JOSUA 22:15 - WƖA TENIŊ

¹⁵ Ba kɔ Gɩlɩad tinteeŋ, Rubiŋ doho nɩaa, Gad doho nɩaa arɩ Manasɛ doho nɩaa kpaa magɛ dɔŋɔ-la teeŋ, a bʋla pɩba:

JOSUA 22:15 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 21:3

Jʋab bʋla pɩ kuoro, “A leŋ dɩ La TƖƖNA ŋaa dɩ ŋ laalɩyuoro-la pʋŋa pɛ naansɩɩŋ zɔlɔ, kuoro mɩ nɩhɩaŋ, ba kala ŋaa ŋ nɩaa nɛ. Bɛɛ nɛ tɩɩ ŋ chɩchɛ dɩ ŋ ŋaa wʋdoho deeŋ a joŋ cheeriŋ pɩ Iziral tɩŋŋaa?”

2 IZIRAL TƖŊŊAA NAABARƖŊ 10:19

A chɩŋ bʋa-la lɛ a kaa kɔ, Iziral doho doho-la kala sɩ hɛ wɩɩpɔsʋŋ nagʋa arɩ Devit doho nɩaa bɩ dɔŋɔ lɛ wuo arɩ jɩnɩŋ kala.

2 IZIRAL TƖŊŊAA NAABARƖŊ 25:27

A chɩŋ bʋa-la lɛ Amazɩa sɩ vɩa La TƖƖNA tonuŋ, nɩaa vʋʋrɛ a sii chɩŋ ʋ lɛ Jerusalɛm lɛ. Ŋɩɩ nɛ ʋ lɩɩ fá a mʋ taŋ-la ba sɩɩ yɩrɛ Lakɩs. Ama ba hɛ nɩaa ba kiri ʋ libe, a mʋ kpʋʋ nɩmɛ.

2 IZIRAL TƖŊŊAA NAABARƖŊ 26:18

a mʋ ʋ teeŋ a bʋla pʋ, “Ŋ-na Uzia, ŋ bɩ wombii kɛnɛ dɩ ŋ nyɩgɛ kʋsʋɔrʋsʋŋ a pɩ La TƖƖNA. Wɩɩsʋllɩ sɩpaalaaraa sɩ ŋaa Arɔŋ doho nɩaa, ba sɩ joŋo hɛ La TƖƖNA nɩsɩŋ lɛ tɩntɩmɩɩ nɛ. Lɩɩ Wɩa dɩa deeŋ tʋɔŋ. Ŋ ŋaa wʋbɔŋ nɛ, La TƖƖNA Wɩa bɩra bɩ jaŋ pɛ ŋ lɛ.”

2 IZIRAL TƖŊŊAA NAABARƖŊ 28:13

“Má sɩ́ nɩalɩŋ ma sɩ yuo kɛsɛ kaa kɔ daha. Ŋɩɩ dee la jaŋ laa cheeriŋ La TƖƖNA teeŋ. Maa chɛ dɩ la laa cheeriŋ dɩ la wʋbɔŋŋɔɔ wasa yʋgɛ nɛɛ? La cheeriŋ paala yʋgɛ nɛ, La TƖƖNA faasa na baanɩŋ la Iziral nɩaa nyuŋ.”

ƐZƖRA 9:15

La TƖƖNA Iziral tɩŋŋaa Wɩa, ŋ ŋaa tʋɔpʋl Tɩɩna nɛ. Ŋ leŋe la dɔnsʋŋ ka nɛ a bɩ sʋba. La kɔ ŋ sɩpaaŋ nɛ arɩ la cheeriŋ, arɩ la sɩ jɩma arɩ la bɩ wombiiŋ kɛnɛ dɩ la kɔ ŋ sɩpaaŋ ma kala.”

