JOSUA 21:44 - WƖA TENIŊ

⁴⁴ La TƖƖNA fa pɩ Iziral tɩŋŋaa wiese nɛ sɛmɛ na-kala, arɩ ʋ fa sɩ hɛ niiŋ ŋɩɩ a pɩ ba naabalɩmaba. Ba dʋndɔŋ-kala fa bɩ wuo yuo diiba. La TƖƖNA joŋ ba dʋndɔŋŋɔɔ kala a hɛ ba nɩsɩŋ lɛ nɛ ba wuoba.

JOSUA 21:44 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 13:16

Iziral tɩmma-la fá Juda tɩŋŋaa sɩpaaŋ dɩ ba laa ba mɩɩsɩŋ, bɛɛ wɩaa Wɩa leŋe ba kɛŋ doluŋ kɩɩba nɛ.

MOSIS KƐŊ IZIRAL TƖŊŊAA LƖƖ 23:31

Mɩ jaŋ dagɛ ma tinteeŋ bʋa pɩma, a chɩŋ mʋga-la ba sɩɩ yɩrɛ Mʋgʋ-fɩaŋ a kaa mʋ mʋgʋ-bal-la ba sɩɩ yɩrɛ Mediterenia, a bɩra chɩŋ tintee-hɩlɩɩ-la lɛ a kaa mʋ Yufireti fuo-la. Mɩ jaŋ joŋ nɩalɩŋ kala sɩ hɛ tinteeŋ deeŋ lɛ a hɛ ma nɩsɩŋ lɛ, dɩ ma kiriba aŋ laa lee-la.

MOSIS KƐŊ IZIRAL TƖŊŊAA LƖƖ 33:14

Ŋɩɩ nɛ La TƖƖNA bʋla pɩ Mosis, “Mɩ jaŋ hɛ ŋ teeŋ lee na-kala ŋ sɩɩ mʋ, a leŋ dɩ ŋ na wiese.”

AZAAYA 63:14

a nagɛ ba sɩ yie daa nɛsɩŋ kaa mʋ fuonaaŋ ba dii ya-fɩɛlɩŋ aŋ pɩnaa wiesi ŋɩɩ, ŋ Dɩma pɩ ŋ nɩaa wiese nɛ. Ŋ-la nɛ ŋ beŋ ŋ nɩaa nyuŋ a laa yɩrɩ-bal-la sɩ bɩ dɛrɛ.

MOSIS BƖRA WULLI WƖA WOMBIIŊ 2:36

A chɩŋ taŋ-la ba sɩɩ yɩrɛ Arʋa sɩ hɛ Anɔŋ fuo-la fuonaaŋ niiŋ a kaa mʋ yi Gɩlɩad, taŋ kala fa tuo a wuola. La TƖƖNA Wɩa leŋe la yuo dii ba kala nɛ.

MOSIS BƖRA WULLI WƖA WOMBIIŊ 21:10

Dɩ laalɩŋ nɛ sii ma dɩ ma dʋndɔŋŋɔɔ pɛgɛ, dɩ ma TƖƖNA Wɩa pɛ ma lɛ dɩ ma yuo diiba aŋ kɛsɛ ba haalaa,

Hiburu TƖŊŊAA 4:9

Ŋɩɩ wɩaa, tapʋlɩɩ dɔŋ nɛ hɛ nɩmɛ, Wɩa nɩaa sɩ jaŋ wiesi.

JOSUA 1:13

“Má liisi wɩɩ-la La TƖƖNA tɩntɩnna Mosis sɩ bʋla pɩma arɩ ma TƖƖNA Wɩa joŋ Jɔdaŋ wɩɩpɔsʋŋ dɩɩrɩŋ tinteeŋ deeŋ a pɩma nɛ, dɩ ma hɔŋ a na wiese.

