JOSUA 18:6 - WƖA TENIŊ

⁶ Dɩ ma nɛ mʋ a beŋ tintee-la a ŋmʋnsɛ ŋɩɩ ma sɩ jaŋ kɛnʋ a kpaa leree balɩpɛ-la a kʋ bʋla pɩmɛ, mɩ jaŋ tɔnsɔ pɩma La TƖƖNA Wɩa sɩpaaŋ.

JOSUA 18:6 ပူးပေါင်းရင်းမြစ်များ

WƖA YƖƖLAA 105:11

Ʋ sɩ, “Mɩ jaŋ joŋ Kɛnaŋ tinteeŋ pɩŋ dɩ ʋ ŋaa ŋ kʋŋ.”

NAMAGABA 16:33

Nɩaa yie tɔnsɛ a chɩchɛ dɩ ba na wɩɩ-la ba sɩ jaŋ ŋaa nɛ, ama La Tɩɩna nɛ jaŋ dagɛ wɩɩ-la sɩ jaŋ ŋaa.

NAMAGABA 18:18

Dɩ nɩduoruŋ balɩa nɛ kɛŋ kaalɛrɛ, tɔnsʋŋ nɛ jaŋ wuo pɔrɛ wɩɩ-la pɩba.

NAMBABA 33:54

Ma jaŋ tɔnsɛ a kɛŋ tintee-la kpaa doho doho. Nɩalɩŋ sɩ yʋga, ba leriŋ jaŋ yʋgɛ, doho-la nɩaa sɩ muuro, ba leriŋ ma jaŋ muuri. Lee na-kala ba sɩ tɔnsɔ a joŋo pɩ doho na-kala, ba kʋa nɛ ŋɩɩ.

NAMBABA 34:13

Ŋɩɩ nɛ Mosis bʋla pɩ Iziral tɩŋŋaa, “Tintee-la ma sɩ jaŋ tɔnsɛ a kaa kpaa nɛ ŋɩɩ. Ʋ nɛ La TƖƖNA sɩ dɩ ma kaa kpaa Iziral tɩŋŋaa doho doho nibi arɩ kpaa magɛ dɔŋɔ ŋɩɩ,

Tɩntɩŋŋaa 13:19

Ʋ leŋe ba yuo dii tinteyee balɩpɛ nɛ Kɛnaŋ tinteeŋ lɛ a laa tintee-la tɩɩ.

JOSUA 14:2

La TƖƖNA fa bʋla pɩ Mosis dɩ ba tɔnsɛ nɛ a kɛŋ Jɔdaŋ fuo-la wɩɩjʋʋlʋŋ dɩɩrɩŋ tintee-la a kpaa pɩ Iziral doho doho nibi arɩ kpaa magɛ dɔŋɔ-la.

JOSUA 18:10

Ŋɩɩ nɛ Josua tɔnsɛ Sɩlɔ lɛ a pɩba La TƖƖNA sɩpaaŋ, a kɛŋ tintee-la a kpaa pɩ Iziral tɩmma-la doho doho.

JOSUA 18:7

Levi doho nɩaa-na bɩ kpaal kala kɛnɛ ma tʋɔŋ. Ba nɛ sɩ ŋaa Wɩɩsʋllɩ sɩpaalaaraa a tɩma pɩpɩ La TƖƖNA Wɩa ŋɩɩ, ba kpaalɩŋ nɛ ŋɩɩ. Gad arɩ Rubiŋ doho nɩaa arɩ Manasɛ doho nɩaa kpaa magɛ dɔŋɔ-la-na laa ba kpaalɩŋ nɛ Jɔdaŋ fuo-la cholo wɩɩpɔsʋŋ dɩɩrɩŋ, ʋ ŋaa ba kʋŋ. La TƖƖNA tɩntɩnna Mosis nɛ fa joŋo pɩba.”

JOSUA 18:8

Baala-la sɩ lɩa dɩ ba mʋ a beŋ tintee-la a na ŋɩɩ ba sɩ jaŋ kpaa, ŋɩɩ nɛ Josua bʋl ŋ-la a pɩba, “Má mʋ a beŋ tintee-la a ŋmʋnsɛ ŋɩɩ ʋ sɩ naga a kaa mɩɩra kɔ mɩ teeŋ. Mɩ jaŋ tɔnsɛ daha Sɩlɔ lɛ a pɩma La TƖƖNA sɩpaaŋ.”