JOSUA 2:1 - WƖA TENIŊ

¹ Ŋɩɩ nɛ Josua tɩŋ baalaa balɩa ba lɩɩ lee kʋbala baa yɩrɛ Sɩtɩm, dɩ ba mʋ lʋara beŋ Kɛnaŋ tinteeŋ a na ŋɩɩ ʋ sɩ naga, a wasa nyaŋ taŋ-la ba sɩɩ yɩrɛ Jeriko. Ŋɩɩ nɛ nɩalɩŋ mʋ, a jʋʋ chʋa hachɔrʋŋ kʋbala ba sɩɩ yɩrɛ Rahab dɩa lɛ.

JOSUA 2:1 ပူးပေါင်းရင်းမြစ်များ

WƖAA DƖ-SUOMUŊ 42:16

Má leŋ dɩ ma dɔŋɔ mʋ kɛŋ ma ŋaana kɔ. Ba jaŋ kɛŋ ma kʋkaanaa tɔ dɩa, dɩ la na wɩalɩŋ ma sɩ bʋla ŋaa wʋtɩtɩɩ nɛ, dɩ ŋɩɩ dee, Ijipiti tinteeŋ kuoro sɩ hɛ ʋ mɩɩsɩŋ lɛ, ma ŋaa nɩalɩŋ sɩ kɔ dɩ ma na wɩɩ-la la sɩ kaa hɔŋ la tinteeŋ lɛ nɛ.”

WƖAA DƖ-SUOMUŊ 42:9

Ŋɩɩ nɛ Josɛf liise yi ʋ duoso-la lɛ ʋ sɩ duoso a tɩgɛ ʋ naambiiriŋ lɛ, ŋɩɩ nɛ ʋ bʋla pɩba, “Ma kɔ dɩ ma na wɩɩ-la la sɩ kaa hɔŋ nɛ, maa chɛ dɩ ma na la bʋbʋɔŋ nɛ.”

MƖKA 6:5

Mɩ nɩaa, má liise yi wɩɩ-la Mʋab kuoro ba sɩɩ yɩrɛ Balak fa sɩ bɩɩna dɩ ʋ ŋaa ma lɛ arɩ ŋɩɩ Balam nanʋala ba sɩɩ yɩrɛ Bioo ma fa sɩ bʋla pʋ. Má liise yi ma sɩ vɛnɛ lɩɩ Sɩtɩm a mʋ Gɩlɩgal a wuo jɩŋ tʋɔpʋl wɩalɩŋ mɩ-na ma TƖƖNA sɩ ŋaa.”

NAMBABA 13:1

Ŋɩɩ nɛ La TƖƖNA bʋla pɩ Mosis,

NAMBABA 13:2

“Iziral doho doho fii arɩ balɩa-la tʋɔŋ, lɩɩsɛ doho na-kala sɩpaalaarɩ-bala, a leŋ dɩ ba mʋ lʋara beŋ Kɛnaŋ tinteeŋ, lee-la mɩ sɩ jaŋ joŋo pɩma.”

NAMBABA 25:1

Bʋa-la lɛ Iziral tɩŋŋaa fa sɩ hɔŋ lee-la ba sɩɩ yɩrɛ Sɩtɩm, ba baala-la suomo chɩchɛ Mʋab tɩŋŋaa toloo a kɛmba pɩpɩŋ.

NAMBABA 33:49

Mʋab tintee-taalɩsɩ-la lɛ, ba hɔnɔ a kpagɛ Jɔdaŋ fuo-la nɛ a chɩŋ Bɛf Jɛsɩmɔf lɛ a kaa mʋ yi Abɛl Sɩtɩm.

Matiu 1:5

Salɩmɔŋ ma sii lʋl Bʋas. (Bʋas naaŋ yɩrɩŋ nɛ fa Rahab.) Bʋas ma sii lʋl Ɔbɛd. (Ɔbɛd ma naaŋ yɩrɩŋ nɛ fa Ruf.) Ɔbɛd ma sii lʋl Jesi.

Matiu 10:16

Ŋɩɩ nɛ Yesu bɩra bʋl, “Má jegile nɩɩ, ma nagɛ piesee nɛ, mɩɩ tɩmma dɩ ma mʋ guoli guŋgurusuŋ tʋɔŋ. Má saa kɛŋ wʋjɩmɩŋ a nagɛ dɩŋŋaa sɩ kɛŋ wʋjɩmɩŋ ŋɩɩ, aŋ leŋ dɩ ma sɩaa fɩɛlɛ a nagɛ kokosuŋ sɩaa sɩ fɩɛla ŋɩɩ.

Ɛfɛsɩs Nɩaa 5:5

Ʋ maga dɩ ma jɩŋ woruŋ, arɩ nɩalɩŋ sɩɩ ŋaa wʋlɩɩlɩŋ koo nɩalɩŋ sɩɩ ŋaa disiniŋ, arɩ nɩalɩŋ sɩ kɛŋ tʋɔ-luŋuŋ [tʋɔ-luŋuŋ nagɛ vʋɩ-kpaarɩŋ nɛ], nɩaa deemba kʋŋkala bɩ jaŋ dii kɩalɩŋ Wɩa sɩ ŋaa bil ʋ nɩaa lɛ, ʋ-na Wɩa arɩ Kirisito kuorii-la tʋɔŋ.