ƐZƖRA 9:2

Ba jaa nɩaa deemba toloo nɛ, aŋ jaa pɩ ba hambolibiisiŋ ma, a leŋ Wɩa nɩaa sɩ bɩ disiniŋ kɛnɛ guoli nɩwogusuŋ tʋɔŋ. Sɩpaalaaraa arɩ tɩntɩnnɩ-hɩasɩŋ nɛ paala laa sɩpaaŋ ŋaa wɩɩŋ deeŋ a chei.”

WƖA YƖƖLAA 78:8

Dɩ ba sɩ́ ba naabalɩmaba-la sɩ kɛŋ nyuduoŋ a vɩa Wɩa niiŋ ŋɩɩ nagʋ. Ba ŋaa nɩa fa sɩ bɩ ba tʋɔŋ pʋlla pɩ Wɩa nɛ, a bɩ ʋ laa dii.

MOSIS KƐŊ IZIRAL TƖŊŊAA LƖƖ 32:8

Ba daŋa vɩa wombii-la mɩ sɩ dagɛba nɛ, aŋ libi vene ʋ nagɛ nɛ-bie, ba kpʋ kɩaa pʋ aŋ zilu a bʋl, ‘Iziral tɩmma, vene-la sɩ kɛmma kaa kʋ lɩɩ Ijipiti tinteeŋ lɛ nɛ ŋ-la.’ ”

AZAAYA 63:10

Ka ba vɩa ʋ niiŋ, aŋ ŋaa Wɩa Dɩŋ-zɔmʋŋ tʋɔŋ chei. Ŋɩɩ nɛ ʋ bɩrɩmɛ ba dʋndɔŋ a tɩtɩa sii chɩŋ ba lɛ a yuoba.

LEVI DOHO NƖAA 26:40

Ama ʋ dɩdɛrɩŋ, dɩ mɩ nɩaa nɛ jaŋ sɛɩ a dagɛ ba wʋbɔŋŋɔɔ arɩ ba naabalɩmaba wʋbɔŋŋɔɔ, arɩ baaŋ-siiri wɩalɩŋ ba sɩ ŋaa mɩ lɛ, a vɩa mɩ niiŋ,

LEVI DOHO NƖAA 5:19

Ʋ ŋaa cheeriŋ Wɩɩsʋlɩɩ nɛ, ʋ ŋaa chei mɩ-na ma TƖƖNA.”

NAMBABA 14:43

Amalɛk tɩŋŋaa arɩ Kɛnaŋ tɩŋŋaa jaŋ yuoma, bɛɛ wɩaa ma mɩɩrɛ La TƖƖNA harɩŋ nɛ. Ʋ bɩ jaŋ to ma harɩŋ, ŋɩɩ jaŋ leŋ ma dʋndɔŋŋɔɔ yuo diima.”

NAMBABA 32:15

Dɩ ma nɛ mɩɩrɛ La TƖƖNA harɩŋ, ʋ jaŋ bɩra vɩa Iziral tɩŋŋaa deemba ta tintee-hɩlɩŋ deeŋ lɛ dɩ ba sʋʋ. Dɩ ʋ nɛ ŋaa ŋɩɩ, ma nɛ jaŋ laa cheeriŋ.”

NAMBABA 5:6

“Bʋla pɩ Iziral tɩŋŋaa, dɩ baal koo haal nɛ vɩa La TƖƖNA niiŋ, aŋ ŋaa wɩɩ a chei ʋ dɔŋɔ, nɩɩ-la laa cheeriŋ nɛ.

Matiu 18:17

Ama dɩ ʋ nɛ vɩa dɩ ʋ jegile nɩɩ ma teeŋ, ŋ-na bʋl wɩɩ-la pɩ nɩalɩŋ kala sɩ laa Yesu wɩaa dii aa hilimi. Dɩ ʋ nɛ vɩa dɩ ʋ jegile nɩɩ ba ma teeŋ, dɔgɩsʋ arɩ ŋ bɩ ʋ jɩŋ a nagɛ nɩɩ-la sɩ bɩ Wɩa jɩŋ koo a nagɛ lampoo laara sɩ bɩ wʋtɩtɩɩ kɛnɛ.

