JOSUA 2:11 - WƖA TENIŊ

¹¹ La sɩ nɩɩ wɩalɩŋ fawʋllʋŋ jʋʋla nɛ, nʋʋkala nandaasɩŋ yʋɔrɛ a tɩŋ ma wɩaa. Ma TƖƖNA Wɩa nɛ tɩɩ tinteeŋ arɩ wɩa-nyuŋ kala.

JOSUA 2:11 ပူးပေါင်းရင်းမြစ်များ

1 KUOROO 8:60

Ŋɩɩ nɛ jaŋ leŋ dɩ tinteeŋ nɩaa kala jɩŋ arɩ La TƖƖNA Wɩa dʋndʋŋa nɛ Wɩa, kʋŋ dɔŋ kala bɩra tuo a pɛ ʋ lɛ.

2 KUOROO 5:15

Ŋɩɩ nɛ Naamaŋ arɩ ʋ tɩntɩnnaa kala mɩɩra mʋ Wɩa wʋlaabʋllʋ-la teeŋ. Naamaŋ mʋ chɩŋ ʋ sɩpaaŋ aŋ bʋl, “Lɛɛlɛ mɩ jɩma arɩ Wɩa tuo dʋnɩa sɛmɛ na-kala see Iziral lɛ. Mɩɩ sʋlʋŋ, laa zile kɩaa deemba ŋ tɩntɩnna teeŋ.”

NƐHƖMAAYA 6:16

La dʋndɔŋŋɔɔ sɩ hɛ tinteye-la kala sɩ gollila lɛ a nɩɩ wɩɩŋ deeŋ, fawʋllʋŋ kɛmba ba yɩɛlaa kala lɛl, bɛɛ wɩaa ba jɩma arɩ la Wɩa nɛ pɛ la lɛ la tɩŋ tɩntɩmɩŋ deeŋ.

ƐSƖTA 8:17

Tintee-na kala arɩ taŋ na-kala lɛ tɩndaara-la sɩ kɛŋ nii-la kuoro sɩ bile teniŋ a mʋ karɩma pɩba, Juu tɩmma-la sɩ hɛ nɩmɛ tʋɔŋ yie tɔrɛ nɛ, tapʋlɩɩ-la ŋaa tapʋl-zɔŋ ba gbigbieli. Nɩwogusuŋ dɔnsʋŋ yʋgɛ a joŋ ba tɩtɩa arɩ ba ma ŋaa Juu tɩmma, bɛɛ wɩaa fawʋllʋŋ kɛmba nɛ a tɩŋ Juu tɩmma-la wɩaa.

WƖA YƖƖLAA 102:15

Tinteyee nɩaa jaŋ fá La Tɩɩna, dʋnɩa kuoroo kala jaŋ zilu a tɩŋ ʋ tʋla wɩaa.

WƖA YƖƖLAA 22:14

Mɩ doluŋ kala nɛ dɛrɛ aŋ ka mʋa a nagɛ lɩɩ-suosoo. Mɩ haŋgbel-susugusuŋ kala lɩɩ, mɩ tʋɔbɩɩnaa kala lɛl a nagɛ keliŋ sɩ ŋmɩɛra.

WƖA YƖƖLAA 58:7

Leŋ dɩ ba nyɩɩgɛ a nagɛ lɩɩŋ sɩ pɛllɛ viiri. Dɩ ba nɛ lɛrɛ toŋ hɛ, leŋ dɩ ba hɛŋŋɛɛ niiŋ gbil.

WƖA YƖƖLAA 83:18

Leŋ dɩ ba jɩŋ arɩ ŋ dʋndʋŋa nɛ La Tɩɩna Wɩa sɩ kɩɩ kʋŋkala a hɛ nɩmɛ a bibeŋ dʋnɩa kala.

MOSIS KƐŊ IZIRAL TƖŊŊAA LƖƖ 15:14

Dɩ tinteyee dɔnsʋŋ nɩaa nɛ nɩɩ wɩɩŋ deeŋ, fawʋllʋŋ jaŋ jʋʋba dɩ ba chichel. Fawʋllʋŋ jaŋ jʋʋ Fɩlɩsɩtɩa tɩŋŋaa ma woruŋ.

MOSIS KƐŊ IZIRAL TƖŊŊAA LƖƖ 15:15

Fawʋllʋŋ jaŋ kɛŋ Ɛdɔm tinteeŋ kuoroo, dɩ Mʋab tinteeŋ babiibalaa ma chichel, dɩ Kɛnaŋ tinteeŋ nɩaa nandaasɩŋ kala yʋɔrɛ.

AZAAYA 13:7

A tɩŋ wɩɩŋ deeŋ wɩaa, nɩaa nɩsaa jaŋ sʋʋ, nʋʋkala nandaasɩŋ jaŋ yʋɔrɛ.

AZAAYA 19:1

Wɩɩ-la Wɩa sɩ bʋla pɩmɛ a mʋ tɩgɛ Ijipiti lɛ nɛ ŋ-la: La TƖƖNA to duoŋ-bɩlɩmbaanɩŋ lɛ nɛ a faasa fá kʋkɔ Ijipiti lɛ. Ijipiti tɩŋŋaa tɔŋŋɔɔ kala ka chel nɛ ʋ sɩpaaŋ, ʋ nɩaa ma kala nandaasɩŋ yʋɔrɛ.

