JOSUA 22:22 - WƖA TENIŊ

²² “Wɩa nɛ ŋaa doluŋ kala Tɩɩna, ʋ nɛ kɛŋ doluŋ, ʋ-na jɩŋ wɩɩ-la sɩ tɩɩ la ŋaa ŋɩɩ nɛ, la saa chɛ dɩ ma ma jɩŋ nɛ. Dɩ la nɛ vɩa La TƖƖNA niiŋ, ŋɩɩ-na ʋ sɩ́ leŋe dɩ la kɛŋ mɩɩsɩŋ.

JOSUA 22:22 ပူးပေါင်းရင်းမြစ်များ

1 KUOROO 8:39

ŋ hɛ ŋ jaŋ lɛ nɛ, jegile nɩɩ a joŋ ʋ wʋbɔŋŋɔɔ chɛʋ aŋ pɛ ʋ lɛ. Ŋ jɩŋ nʋʋkala tʋɔbɩɩnaa arɩ ʋ mɛlɛ sɩ nagɛ ŋɩɩ nɛ. Ŋaa ŋɩɩ sɩ maga dɩ ŋ ŋaa nʋʋkala lɛ.

JOB 10:7

Ŋ jɩma mɩ bɩ wɩɩkala ŋaa cheyiŋ, a jɩŋ dɩ nʋʋkala ma bɩ jaŋ wuo laamɛ ta ŋ nɩsɩŋ lɛ.

JOB 23:10

Ama ʋ-na jɩŋ wombii-la mɩ sɩɩ to nɛ. Dɩ ʋ nɛ joŋ wɩaa magɩsɛmɛ dɩ ʋ na, mɩ jaŋ lɩɩ fɩrr a nagɛ sɛlɩmɛ.

JOB 31:22

ŋɩɩ-na, leŋ dɩ mɩ vaaŋ chɔlɔ tel, a leŋ dɩ mɩ nɩsaa boro lɩɩ mɩ nasusugusuŋ lɛ.

WƖA YƖƖLAA 136:2

Má lɔllɛ Wɩa sɩ kɛŋ doluŋ a kɩɩ vesiŋ kala. Ʋ chonuŋ bɩ dɛrɛ.

WƖA YƖƖLAA 37:6

Ʋ jaŋ leŋ dɩ ŋ tʋɔpʋla chaanɛ a nagɛ taŋ sɩ pʋla, a leŋ dɩ ŋ wʋtɩtɩɩ ma nagɛ wɩɩhɛyɛ pʋlʋmʋŋ.

WƖA YƖƖLAA 40:9

La Tɩɩna, dɩ ŋ nɩaa nɛ yʋga a hilimi ŋ yɩrɩŋ lɛ, mɩ yie bʋl ŋ tʋɔpʋla wɩaa pɩba nɛ, ŋ jɩma mɩ bɩ mɩ niiŋ ka tɔrɛ.

WƖA YƖƖLAA 44:21

ŋ-na Wɩa fa jaŋ jɩŋ, bɛɛ wɩaa ŋ jɩŋ nuhuobiine tʋɔbɩɩnaa kala nɛ.

WƖA YƖƖLAA 44:22

Tapʋlɩɩ kala nɛ la sʋsʋʋ ŋ wɩaa. La nagɛ piesee ba sɩ kaa lɩɩ dɩ ba kpʋ nɛ.

WƖA YƖƖLAA 50:1

La Tɩɩna Wɩa doluŋ kala Tɩɩna yɩrɛ dʋnɩa nɩaa kala nɛ, a chɩŋ wɩɩpɔsʋŋ dɩɩrɩŋ a kaa mʋ wɩɩjʋʋlʋŋ dɩɩrɩŋ a kʋ hɛ dɔŋɔ lɛ.

WƖA YƖƖLAA 82:1

Wɩa hɔŋ ʋ kuoru kpasa nyuŋ nɛ ʋ jaŋ lɛ, aŋ yɩrɛ ʋ tɩntɩnnaa hilimi a dii ba sarɩya a bʋla pɩba,

WƖA YƖƖLAA 95:3

La Tɩɩna nɛ Wɩɩ-balɩŋ, Ʋ nɛ kuoru-balɩŋ, ʋ nɛ kɩɩ vene kala.

WƖA YƖƖLAA 97:7

Hɩɩsɩŋ dii vʋɩ-kpaaraa nɛ, nɩalɩŋ sɩ kɛŋ vʋɩ-pɛɩpɛɩba-la dɩdagɛ ba tɩtɩa, vesiŋ maa kpirimi La Tɩɩna sɩpaaŋ nɛ.

MOSIS KƐŊ IZIRAL TƖŊŊAA LƖƖ 18:11

Lɛɛlɛ mɩ jɩma arɩ La TƖƖNA nɛ kɩɩ vesiŋ kala, bɛɛ wɩaa ʋ laa Iziral tɩŋŋaa ta nɛ Ijipiti tɩŋŋaa nɩsɩŋ lɛ, nɩalɩŋ fa sɩɩ ŋaa sɩɩ-jʋʋ wɩaa ba lɛ.”

