JOSUA 19:28 - WƖA TENIŊ

²⁸ Bʋa-la bɩra to Abɩdɔŋ, Rehob, Hamɔŋ arɩ Kana, a joŋ ŋɩɩ deeŋ deeŋ a mʋ yi Sɩdɔŋ balɩŋ.

JOSUA 19:28 ပူးပေါင်းရင်းမြစ်များ

WƖAA DƖ-SUOMUŊ 10:19

Kɛnaŋ doho nɩaa tinteeŋ niiŋ nɛ: a chɩŋ Sɩdɔŋ lɛ a kaa mʋ Gɛra, a mʋ yi Gaza a to Sodom arɩ Gomora, Adɩma arɩ Zeboyim a kaa mʋ yi Lasa.

2 SAMƲƐL 24:6

Ba bɩra joŋ ŋɩɩ nɛ a mʋ Gɩlɩad arɩ Tatɩm Hosi tinteeŋ, a mʋ Daŋ Jaaŋ a joŋ ŋɩɩ gollo to Sɩdɔŋ.

2 SAMƲƐL 24:7

Ba lɩɩ nɩmɛ a mʋ Taaya, taŋ-la ba sɩ saa kɛrɛ a golli, a joŋo mʋ Hivi tɩŋŋaa arɩ Kɛnaŋ tɩŋŋaa tasɩŋ kala. Dɩdɛrɩŋ ba mʋ Bɛɛsɩba sɩ hɛ Juda tintee-hɩlɩŋ wɩɩpɔsʋŋ nadiiŋ dɩɩrɩŋ.

AZAAYA 23:12

Ʋ sɩ, “Má Sɩdɔŋ tɩmma, ma tʋɔtɔrʋ-la kala ma fa sɩ kɛnɛ dɛrɛ nɛ lɛɛlɛ, ka ŋ nɩaa nɩna hɛɛŋ. Dɩ ma nɛ paala sii fá mʋ Saapʋrɔs ma, ma ha bɩ jaŋ na wiese.”

AZAAYA 23:2

Ma Sɩdɔŋ bayalaa sɩ hɛ mʋgʋ-balɩŋ niiŋ, má kɛŋ goŋ, lɩɩŋ dabori jʋʋraa leŋe ma dʋa nɛ.

AZAAYA 23:4

Ou, Sɩdɔŋ nɩaa, hɩɩsɩŋ diima nɛ, ma nɩalɩŋ kala sɩ joŋ mʋgʋ-balɩŋ ʋ ŋaa ma dɩ-duoŋ, mʋga-la vɩama nɛ lɛɛlɛ aŋ bʋl, “Mɩ ha bɩ ha-lʋllɛ luoruŋ wɩɩ na, mɩ bɩ bii lʋla aŋ ka, mɩ ha bɩ hambolibie koo hantolibie ma dɩɛsa.”

ƐZƖKƖƐL 28:21

“Nuhuobiiŋ, joŋ ŋ sɩaa chaasɛ Sɩdɔŋ a bʋl wɩalɩŋ sɩ jaŋ ŋaa ʋ lɛ

Jɔɔŋ 2:1

Tapʋlaa balɩa sɩ bala, baa chɛ dɩ ba gbieli hajaarɩ gbiele taŋ kʋbala lɛ baa yɩrɛ Kena, a hɛ Galilii tinteeŋ lɛ. Yesu naaŋ ma fa hɛ nɩmɛ.

Jɔɔŋ 2:11

Yesu sɩ ŋaa lɩɩŋ bɩrɩmɛ sɩnɩŋ Kena lɛ Galilii tinteeŋ nɛ ŋaa ʋ wʋmagɩl bumbuŋ ʋ sɩ ŋaa. Nɩmɛ nɛ ʋ dagɛ ŋɩɩ Wɩa doluŋ sɩ hɛ ʋ lɛ. Ʋ harɩ-tooroo sɩ na ŋɩɩ, ba laa ʋ wɩaa dii.

Jɔɔŋ 4:46

Yesu bɩra mɩɩra mʋ lee-la ba sɩɩ yɩrɛ Kena a hɛ Galilii tinteeŋ lɛ, lee-la ʋ fa sɩ kɛŋ lɩɩŋ bɩrɩmɛ sɩnɩŋ. Dɩ tɩntɩnnɩ-hɩaŋ kʋbala fa hɛ taŋ kʋbala lɛ baa yɩrɛ Kapɛnam, ʋ bie fa wʋwɩɩlɛ.

Tɩntɩŋŋaa 27:3

Taŋ ka pʋl dɩ la mʋ yi taŋ kʋbala baa yɩrɛ Sɩdɔŋ. Julias fa kɛŋ zile Pɔɔl teeŋ a pʋ wombiiŋ dɩ ʋ mʋ na ʋ nandɔnsʋŋ, dɩ ʋ nɩɩ chɛ kʋŋ ma, dɩ ba pɛ ʋ lɛ.

JOSUA 11:8

La TƖƖNA fa jomba a hɛ Iziral tɩŋŋaa laalɩyuoroo nɩsɩŋ lɛ. Ba kire kpʋba ŋɩɩ a mʋ yi tabal-la ba sɩɩ yɩrɛ Sɩdɔŋ, a joŋo mʋ Mɩsɩrɛfɔf Meem, a to ŋɩɩ mʋ Mɩzɩpa fuonaa-la sɩ hɛ wɩɩpɔsʋŋ, a kpʋ ba kala, nɩbala ma bɩ ka.

JOSUA 21:31

Hɛlɩkaf arɩ Rehob nɛ. Ba ma ŋaa tasɩŋ banɛsɛ nɛ arɩ lere-la ba pʋsʋŋ sɩ jaŋ didii.

SƖPAALAARAA 1:31

Asa doho nɩaa ma bɩ Kɛnaŋ tɩŋŋaa sɩ hɛ tasɩŋ deemba lɛ kire: Ako, Sɩdɔŋ, Alab, Akɩzɩb, Heliba, Afɛk arɩ Rehob.

SƖPAALAARAA 18:28

Nʋʋkala fa tuo dɩ ʋ laaba ta, bɛɛ wɩaa ba dɩ Sɩdɔŋ tɩŋŋaa fa bɩ dɔŋɔ kpaga, ka ba dɩ nɩa ma kala bɩ dɔŋɔ jɩŋ. Taŋ-la fa hɛ fuonaaŋ tʋɔŋ nɛ a kpagɛ lee-la ba sɩɩ yɩrɛ Bɛf Rehob. Daŋ doho nɩalɩŋ mɩɩra wasa saa taŋ-la a hɔŋ nɩmɛ.