JOSUA 2:18 - WƖA TENIŊ

¹⁸ Wɩɩ-la sɩ maga dɩ ŋ ŋaa nɛ: Dɩ la nɛ kʋ jʋʋ tinteeŋ deeŋ, joŋ ŋmɛŋ-fɩaŋ a vɔɔ tokoro-la lɛ ŋ sɩ jaŋ leŋ dɩ la to a lɩɩ. Leŋ dɩ ŋ nyɩmma arɩ ŋ naaŋ arɩ ŋ naambiiriŋ arɩ ŋ dɩa nɩaa kala hɛ ŋ dɩa tʋɔŋ.

JOSUA 2:18 ပူးပေါင်းရင်းမြစ်များ

WƖAA DƖ-SUOMUŊ 12:2

Mɩ jaŋ leŋ dɩ ŋ doho nɩaa pʋŋ, a ŋaa tintee-bal. Mɩ jaŋ pɛ ŋ lɛ, a leŋ dɩ ŋ yɩrɩŋ yɩrɛ, a to ŋ lɛ a pɛ nɩaa lɛ.

WƖAA DƖ-SUOMUŊ 7:1

Ŋɩɩ nɛ La TƖƖNA bʋla pɩ Nowa, “Ŋ dɩ ŋ dɩa nɩaa kala jʋʋ lɩɩŋ daboro-la, bɛɛ wɩaa ma lɛɛlɛ nɩaa kala tʋɔŋ ŋ dʋndʋŋa nɛ mɩ na dɩ ŋ ŋaa tʋɔpʋl tɩɩna.

ƐSƖTA 8:6

Mɩ sɛnɛ jaŋ wuo bibeŋ ŋ-la ka dɩ ba kpʋ mɩ naambiiriŋ kala? Mɩ jaŋ wuo ŋaa ŋɩɩ.”

MOSIS KƐŊ IZIRAL TƖŊŊAA LƖƖ 12:13

Chal-la ma sɩ ŋaa taa ma dɩɩsɩŋ jaŋ ŋaa magɩl, dɩ mɩ nɛ kʋ naʋ, mɩ jaŋ kiele bal, wʋbɔŋ kala bɩ jaŋ ŋaa ma lɛ dɩ mɩ nɛ kɔ dɩ mɩ yuo Ijipiti tɩŋŋaa.

SOLOMOŊ YƖƖL-SƖMƖŊ 4:3

Ŋ niipinee nagɛ ŋmɛŋ-fɩaŋ nɛ, Ŋ niiŋ zɔmɔ. Ŋ chaŋkpaŋŋaa nagɛ kampoi nɛnɩŋ ba sɩ kaa kpaa balɩa nɛ a hɛ ŋ nyu-kpal duduoŋ-la tʋɔŋ.

LEVI DOHO NƖAA 14:4

Wɩɩsʋllɩ sɩpaalaara maga dɩ ʋ leŋ dɩ nɩɩ-la sɩ duoro kɛŋ kɩŋkɛnsɩŋ tɩŋŋaa balɩa sɩ bɩ disiniŋ kɛnɛ a pɛ kuolu daaŋ lɛ arɩ gɛrɩpɛ-fɩaŋ a chɔl kaku-dɩgɩlɩŋ pɛ.

NAMBABA 19:6

Wɩɩsʋllɩ sɩpaalaara jaŋ joŋ kuolu daaŋ arɩ kaku-dɩgɩlɩŋ arɩ ŋmɛŋ-fɩaŋ a yuo hɛ nyiŋ-la lɛ ba sɩ nyɩgɛ nɛ-paha-la.

NAMBABA 4:8

Ba jaŋ joŋ gɛrɩpɛ-fɩaŋ a tɔ kɩalɩŋ, a joŋ lɩɩ-nɛsɩŋ tenniŋ a tɔ daŋ, a joŋ daaterigeba-la ba sɩ kaa jujoŋ teebʋl-la a tʋʋ ba dɩ-tʋʋlaa.

