JOSUA 22:20 - WƖA TENIŊ

²⁰ Bʋa-la lɛ Ekaŋ, Zɛra nanʋala sɩ bɩ La TƖƖNA niiŋ to aŋ paa kɩalɩŋ ʋ sɩ sɩ ba chei, La TƖƖNA fa tɩŋ ŋɩɩ wɩaa a dɔgɩsɛ Iziral tɩŋŋaa kala nɛ. Ekaŋ dʋndʋŋa dee fa bɩ sʋba a tɩŋ wʋbɔŋ-la ʋ sɩ ŋaa wɩaa.”

JOSUA 22:20 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 24:18

Ba vɩa La TƖƖNA, ba naabalɩmaba Wɩa dɩɩ-bal-la ta nɛ, aŋ mɩɩra kpʋkpaarɛ vene-la ba sɩɩ yɩrɛ Asɩra daasɩŋ arɩ tɔŋŋɔɔ. Ba wʋbɔmɔ-la leŋ Wɩa na baanɩŋ Juda arɩ Jerusalɛm nɩaa nyuŋ.

JOB 35:8

Ŋ wʋbɔŋŋɔɔ ka chei ŋ nuhuobiiŋ dɔŋɔ dʋndʋŋa nɛ, ŋ tʋɔpʋla ma pɩpɛ ŋ nuhuobiiŋ dɔŋɔ dʋndʋŋa lɛ.

LEVI DOHO NƖAA 10:6

Ŋɩɩ nɛ Mosis bʋla pɩ Arɔŋ arɩ ʋ hambolibiisiŋ Elieza arɩ Itama “Má pɔ má sɩ́ ma nyusuŋ vɩa ta, a sɩ́ ma gɛnnɩŋ ma kaa kɩɛsɛ arɩ ma tʋɔŋ cheye nɛ, dɩ ŋɩɩ dee ma jaŋ sʋʋ, ka dɩ La TƖƖNA na baanɩŋ Iziral tɩŋŋaa kala nyuŋ. Ama ma dɩa nɩaa arɩ Iziral tɩŋŋaa kala jaŋ wuo yel nɩalɩŋ yoho La TƖƖNA sɩ leŋe nyiniŋ dii kpʋ.

1 Kɔrɩntɩ Nɩaa 10:6

Wɩaa deemba kala ŋaa wʋmagɩlaa nɛ. Baa dagɛla dɩ la sɩ́ wʋbɔŋŋɔɔ cho arɩ nɩaa deemba fa sɩ choba ŋɩɩ nɛ.

JOSUA 22:21

Ŋɩɩ nɛ Rubiŋ doho nɩaa, Gad doho nɩaa arɩ Manasɛ doho nɩaa kpaa magɛ dɔŋɔ-la ma bʋla pɩ Iziral doho doho-la nɩhɩasɩ-la:

JOSUA 7:1

La TƖƖNA fa sɩ bʋla pɩ Iziral tɩŋŋaa dɩ ba sɩ́ kʋŋkala sɩ maga dɩ ba chei Jeriko lɛ joŋ ŋɩɩ, ba bɩ nii-la kaa tɩŋ. Ka baal kʋbala ba sɩɩ yɩrɛ Ekaŋ vɩa aŋ paa kɩalɩŋ dɔnsʋŋ. Ekaŋ nyɩmma nɛ Kaamɩ, Kaamɩ ma nyɩmma nɛ Zimiri, Zimiri ma nyɩmma nɛ Zɛra. Ba kala ŋaa Juda doho nɩaa nɛ. Ŋɩɩ nɛ La TƖƖNA na baanɩŋ Iziral tɩŋŋaa kala nyuŋ.

JOSUA 7:18

Josua leŋ Zimiri dɩa nɩaa kʋ lɩɩ kʋŋ kʋŋ, ŋɩɩ nɛ La TƖƖNA lɩɩsɛ Ekaŋ. Ekaŋ nyɩmma nɛ Kaamɩ, Kaamɩ ma nyɩmma nɛ Zimiri, Zimiri ma nyɩmma nɛ Zɛra. Ba kala ŋaa Juda doho nɩaa nɛ.

JOSUA 7:24

Ŋɩɩ nɛ Josua arɩ Iziral tɩmma-la kɛŋ Zɛra nanʋala Ekaŋ a paa warɩpʋla-la, gɛrɩ-la arɩ sɛlɩmɛ-la a kɛsɛ ʋ hambolibiisiŋ, ʋ toloo, ʋ nɛsɩŋ, ʋ kakusuŋ arɩ ʋ piesee, a churi ʋ lɛbɩŋ arɩ kʋŋ na-kala ʋ sɩ kɛnɛ a kaa tʋʋ fuonaa kʋbala baa yɩrɛ Akɔ.

JOSUA 7:5

ka ba kpʋ Iziral tɩŋŋaa nɩaa mara arɩ fɩɩ arɩ balɩdʋ. Aɩ tɩmma-la chɩŋ ba taŋ boi-baalɩŋ lɛ nɛ aŋ kiriba ŋɩɩ deeŋ deeŋ a jɩl lee-la ba sɩɩ yɛrɛ tabɩaa, a kpʋ dɔnsʋŋ ba sɩ lɩɩ dundollu-la nyuŋ kʋ tutuu. Ŋɩɩ nɛ fawʋllʋŋ jʋʋ Iziral tɩmma-la ba kala kpaŋ.

2 Pɩɩta 2:6

Bʋa-la lɛ tasɩŋ balɩa ma fa hɛ nɩmɛ. Ba yɩraa nɛ Sodom arɩ Gomora. Ba nɩaa fa sɩɩ ŋaa wʋbɔŋŋɔɔ, Wɩa fa dɔgɩsɛba nɛ. Ʋ fa joŋ nyiniŋ nɛ a nyɩgɛba, ba kala dii buru aŋ ka tʋɔrʋŋ dʋndʋŋa. Wɩa dagɛ ŋɩɩ arɩ ʋ jaŋ dɔgɩsɛ nɩalɩŋ kala sɩ bɩ ʋ wombiiŋ ka to.