JOSUA 22:29 - WƖA TENIŊ

²⁹ La bɩ jaŋ kɔ dɩ la vɩa La TƖƖNA a joŋ harɩŋ yɩaʋ, a saa Wɩɩsʋllɩ koruŋ a ŋɩŋaa kʋnyɩgaa Wɩɩsʋlʋŋ, mɩaa Wɩɩsʋlʋŋ, koo a kpʋ pʋsʋŋ a ŋaa Wɩɩsʋlʋŋ ʋ lɛ, see La TƖƖNA Wɩa koru-la sɩ chɩŋ ʋ sɩpaaŋ ʋ dɩ-zɔŋ-la lɛ.”

JOSUA 22:29 ပူးပေါင်းရင်းမြစ်များ

WƖAA DƖ-SUOMUŊ 44:17

Ŋɩɩ nɛ Josɛf bʋl, “Ma sɩ bɩɩna mɩ jaŋ ŋaa wɩɩŋ deeŋ, nɩɩ-la teeŋ mɩ sɩ na nyʋnyʋala-la dʋndʋŋa nɛ jaŋ ŋaa mɩ yomo. Ma kʋkaanaa jaŋ wuo mɩɩra mʋ ma nyɩmma teeŋ.”

WƖAA DƖ-SUOMUŊ 44:7

Ŋɩɩ nɛ ba bʋla pʋ, “Bɛɛ nɛ tɩɩ la kʋhɩaŋ bʋl wɩɩŋ deeŋ? Wɩa bɩ jaŋ sɛɩ dɩ la ŋaa wɩɩŋ deeŋ doho.

1 KUOROO 21:3

Ama Nabɔf bʋla pɩ Ahab, “Wɩa bɩ jaŋ sɛɩ dɩ mɩ ŋaa ŋɩɩ a joŋ mɩ naabalɩma dʋa a pɩŋ.”

2 KUOROO 18:22

Dɩ ma nɛ saa bɩra bʋla pɩmɛ arɩ ma TƖƖNA Wɩa lɛ nɛ ma yɩɛlaa hɛ, ʋ leree arɩ ʋ Wɩɩsʋlʋŋ korunuŋ dee Hezikaaya ŋmoo giri ŋɩɩ, aŋ bʋla pɩ Juda arɩ Jerusalɛm nɩaa, arɩ ʋ maga dɩ ba dɛnnɛ La TƖƖNA Wɩɩsʋllɩ koruŋ deeŋ sɩ hɛ Jerusalɛm lɛ nɛɛ?

2 IZIRAL TƖŊŊAA NAABARƖŊ 32:12

Hezikaaya tɩtɩa dee bɩ vene-la dɩ-kpaaraa arɩ ʋ korunuŋ ŋmoo giri ŋɩɩ, aŋ bʋla pɩ Juda arɩ Jerusalɛm nɩaa, ‘Ʋ maga dɩ ma dɛnnɛ La TƖƖNA koru-bala lɛ nɛ aŋ kpʋ pʋsʋŋ nyɩgɛ ʋ lɛɛ?’

Rom Tɩŋŋaa 3:6

Ŋɩɩ dee. Dɩ Wɩa nɛ fa bɩ wʋtɩtɩɩ kɛnɛ, ɛɛ nɛ ʋ fa jaŋ wuo dii dʋnɩa nɩaa sarɩya?

Rom Tɩŋŋaa 6:2

Aɩ, wombii tuo. Dɩ wʋbɔŋŋɔɔ-na lɛ nɛ, la sʋba nɛ. Ɛɛ nɛ saa la ha jaŋ hɛ wʋbɔŋŋɔɔ lɛ a ŋɩŋaa?

Rom Tɩŋŋaa 9:14

Bɛɛ nɛ saa la jaŋ bʋl? La jaŋ wuo bʋl arɩ Wɩa bɩ wʋtɩtɩɩ kɛnɛɛ? Aɩ, wombii tuo.

