JOSUA 21:1 - WƖA TENIŊ

¹ Tapʋlɩɩ kʋbala Levi doho nɩaa sɩpaalaaraa sii mʋ Elieza sɩ ŋaa Wɩɩsʋllɩ sɩpaalaara arɩ Nuŋ nanʋala Josua arɩ Iziral doho doho-la sɩpaalaaraa teeŋ.

JOSUA 21:1 ပူးပေါင်းရင်းမြစ်များ

WƖAA DƖ-SUOMUŊ 49:7

Mɩ ŋmɩɛsa hɛ ma lɛ a tɩŋ ma baanɩŋ arɩ ma tʋɔhɛɛŋ sɩ faasa yʋgɛ wɩaa nɛ. Mɩ jaŋ kɛmma pɔrɛ mɩ-na Jekɔb biiriŋ tʋɔŋ, aŋ kɛmba pɩsɛ Iziral tinteeŋ lɛ.

MOSIS KƐŊ IZIRAL TƖŊŊAA LƖƖ 6:14

Rubiŋ, Jekɔb bii-hɩaŋ kɛŋ hambolibiisiŋ banɛsɛ nɛ: Hanɔk, Pallu, Hɛzɩrɔŋ arɩ Kaamɩ. Rubiŋ doho nɩaa nɛ ŋɩɩ.

MOSIS KƐŊ IZIRAL TƖŊŊAA LƖƖ 6:25

Arɔŋ nanʋala Elieza jaa Pʋtɩɛl tolo dɔŋɔ nɛ ʋ lʋl Finihas. Levi doho arɩ ba nɩhɩasɩŋ nɛ ŋɩɩ.

NAMBABA 35:1

Bʋa-la lɛ Iziral tɩŋŋaa sɩ hɔŋ Mʋab tintee-taalɩsɩ-la sɩ kpagɛ Jɔdaŋ fuo-la, Jeriko cholo lɛ nɛ La TƖƖNA bʋla pɩ Mosis,

NAMBABA 35:8

Iziral tɩŋŋaa sɩ jaŋ joŋ tabala-la pɩ Levi doho nɩaa, doho-la nɩaa sɩ yʋga, ŋ jaŋ pɩba tasɩŋ yʋgɛ, doho-la ma nɩaa sɩ muuro, ŋ jaŋ pɩba tasɩŋ baŋmɛnɛ.”

JOSUA 14:1

Kɛnaŋ tintee-la lɛ, leree deemba nɛ ba kaa kpaa a pɩ Iziral tɩŋŋaa ʋ ŋaa ba kɩaa. Elieza sɩ ŋaa Wɩɩsʋllɩ sɩpaalaara arɩ Nuŋ nanʋala Josua arɩ Iziral tɩŋŋaa doho doho-la sɩpaalaaraa nɛ fa kaa kpaa a pɩba.

JOSUA 17:4

Toloo deemba nɛ sii a kɔ Elieza, Wɩɩsʋllɩ sɩpaalaara, arɩ Nuŋ nanʋala Josua arɩ Iziral tɩŋŋaa sɩpaalaaraa teeŋ a bʋl, “La TƖƖNA fa bʋla pɩ Mosis dɩ la dɩbaalaa tinteeŋ tʋɔŋ ʋ pɩla ma kpaalɩŋ.” Ŋɩɩ nɛ Josua keri ba dɩbaala-la tinteeŋ pɩba, arɩ La TƖƖNA sɩ dagɛ ŋɩɩ.

JOSUA 19:51

Tintee-la Elieza sɩ ŋaa Wɩɩsʋllɩ sɩpaalaara arɩ Josua, Nuŋ nanʋala arɩ Iziral tɩŋŋaa nyɩŋ-nɩaa nɩhɩasɩŋ fa sɩ tɔnsɔ Sɩlɔ lɛ La TƖƖNA sɩpaaŋ lɛbɩ-la lɛ ʋ sɩ yie kɔ Iziral tɩŋŋaa teeŋ boiŋ niiŋ a kaa kpaaba nɛ ŋɩɩ. Ŋɩɩ ba fa sɩ to a kɛŋ tintee-la kpaa nɛ ŋɩɩ.