JOSUA 22:18 - WƖA TENIŊ

¹⁸ Lɛɛlɛ ma joŋ ma harɩŋ a yɩyɩa La TƖƖNA nɛ koo? Dɩ ma nɛ vɩa La TƖƖNA jɩnɩŋ, chie ʋ jaŋ na baanɩŋ Iziral tɩŋŋaa kala nyuŋ.

JOSUA 22:18 ပူးပေါင်းရင်းမြစ်များ

2 SAMƲƐL 24:1

Bʋa kʋbala lɛ La TƖƖNA bɩra na baanɩŋ Iziral tɩŋŋaa nyuŋ, a yigi kuoro Devit hɛ ba lɛ a bʋl, “Mʋ a dɩɩsɛ Iziral arɩ Juda nɩaa kala.”

1 KUOROO 9:6

Ama dɩ ŋ-na, koo dɩ ŋ doho nɩaa kʋŋ nɛ vɩamɛ a bɩ wɩalɩŋ mɩ sɩ daga arɩ mɩ niiriŋ ka to, aŋ mɩɩra mʋ tuto vesiŋ a kpʋkpaarɛba,

2 KUOROO 17:21

Bʋa-la lɛ La TƖƖNA fa sɩ leŋe Iziral tɩŋŋaa pɔrɛ Juda doho nɩaa lɛ ŋɩɩ, ŋɩɩ nɛ Iziral tɩŋŋaa leŋ Nɛbat nanʋala Jerobuam ŋaa ba kuoro. Jerobuam leŋ ba vɩa La TƖƖNA, aŋ ŋaa wʋbɔŋ-balaa.

1 IZIRAL TƖŊŊAA NAABARƖŊ 21:1

Bʋa kʋbala lɛ Sɩtaanɩ chɩchɛ dɩ ʋ hɛ wɩaa Iziral tɩŋŋaa lɛ, a yigi Devit hɛ dɩ ʋ dɩɩsɛba.

1 IZIRAL TƖŊŊAA NAABARƖŊ 21:14

Ŋɩɩ nɛ La TƖƖNA joŋ nyanyal bɔŋŋɔɔ hɛ Iziral tinteeŋ lɛ, nɩaa bʋɩ mahɩŋ batori arɩ fii sʋʋ.

2 IZIRAL TƖŊŊAA NAABARƖŊ 25:27

A chɩŋ bʋa-la lɛ Amazɩa sɩ vɩa La TƖƖNA tonuŋ, nɩaa vʋʋrɛ a sii chɩŋ ʋ lɛ Jerusalɛm lɛ. Ŋɩɩ nɛ ʋ lɩɩ fá a mʋ taŋ-la ba sɩɩ yɩrɛ Lakɩs. Ama ba hɛ nɩaa ba kiri ʋ libe, a mʋ kpʋʋ nɩmɛ.

2 IZIRAL TƖŊŊAA NAABARƖŊ 34:33

Josaaya chei tɔmɔ-la kala sɩ hɛ Iziral tinteeŋ lɛ, a leŋ nɩalɩŋ kala sɩ hɛ Iziral lɛ to ba TƖƖNA Wɩa. Bʋa-la kala ʋ sɩ hɛ ʋ mɩɩsɩŋ lɛ, ba bɩra bɩ La TƖƖNA ba nyɩmmaba Wɩa harɩŋ mɩɩra.

LEVI DOHO NƖAA 10:6

Ŋɩɩ nɛ Mosis bʋla pɩ Arɔŋ arɩ ʋ hambolibiisiŋ Elieza arɩ Itama “Má pɔ má sɩ́ ma nyusuŋ vɩa ta, a sɩ́ ma gɛnnɩŋ ma kaa kɩɛsɛ arɩ ma tʋɔŋ cheye nɛ, dɩ ŋɩɩ dee ma jaŋ sʋʋ, ka dɩ La TƖƖNA na baanɩŋ Iziral tɩŋŋaa kala nyuŋ. Ama ma dɩa nɩaa arɩ Iziral tɩŋŋaa kala jaŋ wuo yel nɩalɩŋ yoho La TƖƖNA sɩ leŋe nyiniŋ dii kpʋ.

NAMBABA 16:22

Ŋɩɩ nɛ Mosis arɩ Arɔŋ tuu tele chu aŋ ŋmoo niiŋ, “Ou Wɩa, ŋ nɛ ŋaa nuhuobiine mɩɩsɩŋ, nɩbala wʋbɔmʋŋ jaŋ leŋ dɩ ŋ na baanɩŋ ŋ nɩaa kala nyuŋ?”

