JOSUA 22:10 - WƖA TENIŊ

¹⁰ Bʋa-la lɛ Rubiŋ doho nɩaa, Gad doho nɩaa arɩ Manasɛ doho nɩaa kpaa magɛ dɔŋɔ-la sɩ kɔ Gɛlɩlɔf sɩ hɛ Kɛnaŋ tinteeŋ lɛ a kpagɛ Jɔdaŋ fuo-la niiŋ wɩɩjʋʋlʋŋ dɩɩrɩŋ, ba saa Wɩɩsʋlʋŋ koru-bal kʋbala nɩmɛ fuo-la sɛmɛ.

JOSUA 22:10 ပူးပေါင်းရင်းမြစ်များ

WƖAA DƖ-SUOMUŊ 12:7

Ŋɩɩ nɛ La TƖƖNA kɛŋ ʋ tɩtɩa dagɛ Abɩram, aŋ bʋla pʋ, “Mɩ jaŋ joŋ tinteeŋ deeŋ a pɩ ŋ dɩ ŋ doho nɩaa.” Ŋɩɩ nɛ Abɩram saa Wɩɩsʋllɩ koruŋ a pɩ La TƖƖNA, lee-la ʋ sɩ kɛŋ ʋ tɩtɩa dagʋ.

WƖAA DƖ-SUOMUŊ 12:8

Ʋ lɩɩ nɩmɛ a mʋ peel-la sɩ hɛ Bɛtɛl wɩɩpɔsʋŋ, a hɛ ʋ lɛbɩŋ Bɛtɛl wɩɩjʋʋlʋŋ dɩɩrɩŋ, ka Aɩ ma hɛ wɩɩpɔsʋŋ dɩɩrɩŋ. Nɩmɛ nɛ ʋ saa Wɩɩsʋllɩ koruŋ a pɩ La TƖƖNA a yɩrɛ ʋ yɩrɩŋ.

WƖAA DƖ-SUOMUŊ 28:18

Ʋ taŋ sɩ pʋla chʋchʋɔ-fɩɛla, Jekɔb sii joŋ tabɩɩ-la ʋ sɩ yelle a pɛ ʋ ŋaa jebii-magɩl. Ʋ joŋ nʋʋŋ bɩsa wurisi.

AZAAYA 19:19

Tapʋlɩɩ-la La TƖƖNA Wɩɩsʋllɩ koruŋ jaŋ chɩŋ Ijipiti tʋtʋɔbaanɩŋ, ka dɩ jebiiŋ ma chɩŋ ʋ yɩrɩŋ lɛ Ijipiti tinteeŋ bʋa niiŋ dɩ ba liliisi ʋ wɩaa.

JOSUA 22:11

Iziral tɩmma-la dɔnsʋŋ sɩ nɩa arɩ ba saa Wɩɩsʋllɩ koruŋ nɛ Gɛlɩlɔf sɩ hɛ Kɛnaŋ lɛ a kpagɛ Jɔdaŋ fuo-la sɛmɛ Iziral tɩŋŋaa sɩ hɛ,

JOSUA 22:9

Rubiŋ doho nɩaa arɩ Gad doho nɩaa arɩ Manasɛ doho nɩaa kpaa magɛ dɔŋɔ-la fa leŋ Iziral tɩŋŋaa Sɩlɔ lɛ Kɛnaŋ tinteeŋ aŋ mɩɩra mʋ Gɩlɩad, ba tinteeŋ, kʋ-la ba sɩ laa arɩ La TƖƖNA sɩ to Mosis lɛ a dagɛ.