʋ.

MOSIS BƖRA WULLI WƖA WOMBIIŊ 4:4

Ama ma nɩalɩŋ kala sɩ to ma TƖƖNA Wɩa arɩ tʋɔ-bala nɛ ha hɛ ma mɩɩsɩŋ lɛ ŋ-la jɩnɩŋ.

MOSIS BƖRA WULLI WƖA WOMBIIŊ 4:6

Má fɩɛlɛ ma sɩaa a tuto wɩalɩŋ kala. Ŋɩɩ nɛ jaŋ dagɛ arɩ ma kɛŋ wʋjɩmɩŋ nɛ a jɩŋ wɩaa sɩaa a pɩ tintee-la nɩaa sɩ jaŋ nɩɩ ma wɩaa. Dɩ ba nɛ kʋ nɩɩ wombie-la arɩ wɩalɩŋ La TƖƖNA sɩ dagɛma, ba jaŋ bʋl, “Tinteeŋ deeŋ kɛŋ yɩrɩ-balɩŋ a kɛŋ doluŋ ma ʋ nɩaa ŋaa wʋjɩnna, a jɩŋ wɩaa sɩaa.”

MOSIS BƖRA WULLI WƖA WOMBIIŊ 4:9

Má kɛŋ ma tɩtɩa woruŋ, a sɩ́ wɩalɩŋ ma sɩ na yʋ ma mɩɩsɩŋ kala lɛ. Má joŋ wɩalɩŋ dagɛ ma biiriŋ, dɩ ba ma bɩra joŋo dagɛ ba biiriŋ.

MOSIS BƖRA WULLI WƖA WOMBIIŊ 5:10

Ama nɩalɩŋ sɩ chomi a tuto mɩ niiriŋ, mɩ jaŋ dagɛ mɩ chonuŋ a pɩba arɩ ba doho doho bʋɩba sɩ jaŋ to ba harɩŋ kɔ.

MOSIS BƖRA WULLI WƖA WOMBIIŊ 6:17

Má hɛ doluŋ aŋ to wombie-la, niiri-la arɩ wɩalɩŋ kala ma TƖƖNA Wɩa sɩ dagɛma.

Hiburu TƖŊŊAA 12:15

Wɩa sɩ fá la kala nenige ŋɩɩ, má pɔ dɩ nʋʋkala sɩ́ harɩŋ joŋo yɩaʋ. Má pɔ ma tɩtɩa lɛ dɩ nɩbɔŋ kala sɩ́ ma tʋɔŋ hɛ a ŋaa wɩaa chei nɩ-daŋ.

Jeems 1:12

Wɩa jaŋ pɛ nɩɩ-la wɩɩŋ sɩ jʋa lɛ, aŋ ka ʋ wuo nyalɩmɛ a chɩŋ. Ʋ sɩ wuo nyalɩmɛ ŋɩɩ, Wɩa jaŋ joŋ mɩɩsɩ-la sɩ bɩ dɛrɛ a timu, mɩɩsɩ-la ʋ sɩ sɩ ʋ jaŋ joŋo pɩ nɩalɩŋ kala sɩ chou.

Jeems 2:5

Mɩ naambii-kpɩanaba, má jegile nɩɩ mɩ teeŋ. Nɩalɩŋ sɩ ŋaa summoo dʋnɩa deeŋ lɛ, Wɩa tʋɔsɛba nɛ dɩ ba laa ʋ wɩaa dii woruŋ a jʋʋ ʋ kuorii-la, lee-la ʋ sɩ sɩ ʋ jaŋ joŋo pɩ nɩalɩŋ sɩ chou.

JOSUA 23:8

Ʋ maga dɩ ma mɛrɛ ma TƖƖNA Wɩa lɛ nɛ, arɩ ma sɩ ŋaa ŋɩɩ a kaa kɔ arɩ jɩnɩŋ.

Jɔɔŋ Wʋnaalaa 15:3

a yɩyɩɩ Wɩa tɩntɩnna Mosis yɩɩlɩŋ arɩ Pie-bie-la yɩɩlɩŋ. Yɩɩla-la ba sɩ yɩa nɛ ŋ-la: “La Tɩɩna Wɩa doluŋ kala Tɩɩna, wʋkpuŋkperisiŋ arɩ tɩntɩŋ-duoruŋ nɛ ŋ tɩtɩŋ. Ŋ kɛŋ wʋtɩtɩɩ nɛ a ŋɩŋaa wɩaa ba bʋa lɛ. Ŋ nɛ kuoro a kaa mʋ wuu.

1 SAMƲƐL 12:20

Ŋɩɩ nɛ Samʋɛl bʋl, “Má sɩ́ leŋe dɩ fawʋllʋŋ kɛmma, ma ŋaa wʋbɔŋŋɔɔ deemba kala nɛ, ama má sɩ́ harɩŋ joŋo yɩa La TƖƖNA, má tou arɩ ma tʋɔŋ kala.

1 SAMƲƐL 12:24

Má hɛ doluŋ aŋ fá La TƖƖNA, a kɛŋ wʋtɩtɩɩ a tutou arɩ ma tʋɔŋ kala. Má liisi wʋbala-la kala ʋ sɩ ŋaa pɩma wɩaa.

1 SAMƲƐL 7:3

Ŋɩɩ nɛ Samʋɛl fa bʋla pɩ Iziral tɩŋŋaa kala, “Dɩ ma nɩɩ chɛ dɩ ma joŋ ma tʋɔŋ kala a pɩ La TƖƖNA, ŋɩɩ-na má vɩa nɩwogusuŋ vesiŋ arɩ vene-la ba sɩɩ yɩrɛ Asɩtɔrɛf, aŋ joŋ ma tɩtɩa kala a pɩ La TƖƖNA a tuto ʋ dʋndʋŋa. Dɩ ma nɛ ŋaa ŋɩɩ, ʋ jaŋ laama ta Fɩlɩsɩtɩa tɩŋŋaa nɩsɩŋ lɛ.”