MOSIS BƖRA WULLI WƖA WOMBIIŊ 12:11

Dɩ ma nɛ jʋʋ tintee-la dɩ ma TƖƖNA Wɩa lɩɩsɛ lee-la ʋ sɩɩ chɛ dɩ ma zizilu, nɩmɛ nɛ ma jaŋ kɛŋ Wɩɩsʋlʋŋ kɩalɩŋ kala mɩ sɩ dagɛma kaa mʋ. Ma kʋnyɩgaa Wɩɩsʋlʋŋ arɩ ma Wɩɩsʋlʋŋ kɩaa dɔnsʋŋ arɩ ma kpaalɩŋ fii-la sɩ ŋaa La TƖƖNA kʋa arɩ Wɩɩsʋlɩɩ-la ma sɩ yie kaa je a zaarɛ La TƖƖNA sɩpaaŋ arɩ ma Wɩɩsʋlʋŋ kɩalɩŋ ma sɩ yie hɛ niiŋ dɩ ma joŋo pɩ La TƖƖNA.

JOSUA 22:23

Dɩ la vɩa La TƖƖNA niiŋ nɛ aŋ saa Wɩɩsʋllɩ koruŋ pɩ la tɩtɩa, a ŋɩŋaa kʋnyɩgaa Wɩɩsʋlʋŋ arɩ mɩaa Wɩɩsʋlʋŋ koo a kpʋ pʋsʋŋ a ŋɩŋaa nii-magɛ dɔŋɔ Wɩɩsʋlʋŋ, leŋ dɩ La TƖƖNA tɩtɩa dɔgɩsɛla a tɩŋ ŋɩɩ wɩaa.

JOSUA 22:26

Wɩɩ-la sɩ tɩɩ la saa Wɩɩsʋllɩ koruŋ nɛ ŋɩɩ, ʋ bɩ naga kʋnyɩgaa Wɩɩsʋlʋŋ koo la sɩ jaŋ kpʋ pʋsʋŋ a ŋaa Wɩɩsʋlʋŋ wɩaa nɛ,

JOSUA 22:28

La tʋɔŋ lɛ, dɩ ba nɛ paala bʋl ŋɩɩ la lɛ koo dɩ la doho nɩaa lɛ nɛ, la ma jaŋ wuo bʋl: ‘Má bee na La TƖƖNA koru-la dɔŋɔ tɩtɩa nɛ chɩŋ ŋɩɩ, la naabalɩmaba nɛ saa, ba bɩ ba saa kʋnyɩgaa Wɩɩsʋlʋŋ wɩaa koo dɩ ba kpʋ pʋsʋŋ a sʋsʋl Wɩɩsʋlʋŋ, ama ʋ ŋaa magɩl nɛ la dɩ ma pɛgɛ.’

JOSUA 22:30

Finihas, Wɩɩsʋllɩ sɩpaalaarʋ-la arɩ Iziral tɩŋŋaa sɩpaalaara-la sɩ ŋaa ba dɩa dɩa nɩhɩasɩŋ sɩ nɩɩ wɩalɩŋ Rubiŋ arɩ Gad arɩ Manasɛ doho nɩaa sɩ bʋla, ba tʋɔŋ tɔrɛ.

JOSUA 24:16

Ŋɩɩ nɛ nɩalɩŋ bʋl, “La bɩ jaŋ kɔ dɩ la leŋ La TƖƖNA aŋ to vesiŋ da.

1 SAMƲƐL 12:23

Mɩ-na bɩ jaŋ kɔ dɩ mɩ vɩa dɩ mɩ sʋl Wɩa pɩma. Dɩ mɩ nɛ ŋaa ŋɩɩ, mɩ jaŋ ŋaa wʋbɔŋ La TƖƖNA lɛ. Mɩ jaŋ dagɛma wɩalɩŋ sɩ zɔmɔ a magɛ dɩ ma ŋɩŋaa.