JƐRƖMAAYA 12:3

La TƖƖNA, ŋ jɩmmɛ nɛ, ŋ namɛ nɛ a magɩsɛ mɩ tʋɔbɩɩnaa na a tɩgɛ ŋ lɛ. Lɛrɛ nɩbɔmɔ-la a nagɛ ba sɩ lɛrɛ piesee mʋmʋ dɩ ba kpʋ. Pɔrɛba bil a gbɛrɛ tapʋlɩɩ-la ba sɩ jaŋ kpʋba.

JƐRƖMAAYA 17:10

Mɩ-na ma TƖƖNA nɛ yie beŋ nɩa tʋɔŋ a magɩsʋ na wɩalɩŋ sɩ hɛ ʋ nyuŋ lɛ aŋ timu a mʋ tɩgɛ ʋ mɛlɛ, arɩ ʋ wʋŋaalaa sɩ nagɛ ŋɩɩ lɛ.”

DANƖƐL 11:36

Siiria kuoru-la jaŋ ŋaa wɩɩ-la kala ʋ sɩ cho, a kɛŋ ʋ tɩtɩa yʋga kɩɩ vene kala a bʋl wɩalɩŋ sɩ bɩ maga a tʋʋsɛ Wɩa sɩ kɩɩ kʋŋkala joŋŋoo. Wɩaa jaŋ vɛŋ woruŋ pʋ a kaa mʋ yi bʋa-la lɛ Wɩa sɩ dɔgʋsʋ arɩ baanɩŋ, bɛɛ wɩaa Wɩa jaŋ ŋaa wɩɩ-la ʋ sɩ bɩɩna dɩ ʋ ŋaa.

DANƖƐL 2:47

Kuoro bʋla pɩ Danɩɛl, “Wʋtɩtɩɩ, ŋ Wɩa nɛ Wɩa sɩ kɩɩ vesiŋ kala, a ŋaa kuoroo kala kuoro a kɛŋ wʋkpuŋkperisiŋ dɩdagɛ nɩaa, ŋɩɩ nɛ tɩɩ ŋ wuo dagɛ wʋkpuŋkpere deeŋ bʋbʋɔŋ ŋɩɩ.”

MƖKA 7:9

Mɩ ŋaa wʋbɔŋŋɔɔ nɛ La TƖƖNA lɛ, ŋɩɩ wɩaa mɩ jaŋ nyalɩmɛ baaŋ-la ʋ sɩ na mɩ nyuŋ, a kaa mʋ yi bʋa-la lɛ ʋ sɩ jaŋ laa mɩ wɩɩŋ jɩma pɩmɛ a leŋ dɩ mɩ laa kʋsɩŋŋaa. Ʋ jaŋ kɛmmɛ kʋ lɩɩ pʋlʋmʋŋ, dɩ mɩ na ŋɩɩ ʋ sɩ laamɛ ta.

MALAKAƖ 3:18

Ŋɩɩ nɛ nʋʋkala jaŋ na dabaŋ-la sɩ hɛ tʋɔpʋl tɩŋŋaa arɩ nɩbɔŋŋɔɔ pɛgɛ, nɩalɩŋ sɩɩ to mɩ-na Wɩa arɩ nɩalɩŋ sɩ bɩ mɩ ka to.”

Jɔɔŋ 21:17

Ŋɩɩ nɛ Yesu bɩra pɩɛsʋ torimuŋ, “Jɔɔŋ nanʋala Saamɔŋ, ŋ chomi nɛɛ?” Yesu sɩ pɩɛsʋ torimuŋ lɛ ŋɩɩ, ʋ tʋɔŋ chei. Ŋɩɩ nɛ Pɩɩta bʋla pʋ, “Mɩ Tɩɩna, ŋ jɩŋ wɩɩkala nɛ, ŋ jɩma arɩ mɩ choŋ nɛ.” Ŋɩɩ nɛ Yesu bɩra bʋla pʋ, “Beŋ mɩ nɩaa nyuŋ, arɩ pie-daara sɩ yie beŋ ʋ piesee nyuŋ ŋɩɩ.

Tɩntɩŋŋaa 1:24

Ŋɩɩ nɛ ba kala chʋɔlɛ Wɩa a bʋl, “La Tɩɩna, ŋ jɩŋ nʋʋkala tʋɔŋ nɛ. Ŋɩɩ wɩaa dagɛla nɩaa deemba balɩamɩŋ tʋɔŋ kʋ-la ŋ sɩ lɩɩsa,

Tɩntɩŋŋaa 25:11

Dɩ mɩ nɛ fa ŋaa wɩɩ chei a magɛ dɩ ba kpʋmɛ, mɩ faa sɛɩ nɛ, ama dɩ wɩalɩŋ kala ba sɩɩ bʋl ŋaa wʋnyɩɛrɩŋ nɛ, nʋʋkala tuo dɩ ʋ wuo jommi hɛ ba nɩsɩŋ lɛ dɩ ba kpʋmɛ. Mɩɩ sʋlʋŋ dɩ ŋ leŋ dɩ mɩ mʋ kuoru-balɩŋ teeŋ dɩ ʋ nɛ diimi sarɩya.”