JOSUA 1:15

a kaa mʋ bʋa-la lɛ La TƖƖNA sɩ jaŋ pɩba dɩhɔnʋŋ arɩ ʋ sɩ pɩma dɩhɔnʋŋ ŋɩɩ, see ba ma sɩ na tintee-la ma TƖƖNA Wɩa sɩ jaŋ joŋo pɩba dɩ ʋ ŋaa ba kʋŋ. Ŋɩɩ harɩŋ, ma jaŋ wuo mɩɩra kʋ hɔŋ ma tinteeŋ deeŋ sɩ hɛ Jɔdaŋ wɩɩpɔsʋŋ dɩɩrɩŋ, kʋ-la La TƖƖNA tɩntɩnna Mosis sɩ joŋo pɩma.”

JOSUA 1:5

Josua, ŋ mɩɩsɩŋ kala lɛ, nʋʋkala bɩ jaŋ wuo yuo diiŋ. Mɩ jaŋ hɛ ŋ teeŋ arɩ mɩ fa sɩ hɛ Mosis teeŋ ŋɩɩ. Mɩ bɩ jaŋ kɔ dɩ mɩ vɩaŋ ta koo a lɩɩ ŋ harɩŋ.

JOSUA 11:12

Josua fa yuo dii tabalaa deemba kala nɛ a kpʋ ba kuoroo arɩ ba nɩaa kala arɩ La TƖƖNA tɩntɩnna Mosis fa sɩ dagɛ ŋɩɩ.

JOSUA 11:23

Josua laa tintee-la kala nɛ, arɩ La TƖƖNA fa sɩ dagɛ Mosis ŋɩɩ, a kaa kpaa a pɩ Iziral tɩŋŋaa doho doho-la ʋ ŋaa ba kʋŋ. Ŋɩɩ nɛ tintee-la nɩaa saa wiesi laalɩŋ lɛ.

JOSUA 11:8

La TƖƖNA fa jomba a hɛ Iziral tɩŋŋaa laalɩyuoroo nɩsɩŋ lɛ. Ba kire kpʋba ŋɩɩ a mʋ yi tabal-la ba sɩɩ yɩrɛ Sɩdɔŋ, a joŋo mʋ Mɩsɩrɛfɔf Meem, a to ŋɩɩ mʋ Mɩzɩpa fuonaa-la sɩ hɛ wɩɩpɔsʋŋ, a kpʋ ba kala, nɩbala ma bɩ ka.

JOSUA 2:24

Ba bʋla pɩ Josua, “La TƖƖNA chaasa joŋ tintee-la kala a hɛ la nɩsɩŋ lɛ nɛ. Fawʋllʋŋ chaasa jʋʋ nɩalɩŋ sɩ hɛ tintee-la lɛ nɛ a tɩŋ la wɩaa.”

JOSUA 22:4

Lɛɛlɛ, ma TƖƖNA Wɩa pɩ ma naambiiriŋ dɩ-hɔnɔ wiesiŋ nɛ arɩ ʋ fa sɩ hɛ niiŋ ŋɩɩ. Má mɩɩra mʋ ma dɩɩsɩŋ tintee-la lɛ La TƖƖNA tɩntɩnna Mosis sɩ joŋo pɩma Jɔdaŋ fuo-la wɩɩpɔsʋŋ sɛmɛ dɔŋɔ.

JOSUA 22:9

Rubiŋ doho nɩaa arɩ Gad doho nɩaa arɩ Manasɛ doho nɩaa kpaa magɛ dɔŋɔ-la fa leŋ Iziral tɩŋŋaa Sɩlɔ lɛ Kɛnaŋ tinteeŋ aŋ mɩɩra mʋ Gɩlɩad, ba tinteeŋ, kʋ-la ba sɩ laa arɩ La TƖƖNA sɩ to Mosis lɛ a dagɛ.

JOSUA 23:1

Wɩaa deemba kala sɩ ŋaa bal harɩŋ, La TƖƖNA laa Iziral tɩŋŋaa ta ba dʋndɔmɔ-la sɩ golliba nɩsɩŋ lɛ ba wiesi. Bʋa-la lɛ dɩ Josua fa hɩɛsa nɛ woruŋ.