JOSUA 22:27 - WƖA TENIŊ

²⁷ ama laa chɛ dɩ koru-la ŋaa magɩl nɛ a pɩŋ la dɩ ma arɩ nɩalɩŋ sɩ jaŋ to harɩŋ kɔ pɛgɛ, arɩ la dɩ ma kala ka dɛnnɛ La TƖƖNA nɛ lɛbɩ-la lɛ ʋ sɩ yie kɔ Iziral tɩŋŋaa teeŋ, a sʋsʋl la kʋnyɩgaa Wɩɩsʋlʋŋ, a kpʋ pʋsʋŋ a sʋsʋl Wɩɩsʋlʋŋ aŋ pɛ ŋɩŋaa nii-magɛ dɔŋɔ Wɩɩsʋlʋŋ nɩmɛ. La ŋaa ŋɩɩ dɩ ma doho nɩaa maachie sɩ́ bʋla pɩ la doho nɩaa, arɩ la-na bɩ kpaal kala kɛnɛ La TƖƖNA teeŋ.

JOSUA 22:27 ပူးပေါင်းရင်းမြစ်များ

WƖAA DƖ-SUOMUŊ 31:48

Ŋɩɩ nɛ Labaŋ bʋl, “Tabɩa-la sɩ chʋɔrɛ leriŋ deeŋ ma bɩra jaŋ ŋaa la dɩŋ pɛgɛ magɩl. Ŋɩɩ nɛ tɩɩ mɩ kɛŋ lee-la yɩrɛ Galeed.”

WƖAA DƖ-SUOMUŊ 31:52

Tabɩaa deemba sɩ chʋɔra arɩ tabɩɩ-la sɩ pɛ nɛ ŋaa la magɩlɩŋ arɩ mɩ bɩ jaŋ kieli tabɩaa deemba arɩ jebiiŋ deeŋ a kʋ ŋaaŋ wʋbɔŋ, ŋ ma bɩ jaŋ kieli jebii-la a kɔ mɩ teeŋ a ŋaamɛ wʋbɔŋ.

WƖA YƖƖLAA 16:5

La Tɩɩna, ŋ dʋndʋŋa nɛ ŋaa kpaal-la mɩ sɩ kɛnɛ, ŋ nɛ pɩmɛ kɩalɩŋ kala mɩ sɩɩ chɛ. Mɩ chie kala hɛ ŋ nɩsɩŋ lɛ nɛ.

AZAAYA 19:19

Tapʋlɩɩ-la La TƖƖNA Wɩɩsʋllɩ koruŋ jaŋ chɩŋ Ijipiti tʋtʋɔbaanɩŋ, ka dɩ jebiiŋ ma chɩŋ ʋ yɩrɩŋ lɛ Ijipiti tinteeŋ bʋa niiŋ dɩ ba liliisi ʋ wɩaa.

MOSIS BƖRA WULLI WƖA WOMBIIŊ 12:11

Dɩ ma nɛ jʋʋ tintee-la dɩ ma TƖƖNA Wɩa lɩɩsɛ lee-la ʋ sɩɩ chɛ dɩ ma zizilu, nɩmɛ nɛ ma jaŋ kɛŋ Wɩɩsʋlʋŋ kɩalɩŋ kala mɩ sɩ dagɛma kaa mʋ. Ma kʋnyɩgaa Wɩɩsʋlʋŋ arɩ ma Wɩɩsʋlʋŋ kɩaa dɔnsʋŋ arɩ ma kpaalɩŋ fii-la sɩ ŋaa La TƖƖNA kʋa arɩ Wɩɩsʋlɩɩ-la ma sɩ yie kaa je a zaarɛ La TƖƖNA sɩpaaŋ arɩ ma Wɩɩsʋlʋŋ kɩalɩŋ ma sɩ yie hɛ niiŋ dɩ ma joŋo pɩ La TƖƖNA.

JOSUA 22:10

Bʋa-la lɛ Rubiŋ doho nɩaa, Gad doho nɩaa arɩ Manasɛ doho nɩaa kpaa magɛ dɔŋɔ-la sɩ kɔ Gɛlɩlɔf sɩ hɛ Kɛnaŋ tinteeŋ lɛ a kpagɛ Jɔdaŋ fuo-la niiŋ wɩɩjʋʋlʋŋ dɩɩrɩŋ, ba saa Wɩɩsʋlʋŋ koru-bal kʋbala nɩmɛ fuo-la sɛmɛ.

JOSUA 22:26

Wɩɩ-la sɩ tɩɩ la saa Wɩɩsʋllɩ koruŋ nɛ ŋɩɩ, ʋ bɩ naga kʋnyɩgaa Wɩɩsʋlʋŋ koo la sɩ jaŋ kpʋ pʋsʋŋ a ŋaa Wɩɩsʋlʋŋ wɩaa nɛ,

JOSUA 22:28

La tʋɔŋ lɛ, dɩ ba nɛ paala bʋl ŋɩɩ la lɛ koo dɩ la doho nɩaa lɛ nɛ, la ma jaŋ wuo bʋl: ‘Má bee na La TƖƖNA koru-la dɔŋɔ tɩtɩa nɛ chɩŋ ŋɩɩ, la naabalɩmaba nɛ saa, ba bɩ ba saa kʋnyɩgaa Wɩɩsʋlʋŋ wɩaa koo dɩ ba kpʋ pʋsʋŋ a sʋsʋl Wɩɩsʋlʋŋ, ama ʋ ŋaa magɩl nɛ la dɩ ma pɛgɛ.’

JOSUA 22:34

Ŋɩɩ nɛ Rubiŋ doho nɩaa arɩ Gad doho nɩaa hɛ koru-la yɩrɩŋ: Magɩl-la sɩ hɛ la dɩ ma pɛgɛ a dagɛ arɩ La TƖƖNA nɛ ŋaa Wɩa.

JOSUA 24:27

Josua bɩra bʋla pɩ nɩalɩŋ kala, “Má bee na, tabɩɩŋ deeŋ nɛ ŋaa la magɩlɩŋ. Ʋ nɩɩ wɩalɩŋ kala La TƖƖNA sɩ bʋla pɩla nɛ. Ʋ nɛ jaŋ ŋaa ma magɩlɩŋ dɩ ma nɛ bɩ wʋtɩtɩɩ kɛnɛ ma Wɩa teeŋ.”

1 SAMƲƐL 7:12

Ŋɩɩ nɛ Samʋɛl joŋ tabɩɩŋ a pɛ ʋ chɩŋ Mɩzɩpa arɩ lee-la ba sɩɩ yɩrɛ Sɛŋ pɛgɛ. Ʋ hɛ tabɩɩ-la yɩrɩŋ Ɛbɛnɩza, aŋ bʋl, “La TƖƖNA nɛ pɛ la lɛ faafaa kala a kaa kɔ jɩnɩŋ.”