JOSUA 2:2 - WƖA TENIŊ

² Jeriko kuoro nɩɩ arɩ Iziral tɩŋŋaa dɔnsʋŋ nɛ kɔ ba tinteeŋ tɩtaŋɩŋ dɩ ba lʋara bee na wɩɩ-la ba sɩ kaa hɔŋ ba tinteeŋ lɛ.

JOSUA 2:2 ပူးပေါင်းရင်းမြစ်များ

WƖA YƖƖLAA 127:1

Dɩ La Tɩɩna nɛ bɩ nʋʋ lɛ pɛ dɩ ʋ saa dɩa, ka dɩ tɩɩna tɩtɩa saa dɩa-la ʋ doluŋ lɛ, tɩɩna lɔlʋŋ jaŋ ŋaa pɛɩ. Dɩ La TƖƖNA nɛ bɩ taŋ pɔ, nɩalɩŋ sɩ pɔ bibeŋ taŋ-la ka beŋ pɛɩ nɛ.

NAMAGABA 21:30

Ŋ cho ŋ kɛŋ wʋjɩmɩŋ koo ŋ jɩŋ wɩaa sɩaa koo a bɩbɩɩnɛ wɩaa woruŋ ɛɛ kala, ŋɩɩ bɩ jaŋ wuo leŋ dɩ ŋ chɩŋ La Tɩɩna sɩpaaŋ.

AZAAYA 43:13

Wʋtɩtɩɩ nɛ, a chɩŋ dɩ-suomuŋ kala mɩ nɛ Wɩa. Nʋʋkala bɩ jaŋ wuo fori mɩ nɩsɩŋ lɛ. Dɩ mɩ nɛ ŋaa wɩɩ, kʋbɛɛ nɛ jaŋ wuo kɛŋ wɩɩ-la bɩrɩmɛ?”

DANƖƐL 4:35

Dʋnɩa nɩaa kala bɩ kɩa ŋaa ʋ sɩpaaŋ. Ʋ nɛ kɛŋ doluŋ dɩ ʋ ŋaa wɩɩ-la kala ʋ sɩɩ chɛ Wɩa tɩndaaraa arɩ nuhuobiinee kala lɛ. Nʋʋkala bɩ jaŋ wuo pɔ dɩ ʋ sɩ́ wɩɩ ŋaa koo a pɩɛsʋ: Wʋbɛɛ nɛ ŋ ŋaa ŋ-la?

JOSUA 2:1

Ŋɩɩ nɛ Josua tɩŋ baalaa balɩa ba lɩɩ lee kʋbala baa yɩrɛ Sɩtɩm, dɩ ba mʋ lʋara beŋ Kɛnaŋ tinteeŋ a na ŋɩɩ ʋ sɩ naga, a wasa nyaŋ taŋ-la ba sɩɩ yɩrɛ Jeriko. Ŋɩɩ nɛ nɩalɩŋ mʋ, a jʋʋ chʋa hachɔrʋŋ kʋbala ba sɩɩ yɩrɛ Rahab dɩa lɛ.

JOSUA 2:3

Ŋɩɩ nɛ ʋ tɩŋ tɩndaarɩŋ pɩ Rahab a bʋl, “Kɛŋ baala-la sɩ hɛ ŋ dɩa lɛ kaa kʋ lɩɩ, bɛɛ wɩaa ba kɔ dɩ ba beŋ a na wɩɩ-la la sɩ kaa hɔŋ la tinteeŋ kala lɛ nɛ.”

SƖPAALAARAA 18:2

Ŋɩɩ nɛ Daŋ doho nɩalɩŋ tɩŋ laalɩyuori-babiibalaa banɔŋ ba lɩɩ tasɩ-la ba sɩɩ yɩrɛ Zora arɩ Ɛsɩtɔl a mʋ dɩ ba lʋara beŋ tintee kʋbala a na lee-la ba sɩ jaŋ hɔŋ. Nɩaa deemba banɔŋ, nʋʋkala chɩŋ ʋ nyɩŋ-nɩaa nyuŋ nɛ. Ba bʋla pɩba, “Má mʋ a lʋara beŋ tintee-la a na.” Nɩalɩŋ lɩɩ mʋ Efirem tintee-la peelee sɩ yʋga, a mʋ jʋʋ Mɩka dɩa dɩ ba chʋa nɩmɛ.