JOSUA 22:25 - WƖA TENIŊ

²⁵ La TƖƖNA leŋe Jɔdaŋ fuo-la sɩ hɛ la dɩ ma pɛgɛ nɛ ŋaa la dɩ ma-na Rubiŋ doho nɩaa arɩ Gad doho nɩaa bʋa. Ma bɩ kpaal kala kɛnɛ La TƖƖNA teeŋ.’ Ma doho nɩaa jaŋ ŋaa ŋɩɩ, a leŋ dɩ la doho nɩaa sɩ́ La TƖƖNA fá.

JOSUA 22:25 ပူးပေါင်းရင်းမြစ်များ

2 SAMƲƐL 20:1

Wʋhɛɛrʋ kʋbala nɛ fa hɛ nɩmɛ baa yɩrɛ Sɛba. Ʋ ŋaa Bikiri nanʋala nɛ, aŋ ŋaa Bɛnjamɩŋ doho nʋʋ. Ʋ ŋmʋʋ banyile, aŋ kpɩa goŋ a bʋl, “La nɩsɩŋ tuo Jesi nanʋala Devit lɛ. Iziral tɩmma, má leŋ la mɩɩra mʋ la dɩɩsɩŋ.”

1 KUOROO 12:16

Iziral tɩmma-la kala sɩ na dɩ kuoro bɩ ba teeŋ jegile nɩɩ, ba ma bʋl: “La dɩ Jesi nanʋala Devit doho nɩaa bɩ wɩɩ pɛ. Iziral tɩmma, má leŋ dɩ la mɩɩra mʋ la dɩɩsɩŋ, ka dɩ Rihobuam bibeŋ ʋ nɩaa.” Ŋɩɩ nɛ Iziral tɩŋŋaa mʋ ba dɩɩsɩŋ.

1 KUOROO 14:16

La TƖƖNA jaŋ vɩa Iziral tɩŋŋaa ta a tɩŋ wʋbɔmɔ-la Jerobuam sɩ ŋaa, a leŋ Iziral tɩŋŋaa ma pɛ ŋaaba.”

1 KUOROO 15:30

Wɩɩŋ deeŋ ŋaa a tɩŋ Jerobuam sɩ ŋaa wʋbɔmɔ-la wɩaa nɛ, a leŋ Iziral tɩŋŋaa ma ŋaa ba tɩtɩa, ŋɩɩ leŋ La TƖƖNA baanɩŋ sii.

NƐHƖMAAYA 2:20

Mɩ bʋla pɩba, “Wɩa sɩ hɛ ʋ jaŋ lɛ jaŋ pɛ la lɛ dɩ la tɩŋ tɩntɩmɩɩ-la dɛrɛ. La ŋaa ʋ tɩntɩnnaa nɛ, la jaŋ suomo sɩsaa jebii-la. Ama ma-na bɩ kpaal kala kɛnɛ Jerusalɛm lɛ, a bɩ ʋ naaba wɩaa tʋɔŋ ma lɛ pɛ.”

WƖA YƖƖLAA 16:5

La Tɩɩna, ŋ dʋndʋŋa nɛ ŋaa kpaal-la mɩ sɩ kɛnɛ, ŋ nɛ pɩmɛ kɩalɩŋ kala mɩ sɩɩ chɛ. Mɩ chie kala hɛ ŋ nɩsɩŋ lɛ nɛ.

Tɩntɩŋŋaa 8:21

Ŋ bɩ toru kala kɛnɛ tɩntɩmɩŋ deeŋ lɛ. Ŋ bɩ ŋ tʋɔŋ pʋlla Wɩa teeŋ.

JOSUA 22:24

Fawʋllʋŋ nɛ kɛnla la ŋaa wɩɩŋ deeŋ, la bɩɩna maachie ma doho nɩaa jaŋ bʋla pɩ la doho nɩaa, ‘Ma bɩ La TƖƖNA Iziral tɩŋŋaa Wɩa nɩaa ŋaa.

JOSUA 22:26

Wɩɩ-la sɩ tɩɩ la saa Wɩɩsʋllɩ koruŋ nɛ ŋɩɩ, ʋ bɩ naga kʋnyɩgaa Wɩɩsʋlʋŋ koo la sɩ jaŋ kpʋ pʋsʋŋ a ŋaa Wɩɩsʋlʋŋ wɩaa nɛ,

JOSUA 22:27

ama laa chɛ dɩ koru-la ŋaa magɩl nɛ a pɩŋ la dɩ ma arɩ nɩalɩŋ sɩ jaŋ to harɩŋ kɔ pɛgɛ, arɩ la dɩ ma kala ka dɛnnɛ La TƖƖNA nɛ lɛbɩ-la lɛ ʋ sɩ yie kɔ Iziral tɩŋŋaa teeŋ, a sʋsʋl la kʋnyɩgaa Wɩɩsʋlʋŋ, a kpʋ pʋsʋŋ a sʋsʋl Wɩɩsʋlʋŋ aŋ pɛ ŋɩŋaa nii-magɛ dɔŋɔ Wɩɩsʋlʋŋ nɩmɛ. La ŋaa ŋɩɩ dɩ ma doho nɩaa maachie sɩ́ bʋla pɩ la doho nɩaa, arɩ la-na bɩ kpaal kala kɛnɛ La TƖƖNA teeŋ.

1 SAMƲƐL 26:19

Mɩɩ sʋlʋŋ mɩ nɩhɩaŋ, jegile nɩɩ wɩalɩŋ mɩ sɩɩ chɛ mɩ bʋl. Dɩ La TƖƖNA nɛ sɩ dɩ ŋ chɩŋ mɩ lɛ, ŋɩɩ-na ʋ laa mɩ Wɩɩsʋlʋŋ kɩaa. Ama dɩ nuhuobiinee nɛ leŋe ŋ chɩŋ mɩ lɛ, dɩ La TƖƖNA ŋmɩaŋ diiba. Ba kirimi ta tinteeŋ sɩ ŋaa La TƖƖNA kʋŋ lɛ nɛ a bʋl, ‘Mʋ a tuto vesiŋ.’