ƐZƖKƖƐL 21:15

dɩ ŋɩɩ leŋ dɩ ba nandaasɩŋ yʋɔrɛ, dɩ nɩaa sʋʋ yʋgɛ. Mɩ leŋe ba kɛŋ tokobiiŋ chɩŋ ba boi-baalaa lɛ nɛ dɩ ba kpʋ nɩaa. Ʋʋ tʋl nɛ a nagɛ duonuŋ sɩɩ lɩgɩsʋ, ba koru nɛ dɩ ba kaa kpʋ nɩaa.

NAHUM 2:10

Ba chei tabal-la kala nɛ ʋ pɩŋ hoi, kʋŋkala bɩra tuo ʋ lɛ. Fawʋllʋŋ kɛmba ba chichel, ba nandaasɩŋ kala yʋɔrɛ, ba sɩaa ma bibiri.

MOSIS BƖRA WULLI WƖA WOMBIIŊ 1:28

Ma sɩ, “Nɩɩ nɛ la jaŋ mʋ? La naambiiriŋ sɩ mʋ beŋ tintee-la joŋ fawʋllʋŋ hɛ la lɛ nɛ.” Ba sɩ, “Nɩalɩŋ sɩ hɛ tintee-la lɛ waa kɩɩla nɛ a dolie kɩɩla ma. Ba tasɩŋ jalɩa, ba saa kɛrɩsɩŋ sɩ jɩla yi wɩa-nyuŋ a golli. La na Anakɩ doho nɩaa nɩwaayiilee ma nɛ tintee-la lɛ.”

MOSIS BƖRA WULLI WƖA WOMBIIŊ 20:8

Laalɩyuori-hɩasɩ-la jaŋ bɩra pɩɛsɛ, “Ma kʋŋ hɛ nɩmɛ ʋ nandaasɩŋ yʋɔrɛ koo fawʋllʋŋ kɛnʋ? Ʋ tɩɩna mɩɩra mʋ dɩa, dɩ ŋɩɩ dee ʋ naambiiri-la ma nandaasɩŋ jaŋ yʋɔrɛ.”

MOSIS BƖRA WULLI WƖA WOMBIIŊ 4:39

Ma jɩŋ woruŋ jɩnɩŋ a sɩ́ yʋ, La TƖƖNA nɛ ŋaa wɩa-nyuŋ arɩ tinteeŋ kala Wɩa, wɩa dɔŋ bɩra tuo.

JOSUA 14:8

Ama mɩ dɩ mɩ naambiiri-la sɩ mʋa, ba mɩɩra kɔ a joŋ fawʋllʋŋ a hɛ nɩalɩŋ lɛ. Mɩ-na to mɩ Tɩɩna Wɩa arɩ mɩ tʋɔŋ kala nɛ.

JOSUA 2:24

Ba bʋla pɩ Josua, “La TƖƖNA chaasa joŋ tintee-la kala a hɛ la nɩsɩŋ lɛ nɛ. Fawʋllʋŋ chaasa jʋʋ nɩalɩŋ sɩ hɛ tintee-la lɛ nɛ a tɩŋ la wɩaa.”

JOSUA 5:1

Amɔrɩ tɩŋŋaa kuorie-la sɩ hɛ Jɔdaŋ fuo-la wɩɩjʋʋlʋŋ arɩ Kɛnaŋ tɩŋŋaa kuorie-la sɩ hɛ Mediterenia mʋgʋ-balɩŋ niiŋ fa sɩ nɩa dɩ La TƖƖNA ŋaa Jɔdaŋ fuoŋ hʋ nɛ ka Iziral tɩŋŋaa chol, fawʋllʋŋ chaasa jʋʋba woruŋ. A tɩŋ Iziral tɩmma-la wɩaa ba nandaasɩŋ yʋɔrɛ arɩ ba sɩ jaŋ cheme yuoba.

JOSUA 7:5

ka ba kpʋ Iziral tɩŋŋaa nɩaa mara arɩ fɩɩ arɩ balɩdʋ. Aɩ tɩmma-la chɩŋ ba taŋ boi-baalɩŋ lɛ nɛ aŋ kiriba ŋɩɩ deeŋ deeŋ a jɩl lee-la ba sɩɩ yɛrɛ tabɩaa, a kpʋ dɔnsʋŋ ba sɩ lɩɩ dundollu-la nyuŋ kʋ tutuu. Ŋɩɩ nɛ fawʋllʋŋ jʋʋ Iziral tɩmma-la ba kala kpaŋ.

JOSUA 9:24

Ŋɩɩ nɛ ba bʋla pɩ Josua, “La ŋaa ŋɩɩ, bɛɛ wɩaa la nɩɩ ŋɩɩ ma TƖƖNA Wɩa sɩ bʋla pɩ ʋ tɩntɩnna Mosis arɩ ʋ jaŋ joŋ tintee-la kala a pɩma, aŋ kpʋ nɩalɩŋ kala sɩ hɛ tintee-la lɛ nɛ. Fawʋllʋŋ fa kɛnla nɛ, ŋɩɩ nɛ tɩɩ la tɩŋ la mɩɩsɩŋ wɩaa a ŋaa ŋɩɩ.

Jɔɔŋ Wʋnaalaa 6:16

Ŋɩɩ nɛ ba yɩyɩrɛ peele-la arɩ bʋsʋ-la a bʋl, “Má tele tɔla dɩ Pie-bie-la arɩ Nɩɩ-la sɩ hɔŋ kuoru kpasa-la nyuŋ sɩ́ la na, dɩ baaŋ-la Pie-bie-la sɩ na la nyuŋ sɩ́ la yi.