JOSUA 18:28 - WƖA TENIŊ

²⁸ Zɛla, Haɩlɛf, arɩ Jebus tɩŋŋaa taŋ-la (ʋ nɛ ha Jerusalɛm), Gɩbɩa arɩ Kɩrɩaf. Tabalaa ŋaa fii arɩ banɛsɛ nɛ arɩ ba tabiisiŋ. Bɛnjamɩŋ doho nɩaa nyɩŋ-nɩa nyɩŋ-nɩa sɩ laa tintee-la ʋ ŋaa ba kʋŋ nɛ ŋɩɩ.

JOSUA 18:28 ပူးပေါင်းရင်းမြစ်များ

2 SAMƲƐL 21:14

Ba joŋ Sɔɔl arɩ ʋ nanʋala Jonataŋ haŋgbelee hugi Sɔɔl nyɩmma Kɩs bʋa lɛ, taŋ-la ba sɩɩ yɩrɛ Zɛla lɛ, Bɛnjamɩŋ tinteeŋ, aŋ ŋaa wɩalɩŋ kala kuoro sɩ sɩ ba ŋaa. Ʋ ŋɩɩ harɩŋ nɛ, Wɩa laa ba sʋla a pɛ ba tinteeŋ lɛ.

2 SAMƲƐL 23:29

Baana nanʋala Hɛlɛd, a ŋaa Netofa tɩɩna, Rɩbaɩ nanʋala Ɩtaɩ sɩ lɩɩ Gɩbɩa sɩ hɛ Bɛnjamɩŋ tinteeŋ lɛ,

2 SAMƲƐL 5:6

Bʋa kʋbala lɛ kuoro Devit arɩ ʋ nɩaa sii a mʋ Jerusalɛm dɩ ba yuo Jebus tɩmma-la sɩ hɔŋ nɩmɛ. Jebus tɩmma-la bʋla pʋ, “Ŋ bɩ jaŋ wuo jʋʋ daha. Dɩ la nɛ paala gbɛrɩgɛ koo a nyʋlɩmɛ ma, la bɩ jaŋ leŋ dɩ ŋ yuo dii la tabalɩŋ.” Ba bɩɩna Devit bɩ jaŋ wuo yuo diiba.

2 SAMƲƐL 5:8

Tapʋlɩɩ-la nɛ Devit bʋl, “Nɩɩ-la kala sɩ cho dɩ ʋ yuo dii Jebus tɩmma-la, tɩɩna maga dɩ ʋ joŋ lɩɩ-libe-la a mʋ yuo Devit dʋndɔmɔ-la sɩ nagɛ gbɛrɩgɛɛ arɩ nyʋlɩmaa.” Ŋɩɩ nɛ tɩɩ ba yie bʋl, “Nyʋlɩmaa arɩ gbɛrɩgɛɛ bɩ maga dɩ ba jʋʋ Wɩa dɩa-la sɩ hɛ Jerusalɛm lɛ.”

1 IZIRAL TƖŊŊAA NAABARƖŊ 8:28

Nɩaa deemba kala ŋaa dɩa dɩa nɩhɩasɩŋ nɛ ba doho nɩaa tʋɔŋ, aŋ pɛ ŋaa nɩbalaa, ba sɩ ŋmʋnsa bil. Ba fa hɔŋ Jerusalɛm lɛ nɛ.

AZAAYA 10:29

Ba chol fuonaa-bie nɛ aŋ bʋl, “La jaŋ chʋa Geba lɛ. Fawʋllʋŋ kɛŋ taŋ-la ba sɩɩ yɩrɛ Rama nɩaa nɛ. Nɩalɩŋ sɩ hɛ kuoro Sɔɔl taŋ-la ba sɩɩ yɩrɛ Geba lɛ fá viiri nɛ.”