Hiburu TƖŊŊAA 11:31

Haal kʋbala ma nɛ fa hɔŋ Jeriko lɛ, ʋ yɩrɩŋ nɛ Rahab. Ʋ fa ŋaa hachɔrʋŋ nɛ. Ama ʋ laa Wɩa wɩaa dii nɛ. Ŋɩɩ nɛ ʋ laa nɩalɩŋ Iziral tɩŋŋaa sɩ tɩma dɩ ba kʋ lʋara bee na Jeriko tinteeŋ sɩ nagɛ ŋɩɩ. A tɩŋ ŋɩɩ wɩaa Iziral tɩŋŋaa sɩ kʋ yuo dii taŋ-la, ba bɩ haal-la kpʋa. Ama ba kpʋ ʋ jaŋ nɩalɩŋ kala sɩ bɩ Wɩa niiŋ ka to nɛ.

Jeems 2:25

Ŋ-la tɩtɩa nɛ ʋ fa nagɛ Rahab ma lɛ. Ʋ fa ŋaa hachɔrʋŋ nɛ. Iziral tɩŋŋaa tɩndaaraa sɩ kɔ ʋ teeŋ, ʋ kɛmba woruŋ. Ba sɩɩ chɛ dɩ ba lʋara lɩɩ fá viiri, ʋ dagɛba wombii-tanɩɩ nɛ ba to a fá lɛl ba dʋndɔŋŋɔɔ nɩsɩŋ lɛ. A tɩŋ ʋ sɩ ŋaa ŋɩɩ wɩaa, Wɩa leŋ ʋ wuo ŋaa tʋɔpʋl tɩɩna ʋ sɩpaaŋ.

JOSUA 1:18

Nɩɩ-la kala sɩ bɩŋ sɛyɛ aŋ ŋaa wɩɩ a chei wɩalɩŋ ŋ sɩ daga, la jaŋ kpʋ tɩɩna. Ŋ-na nyɩrɛ ŋ bɔyɛ a kɛŋ tʋɔ-doluŋ.”

JOSUA 2:2

Jeriko kuoro nɩɩ arɩ Iziral tɩŋŋaa dɔnsʋŋ nɛ kɔ ba tinteeŋ tɩtaŋɩŋ dɩ ba lʋara bee na wɩɩ-la ba sɩ kaa hɔŋ ba tinteeŋ lɛ.

JOSUA 21:31

Hɛlɩkaf arɩ Rehob nɛ. Ba ma ŋaa tasɩŋ banɛsɛ nɛ arɩ lere-la ba pʋsʋŋ sɩ jaŋ didii.

JOSUA 3:1

Taŋ sɩ pʋla chʋchʋɔ-fɩɛla, Josua arɩ Iziral tɩŋŋaa doho doho-la kala sii lee-la ba sɩɩ yɩrɛ Sɩtɩm a mʋ Jɔdaŋ fuoŋ, a hɔŋ a gbɩgbɛrɛ dɩ ba chol fuo-la.

JOSUA 5:10

Iziral tɩŋŋaa fa sɩ hɔŋ Gɩlɩgal lɛ, Jeriko tintee-taalɩsɩ-la lɛ, chɛnɛ tapʋlaa fɩɩ arɩ banɛsɛ chɛɛŋ dɩdaanɩŋ, ba gbieli dɩɩsɩŋ kiele bal gbiele-la.

SƖPAALAARAA 1:23

Ba sɩ tɩŋ nɩaa dɩ ba mʋ lʋara beŋ Bɛtɛl (Bɛtɛl yɩrɩŋ nɛ fa Lus),

SƖPAALAARAA 18:14

Ŋɩɩ nɛ nɩalɩŋ banɔŋ fa sɩ mʋ lʋara beŋ Las tintee-la bʋla pɩ ba naambiiri-la sɩ nyɩgɩla dɩ ba yuo laalɩŋ, “Dɩɩsɩŋ deemba dɔŋɔ lɛ, gɛrɩ-laala-daŋɩŋ hɛ nɩmɛ, arɩ tɔmʋŋ ba sɩ kɛŋ daaŋ saa a kɛŋ hɔpʋla taara tɔ a pɛ tɔŋŋɔɔ dɔnsʋŋ lɛ. Lɛɛlɛ ma jɩŋ ŋɩɩ ma sɩ jaŋ ŋaa.”

SƖPAALAARAA 18:17

Ka nɩalɩŋ banɔŋ fa sɩ mʋ lʋara beŋ tintee-la jʋʋ dɩa tʋɔŋ a joŋ tɔŋ-la ba sɩ saa a kɛŋ hɔpʋla taara tɔ, gɛrɩ-laala-daŋɩɩ-la, arɩ ba tɔŋŋɔɔ dɔnsʋŋ. Baa paa kɩalɩŋ, ka tɔŋ-kpaarʋ-la arɩ laalɩyuoro-la zɔɔ-balɩdʋ chɩŋ boi-baalɩŋ niiŋ.

SƖPAALAARAA 18:2

Ŋɩɩ nɛ Daŋ doho nɩalɩŋ tɩŋ laalɩyuori-babiibalaa banɔŋ ba lɩɩ tasɩ-la ba sɩɩ yɩrɛ Zora arɩ Ɛsɩtɔl a mʋ dɩ ba lʋara beŋ tintee kʋbala a na lee-la ba sɩ jaŋ hɔŋ. Nɩaa deemba banɔŋ, nʋʋkala chɩŋ ʋ nyɩŋ-nɩaa nyuŋ nɛ. Ba bʋla pɩba, “Má mʋ a lʋara beŋ tintee-la a na.” Nɩalɩŋ lɩɩ mʋ Efirem tintee-la peelee sɩ yʋga, a mʋ jʋʋ Mɩka dɩa dɩ ba chʋa nɩmɛ.