JOSUA 22:23 - WƖA TENIŊ

²³ Dɩ la vɩa La TƖƖNA niiŋ nɛ aŋ saa Wɩɩsʋllɩ koruŋ pɩ la tɩtɩa, a ŋɩŋaa kʋnyɩgaa Wɩɩsʋlʋŋ arɩ mɩaa Wɩɩsʋlʋŋ koo a kpʋ pʋsʋŋ a ŋɩŋaa nii-magɛ dɔŋɔ Wɩɩsʋlʋŋ, leŋ dɩ La TƖƖNA tɩtɩa dɔgɩsɛla a tɩŋ ŋɩɩ wɩaa.

JOSUA 22:23 ပူးပေါင်းရင်းမြစ်များ

WƖAA DƖ-SUOMUŊ 9:4

Ama má sɩ́ nammɩa ha sɩ kɛŋ chalɩŋ chaŋ, chalɩŋ nɛ ŋaa ʋ mɩɩsɩŋ.

2 IZIRAL TƖŊŊAA NAABARƖŊ 24:22

Kuoro Jʋas fa bɩ wʋzɔmɔ-la Zɛkarɩya nyɩmma Jehoyada fa sɩ ŋaa ʋ lɛ liise aŋ kpʋ ʋ nanʋala. Zɛkarɩya fa sɩɩ chɛ dɩ ʋ sʋʋ, ŋ-la nɛ ʋ bʋl, “A leŋ dɩ La TƖƖNA na wɩɩ-la ŋ sɩɩ ŋaa a dɔgʋsʋŋ.”

ƐZƖKƖƐL 3:18

Dɩ mɩ nɛ bʋla pɩ nɩbɔmʋŋ, ‘Ŋ jaŋ sʋʋ,’ ka dɩ ŋ vɩa dɩ ŋ kpʋrɩsɛ ʋ dɩgɩlaa dɩ ʋ leŋ wʋbɔŋŋɔɔ ŋaanɩŋ a laa ʋ mɩɩsɩŋ, ʋ jaŋ sʋʋ a tɩŋ ʋ wʋbɔmɔ-la wɩaa, dɩ ʋ nɛ saa sʋba, mɩ jaŋ tɩŋ ʋ sʋʋŋ wɩaa a kɛŋ ŋ baŋŋaa lɛ.

ƐZƖKƖƐL 33:6

Ama dɩ nɩɩ-la sɩ pɔ leriŋ a bibeŋ nɛ na dʋndɔmɔ-la dɩ baa kɔ ka dɩ ʋ vɩa dɩ ʋ ŋmoo bunso, ka dɩ ba kʋ kpʋ nɩalɩŋ kʋŋkala a tɩŋ ʋ wʋbɔŋŋɔɔ wɩaa, tɩɩna sʋba nɛ, ama nɩɩ-la sɩ pɔ leriŋ a bibeŋ nɛ jaŋ laa cheeriŋ.

ƐZƖKƖƐL 33:8

Dɩ mɩ nɛ bʋla pɩ nɩbɔmʋŋ arɩ ʋ jaŋ sʋʋ, ka dɩ ŋ vɩa dɩ ŋ bʋl wɩaa chagɩlʋ dɩ ʋ bɩrɩma lɩɩ ʋ wʋbɔŋŋɔɔ lɛ a laa ʋ mɩɩsɩŋ, ʋ jaŋ sʋʋ ʋ wʋbɔmɔ-la lɛ. Dɩ ʋ nɛ saa sʋba, mɩ jaŋ tɩŋ ʋ sʋʋŋ wɩaa a kɛŋ ŋ baŋŋaa lɛ.

MOSIS BƖRA WULLI WƖA WOMBIIŊ 12:11

Dɩ ma nɛ jʋʋ tintee-la dɩ ma TƖƖNA Wɩa lɩɩsɛ lee-la ʋ sɩɩ chɛ dɩ ma zizilu, nɩmɛ nɛ ma jaŋ kɛŋ Wɩɩsʋlʋŋ kɩalɩŋ kala mɩ sɩ dagɛma kaa mʋ. Ma kʋnyɩgaa Wɩɩsʋlʋŋ arɩ ma Wɩɩsʋlʋŋ kɩaa dɔnsʋŋ arɩ ma kpaalɩŋ fii-la sɩ ŋaa La TƖƖNA kʋa arɩ Wɩɩsʋlɩɩ-la ma sɩ yie kaa je a zaarɛ La TƖƖNA sɩpaaŋ arɩ ma Wɩɩsʋlʋŋ kɩalɩŋ ma sɩ yie hɛ niiŋ dɩ ma joŋo pɩ La TƖƖNA.

MOSIS BƖRA WULLI WƖA WOMBIIŊ 18:19

Dɩ nʋʋkala nɛ vɩa dɩ ʋ jegile nɩɩ wɩalɩŋ mɩ wʋlaabʋllʋ-la sɩ jaŋ bʋl mɩ yɩrɩŋ lɛ, mɩ-na tɩtɩa nɛ jaŋ dɔgɩsɛ tɩɩna.

JOSUA 22:24

Fawʋllʋŋ nɛ kɛnla la ŋaa wɩɩŋ deeŋ, la bɩɩna maachie ma doho nɩaa jaŋ bʋla pɩ la doho nɩaa, ‘Ma bɩ La TƖƖNA Iziral tɩŋŋaa Wɩa nɩaa ŋaa.

1 SAMƲƐL 20:16

Ŋɩɩ nɛ Jonataŋ hɛ niiŋ ʋ dɩ Devit doho nɩaa pɛgɛ a bʋl, “La TƖƖNA jaŋ joŋ ʋ baanɩŋ a fɩɩsɛ Devit doho nɩaa lɛ dɩ ba nɛ chei nii-la sɩ hɛ mɩ dɩ Devit pɛgɛ.”