Luuk 19:9

Ŋɩɩ nɛ Yesu bʋla pʋ, “Wɩa laa ŋ dɩ ŋ dɩa nɩaa kala ta nɛ jɩnɩŋ. Baala deeŋ ma ŋaa Abɩraham doho nʋʋ nɛ,

Tɩntɩŋŋaa 10:27

Pɩɩta arɩ Kɔnɩɩlɩas fa haa bʋl wɩaa nɛ aŋ to dɔŋɔ jʋjʋʋ dɩa. Pɩɩta jʋʋ na dɩ nɩaa yʋga a hilimi nɩmɛ.

Tɩntɩŋŋaa 10:33

Kɔnɩɩlɩas bɩra bʋl, “Ŋɩɩ nɛ tɩɩ mɩ guu tɩŋ nɩaa, ba kɔ ŋ teeŋ dɩ ba yɩrɩŋ. Ŋ ma hɛ doluŋ ŋ sɩ kɔ ŋ-la. Lɛɛlɛ la kala hilime nɛ Wɩa sɩpaaŋ, a gbɩgbɛrɛ dɩ la nɩɩ wɩɩ-la La Tɩɩna sɩ dagɩŋ dɩ ŋ bʋla pɩla.”

Tɩntɩŋŋaa 11:14

Ʋ jaŋ bʋl wɩaa pɩma a dagɛma wɩalɩŋ sɩ jaŋ laa ŋ dɩ ŋ dɩa nɩaa kala ta.’

2 Timoti 1:16

Ama baal-la ba sɩɩ yɩrɛ Ɔnɩɩsɩfɔrɔs, ʋ nɛ pɛ mɩ lɛ woruŋ a ŋaa mɩ nyuŋ faasa nyaasɛ. Ba sɩ kɛmmɛ kaa tɔ dɩa ŋɩɩ, hɩɩsɩŋ fa bɩ ʋ kɛnɛ a tɩŋ mɩ wɩaa. La Tɩɩna Wɩa jaŋ fá ʋ dɩ ʋ dɩa nɩaa nenige.

Hiburu TƖŊŊAA 9:19

Mosis sɩ ŋmʋnsɛ wɩalɩŋ bil dɩ nɩaa tuto, dɩ ʋ nɛ kʋ dagɛba wɩalɩŋ a kʋ dɛrɛ-na kala, ʋ yie kpʋ nɛ-pasɩŋ arɩ bʋʋnaa nɛ, a laa chalɩŋ a ŋaa lɩɩŋ guoli. Ʋ yie chɛ pie-pʋŋ-fɩɛsɩŋ arɩ kaku-dɩgɩlɩŋ a vɔɔ a hɛ dɔŋɔ lɛ, a kaa yuu chal-la, a mɩsɛ hɛ teŋ-la lɛ ʋ sɩ ŋmʋnsa, aŋ pɛ ŋaa mɩsɛ nɩalɩŋ ma.

JOSUA 2:21

Haal-la bʋl, “Mɩ sɛyɛ nɛ, mɩ jaŋ ŋaa ŋɩɩ ma sɩ bʋla.” Ʋ taba ba viiri, ka ʋ joŋ ŋmɛŋ-fɩaŋ a vɔɔ tokoro-la lɛ.

JOSUA 6:23

Ŋɩɩ nɛ bapʋɔsɩa-la sɩ mʋ lʋara beŋ tintee-la jʋʋ, a kɛŋ Rahab arɩ ʋ nyɩmma arɩ ʋ naaŋ, ʋ naambiiriŋ arɩ nʋʋ na-kala sɩ ŋaa ʋ nʋʋ kʋ lɩɩ. Ba kɛŋ ʋ dɩ ʋ nɩaa kala kʋ lɩɩ a leŋ ba hɔnɔ kpagɛ Iziral tɩŋŋaa dɩhɔnʋŋ.

JOSUA 6:25

Josua fa bɩ Rahab arɩ ʋ dɩa nɩaa arɩ nʋʋ na-kala sɩ ŋaa ʋ nʋʋ-na kpʋa, bɛɛ wɩaa Rahab nɛ fa kɛŋ baala-la balɩa Josua sɩ tɩma ba mʋ lʋara beŋ Jeriko tintee-la a faa. Ʋ doho nɩaa ha hɛ Iziral tɩŋŋaa tʋɔŋ arɩ jɩnɩŋ kala.