1 Kɔrɩntɩ Nɩaa 1:10

Mɩ naambiiriŋ, mɩɩ sʋl ma kala La Tɩɩna Yesu Kirisito yɩrɩŋ lɛ, dɩ ma kala kɛŋ nii-bala a sɩ́ dɔŋɔ lɛ pɔrʋ. Mɩɩ sʋlma dɩ ma kɛŋ tʋɔ-bala a chɩŋ wʋbala lɛ.

1 Kɔrɩntɩ Nɩaa 5:4

Dɩ ma nɛ kʋ hilimi La Tɩɩna Yesu Kirisito yɩrɩŋ lɛ, mɩ dɩma jaŋ hɛ ma teeŋ, Yesu Kirisito ma doluŋ jaŋ hɛ ma teeŋ.

MOSIS BƖRA WULLI WƖA WOMBIIŊ 30:17

Ama dɩ ma nɛ vɩa ma TƖƖNA a joŋ harɩŋ yɩaʋ, aŋ leŋ dɩ vesiŋ lɛrɛma dɩ ma mʋ kpʋkpaarɛba,

MOSIS BƖRA WULLI WƖA WOMBIIŊ 7:4

Dɩ ma nɛ leŋe ma biiriŋ jaa ba toloo, tolie-la jaŋ lɛrɛba mʋ dɩ ba ma tuto ba vesiŋ. Dɩ ba nɛ saa ŋaa ŋɩɩ, La TƖƖNA jaŋ chaasa na baanɩŋ ma nyuŋ a guu cheima.

Hiburu TƖŊŊAA 12:25

Má jegile nɩɩ wɩalɩŋ Yesu sɩɩ bʋl. Má sɩ́ ba vɩa arɩ Iziral tɩŋŋaa sɩ vɩa wɩalɩŋ Mosis fa sɩ bʋla pɩba, Wɩa dɔgɩsɛba ŋɩɩ. Ŋɩɩ wɩaa, dɩ la nɛ vɩa wɩalɩŋ Yesu Kirisito sɩ bʋla, Wɩa jaŋ dɔgɩsɛla a kɩɩ ŋɩɩ ʋ sɩ dɔgɩsɛ Iziral tɩŋŋaa.

JOSUA 22:12

ba kala sii hɛ dɔŋɔ lɛ Sɩlɔ lɛ dɩ ba mʋ yuoba.

JOSUA 22:14

Ʋ sɩɩ mʋ, ba lɩɩsɛ sɩpaalaaraa fii nɛ Iziral tɩŋŋaa tʋɔŋ, doho kala dɩa nɩhɩaŋ, ba to ʋ harɩŋ.

JOSUA 22:16

“La TƖƖNA nɩaa kala sɩ: Bɛɛ nɛ tɩɩ ma bɩra bɩ Iziral Wɩa laa dii? Bɛɛ nɛ tɩɩ ma mɩɩrɛ La TƖƖNA harɩŋ a saa Wɩɩsʋllɩ koruŋ pɩ ma tɩtɩa aŋ vɩaʋ?

JOSUA 22:18

Lɛɛlɛ ma joŋ ma harɩŋ a yɩyɩa La TƖƖNA nɛ koo? Dɩ ma nɛ vɩa La TƖƖNA jɩnɩŋ, chie ʋ jaŋ na baanɩŋ Iziral tɩŋŋaa kala nyuŋ.

1 SAMƲƐL 15:23

Dɩ ŋ nɛ vɩa ʋ niiŋ, ŋɩɩ ŋaa wʋbɔŋ nɛ a nagɛ nʋʋ sɩɩ vʋgʋ. Dɩ ŋ nɛ kɛŋ sɩɩ-duoŋ, ŋɩɩ ma ŋaa wʋbɔŋ nɛ ʋ teeŋ a nagɛ nʋʋ sɩɩ kpaarɛ vʋɩyaa. Ŋ sɩ bɩ La TƖƖNA niiŋ lɛ to ŋɩɩ, ʋ ma kiriŋ kuoruŋ lɛ nɛ.”