2 Kɔrɩntɩ Nɩaa 11:11

Bɛɛ nɛ tɩɩ mɩ bɩ mɩ tɩtɩa joŋo ŋaa chʋga ma lɛ? Ma bɩɩna mɩ bɩ ma cho nɛɛ? Aɩ, Wɩa tɩtɩa jɩma arɩ mɩ choma nɛ.

2 Kɔrɩntɩ Nɩaa 11:31

Wɩa sɩ ŋaa La Tɩɩna Yesu Nyɩmma, ʋ yɩrɩŋ jaŋ yɩrɛ deeŋ deeŋ. Ʋ jɩma arɩ mɩ bɩ wɩaa nyɩɛ.

2 Kɔrɩntɩ Nɩaa 5:11

Laa fá Wɩa nɛ, ŋɩɩ nɛ tɩɩ la bʋl ʋ wɩaa pɩpɩ nɩaa, dɩ ba bɩrɩma lɩɩ ba wʋbɔŋŋɔɔ lɛ a kʋ to Wɩa. Wɩa nɛ jɩŋ ŋɩɩ la sɩ naga. Mɩ saa jɩma arɩ ma tʋɔbɩɩnaa lɛ ma jɩŋ ŋɩɩ la sɩ naga nɛ.

MOSIS BƖRA WULLI WƖA WOMBIIŊ 10:17

Ma TƖƖNA Wɩa nɛ kɩɩ vene kala. Ʋ nɛ kɛŋ doluŋ kʋŋkala lɛ a magɛ dɩ ma zizilu. Ʋ bɩ nɩaa kaa pʋpɔrɛ, nʋʋkala ma bɩ ʋ wuo kpal dɩ ʋ ŋaa wɩɩ.

1 Timoti 6:16

Ʋ dʋndʋŋa nɛ bɩ sʋʋ. Ʋ hɛ pʋlʋŋ-bal tʋɔŋ nɛ, nʋʋkala bɩ nɩmɛ wuo mʋ. Nʋʋkala ha bɩ ʋ na, nʋʋ ma kala saa bɩ ʋ wuo na. Ʋ maga dɩ nɩaa kala zizilu nɛ. Ʋ nɛ kɛŋ doluŋ a kaa mʋ wuu. Amɩɩ.

Hiburu TƖŊŊAA 4:13

Kʋŋkala tuo sɩ jaŋ wuo kɛŋ ʋ tɩtɩa faa Wɩa teeŋ. Wɩa na kʋŋkala nɛ, ʋ teeŋ ba kala hɛ pʋlʋmʋŋ tʋɔŋ nɛ. Ʋ jaŋ leŋ dɩ la dagɛ la wʋŋaalaa kala a pʋ.

JOSUA 22:21

Ŋɩɩ nɛ Rubiŋ doho nɩaa, Gad doho nɩaa arɩ Manasɛ doho nɩaa kpaa magɛ dɔŋɔ-la ma bʋla pɩ Iziral doho doho-la nɩhɩasɩ-la:

Jɔɔŋ Wʋnaalaa 19:16

Ba ŋmʋnsɛ yɩrɩŋ deeŋ nɛ hɛ gɛrɩ-duduoŋ-la ʋ sɩ laala lɛ arɩ ʋ naapuiŋ lɛ: “KUOROO KALA KUOROO ARƖ LA TƖNNABA KALA TƖƖNA.”

Jɔɔŋ Wʋnaalaa 2:23

Mɩ jaŋ ŋmoo ʋ harɩ-tooroo kala kpʋ. Dɩ mɩ nɛ ŋaa ŋɩɩ, nɩalɩŋ kala sɩ laa Yesu wɩaa dii aa hilimi jaŋ jɩŋ arɩ mɩ jɩŋ nʋʋkala tʋɔbɩɩnaa nɛ. Nʋʋkala sɩ tɩma magɛ ŋɩɩ, ŋɩɩ nɛ mɩ jaŋ timu magɛ.

1 SAMƲƐL 15:23

Dɩ ŋ nɛ vɩa ʋ niiŋ, ŋɩɩ ŋaa wʋbɔŋ nɛ a nagɛ nʋʋ sɩɩ vʋgʋ. Dɩ ŋ nɛ kɛŋ sɩɩ-duoŋ, ŋɩɩ ma ŋaa wʋbɔŋ nɛ ʋ teeŋ a nagɛ nʋʋ sɩɩ kpaarɛ vʋɩyaa. Ŋ sɩ bɩ La TƖƖNA niiŋ lɛ to ŋɩɩ, ʋ ma kiriŋ kuoruŋ lɛ nɛ.”

1 SAMƲƐL 2:3

Má sɩ́ babiibal wɩaa bʋbʋl koo a bibigisi ma tɩtɩa lɛ, bɛɛ wɩaa La TƖƖNA Wɩa nɛ jɩŋ wɩɩkala, a jaŋ dii nʋʋkala sarɩya.