JOSUA 20:9 - WƖA TENIŊ

⁹ Dɩ Iziral tɩɩna koo dɩ nɩwogusu-la sɩ hɛ ba tʋɔŋ kʋŋ nɛ bɩ sɛnɛ aŋ kpʋ ʋ dɔŋɔ, ʋ jaŋ wuo fá mʋ yuori tasɩŋ deemba ba sɩ lɩɩsa dɔŋɔ, dɩ nɩɩ-la ʋ sɩ kpʋa naambile sɩɩ chɛ dɩ ʋ joŋ ŋɩɩ chɩmɩŋ tiŋ ʋ lɛ sɩ́ ʋ kpʋ. Ka dɩ ʋ wuo hɛ nɩmɛ a mʋ yi tapʋlɩɩ-la ʋ sɩ jaŋ chɩŋ nɩalɩŋ sɩ yie hilimi sɩpaaŋ dɩ ba diiu sarɩya.

JOSUA 20:9 ပူးပေါင်းရင်းမြစ်များ

NAMBABA 35:13

Tasɩŋ deemba balɩdʋ nɛ jaŋ hɛ nɩmɛ dɩ ma fá mʋ aa yuori.

NAMBABA 35:15

Tasɩŋ deemba balɩdʋ jaŋ ŋaa tasɩ-la Iziral tɩŋŋaa arɩ nɩwogusu-la sɩ hɛ ba tʋɔŋ kala sɩ jaŋ fá mʋ aa yuori dɩ ba kʋŋ nɛ bɩ sɛnɛ aŋ kpʋ nʋʋ.

JOSUA 20:4

Dɩ ʋ nɛ fá a mʋ tasɩŋ deemba kʋŋ, ʋ maga dɩ ʋ chɩŋ taŋ-la boi-baalɩŋ lɛ nɛ, taŋ-la nɩhɩasɩŋ sɩpaaŋ aŋ bʋl wɩɩ-la kala sɩ ŋaa a pɩba. Ba nɛ jaŋ laaʋ, a pʋ leriŋ dɩ ʋ hɛ ba tʋɔŋ.

JOSUA 20:6

Ʋ maga dɩ ʋ hɛ taŋ-la lɛ nɛ deeŋ deeŋ a mʋ yi tapʋlɩɩ-la ba sɩ jaŋ kɛnʋ kaa lɩɩ nɩalɩŋ sɩ yie hilimi sɩpaaŋ dɩ ba diiu sarɩya. Dɩ ʋ nɛ bɩ wɩɩ cheye, ʋ jaŋ hɛ taŋ-la lɛ a kaa mʋ yi bʋa-la lɛ Wɩɩsʋllɩ sɩpaalaaraa kʋhɩaŋ sɩ jaŋ sʋʋ. Ʋ ŋɩɩ harɩŋ ʋ jaŋ wuo mɩɩra mʋ ʋ jaŋ, a jʋjʋʋ ʋ tɩtɩa dɩa, lee-la ʋ fa sɩ lɩɩ fá.”

JOSUA 20:8

Jɔdaŋ fuo-la wɩɩpɔsʋŋ dɩɩrɩŋ Jeriko wɩɩpɔsʋŋ ma, ba lɩɩsɛ Bɛza sɩ hɛ tintee-hɩlɩɩ-la sɩ pɩŋ Rubiŋ doho nɩaa tinteeŋ lɛ nɛ. Gad doho nɩaa tinteeŋ ma lɛ, ba lɩɩsɛ Ramɔf sɩ hɛ Gɩlɩad lɛ nɛ. Manasɛ doho nɩaa tinteeŋ ma lɛ, ba lɩɩsɛ Golaŋ sɩ hɛ Basaŋ tinteeŋ lɛ nɛ.