NAMBABA 32:15

Dɩ ma nɛ mɩɩrɛ La TƖƖNA harɩŋ, ʋ jaŋ bɩra vɩa Iziral tɩŋŋaa deemba ta tintee-hɩlɩŋ deeŋ lɛ dɩ ba sʋʋ. Dɩ ʋ nɛ ŋaa ŋɩɩ, ma nɛ jaŋ laa cheeriŋ.”

MOSIS BƖRA WULLI WƖA WOMBIIŊ 7:4

Dɩ ma nɛ leŋe ma biiriŋ jaa ba toloo, tolie-la jaŋ lɛrɛba mʋ dɩ ba ma tuto ba vesiŋ. Dɩ ba nɛ saa ŋaa ŋɩɩ, La TƖƖNA jaŋ chaasa na baanɩŋ ma nyuŋ a guu cheima.

JOSUA 22:15

Ba kɔ Gɩlɩad tinteeŋ, Rubiŋ doho nɩaa, Gad doho nɩaa arɩ Manasɛ doho nɩaa kpaa magɛ dɔŋɔ-la teeŋ, a bʋla pɩba:

JOSUA 22:16

“La TƖƖNA nɩaa kala sɩ: Bɛɛ nɛ tɩɩ ma bɩra bɩ Iziral Wɩa laa dii? Bɛɛ nɛ tɩɩ ma mɩɩrɛ La TƖƖNA harɩŋ a saa Wɩɩsʋllɩ koruŋ pɩ ma tɩtɩa aŋ vɩaʋ?

JOSUA 22:20

Bʋa-la lɛ Ekaŋ, Zɛra nanʋala sɩ bɩ La TƖƖNA niiŋ to aŋ paa kɩalɩŋ ʋ sɩ sɩ ba chei, La TƖƖNA fa tɩŋ ŋɩɩ wɩaa a dɔgɩsɛ Iziral tɩŋŋaa kala nɛ. Ekaŋ dʋndʋŋa dee fa bɩ sʋba a tɩŋ wʋbɔŋ-la ʋ sɩ ŋaa wɩaa.”

JOSUA 7:1

La TƖƖNA fa sɩ bʋla pɩ Iziral tɩŋŋaa dɩ ba sɩ́ kʋŋkala sɩ maga dɩ ba chei Jeriko lɛ joŋ ŋɩɩ, ba bɩ nii-la kaa tɩŋ. Ka baal kʋbala ba sɩɩ yɩrɛ Ekaŋ vɩa aŋ paa kɩalɩŋ dɔnsʋŋ. Ekaŋ nyɩmma nɛ Kaamɩ, Kaamɩ ma nyɩmma nɛ Zimiri, Zimiri ma nyɩmma nɛ Zɛra. Ba kala ŋaa Juda doho nɩaa nɛ. Ŋɩɩ nɛ La TƖƖNA na baanɩŋ Iziral tɩŋŋaa kala nyuŋ.

JOSUA 7:11

Iziral tɩŋŋaa ŋaa wʋbɔŋ nɛ, a chei nii-la mɩ sɩ bile a pɩba dɩ ba to. Ba paa kɩalɩŋ dɔnsʋŋ sɩ maga dɩ ba chei nɛ, ba gaa kɩalɩŋ nɛ, aŋ nyɩɛ wɩaa, aŋ paa guoli ba kɩaa tʋɔŋ.

JOSUA 7:21

Kɩalɩŋ la sɩ yuo laa tʋɔŋ, mɩ na Babɩlɔŋ tɩŋŋaa gɛrɩ-zɔŋ kʋbala nɛ a joŋ, arɩ warɩpʋla yuŋuŋ sɩ yi kilo balɩa arɩ mʋa a pɛ sɛlɩmɛ yuŋuŋ sɩ yi kilo kpaa magɛ dɔŋɔ lɛ. Kɩaa deemba nɛ mɩ na mɩ sɩɩŋ jʋʋba mɩ lʋara paa. Ba nɛ mɩ joŋo hugi mɩ lɛbɩŋ tʋɔŋ, a leŋ warɩpʋla-la hɛ bʋbʋɔŋ.”

1 SAMƲƐL 12:14

Wɩɩkala jaŋ vɛŋ woruŋ pɩ ma dɩ kuoru-la La TƖƖNA sɩ joŋo pɩma dɩ ʋ bibemma, dɩ ma dɩ ʋ kala nɩɩ fá La TƖƖNA Wɩa, a tɩma pʋpʋ, a sɛyɛ tuto wɩalɩŋ kala ʋ sɩ daga.

1 SAMƲƐL 12:20

Ŋɩɩ nɛ Samʋɛl bʋl, “Má sɩ́ leŋe dɩ fawʋllʋŋ kɛmma, ma ŋaa wʋbɔŋŋɔɔ deemba kala nɛ, ama má sɩ́ harɩŋ joŋo yɩa La TƖƖNA, má tou arɩ ma tʋɔŋ kala.