JƐRƖMAAYA 6:1

“Bɛnjamɩŋ doho nɩaa, má fá a laa ma tɩtɩa. Má fá lɩɩ Jerusalɛm lɛ. Má ŋmʋʋ banyile taŋ-la ba sɩɩ yɩrɛ Tɛkʋa lɛ! Má hɛ nyiniŋ dɩ ʋ ŋaa magɩl lee-la ba sɩɩ yɩrɛ Bɛf Hakerem lɛ, bɛɛ wɩaa wʋlɔrʋŋ nɛ lɩɩ wɩɩpɔsʋŋ nagʋa dɩɩrɩŋ a kʋkɔ. Ʋ ŋaa wɩɩ sɩ chaasa lɔrɛ nɛ.

HOSIA 10:9

La TƖƖNA sɩ, “Iziral tɩmma, bʋa-la ma sɩ hɛ Gɩbɩa lɛ, ma ŋaa wʋbɔŋŋɔɔ nɛ, aŋ ha ŋɩŋaa wʋbɔŋŋɔɔ. Laalɩŋ fa bɩ kʋ kpʋ wʋbɔŋ ŋaaraa Gɩbɩa lɛɛ?

NAMBABA 26:38

Bɛnjamɩŋ doho nɩaa gentisiŋ nɛ ŋ-la: Bɛla, ʋ nɛ kʋ ŋaa Bɛla tɩŋŋaa gentine. Asɩbɛl, ʋ nɛ kʋ ŋaa Asɩbɛl tɩŋŋaa gentine. Ahɩram, ʋ nɛ kʋ ŋaa Ahɩram tɩŋŋaa gentine.

NAMBABA 26:54

Doho-la sɩ yʋga, leŋ dɩ ba kpaalɩŋ yʋgɛ. Doho-la sɩ muuro, leŋ dɩ ba kʋa muuri. Doho kala maga dɩ ʋ laa magɛ ʋ nɩaa sɩ magɛ ŋɩɩ nɛ.

NAMBABA 33:54

Ma jaŋ tɔnsɛ a kɛŋ tintee-la kpaa doho doho. Nɩalɩŋ sɩ yʋga, ba leriŋ jaŋ yʋgɛ, doho-la nɩaa sɩ muuro, ba leriŋ ma jaŋ muuri. Lee na-kala ba sɩ tɔnsɔ a joŋo pɩ doho na-kala, ba kʋa nɛ ŋɩɩ.

JOSUA 15:63

Juda doho nɩaa bɩ wuo kiri Jebus tɩmma-la sɩ hɔŋ Jerusalɛm lɛ. A kaa kɔ arɩ jɩnɩŋ kala Jebus tɩmma-la ha hɛ Juda nɩaa tʋɔŋ.

JOSUA 15:8

Tintee-la bʋa nɛ ha jɩla to Bɛŋ Hɩnɔm fuonaaŋ a joŋ ŋɩɩ a mʋ to Jebus tɩŋŋaa tabal-la (ʋ nɛ ha baa yɩrɛ Jerusalɛm) a joŋ ŋɩɩ a mʋ jɩl dundolo nyuŋ sɩ hɛ Hɩnɔm fuonaa-la wɩɩjʋʋlʋŋ dɩɩrɩŋ, a bɩra hɛ Refem fuonaaŋ wɩɩpɔsʋŋ nagʋa dɩdɛrɩŋ.

JOSUA 18:16

Bʋa-la bɩra joŋ ŋɩɩ nɛ a tuu peel taala-la, a tʋʋlɛ Bɛŋ Hɩnɔm fuonaa-la a to Rafaɩ tɩŋŋaa fuonaaŋ wɩɩpɔsʋŋ nagʋa dɩɩrɩŋ. Ʋ nɛ ha to ŋɩɩ a tuu Hɩnɔm fuonaa-la, a joŋ ŋɩɩ mʋ to Jebus tɩŋŋaa taŋ-la wɩɩpɔsʋŋ nadiiŋ dɩɩrɩŋ tintee-la sɩ chulloo tuu a joŋo tuu taŋ-la ba sɩɩ yɩrɛ Ɛŋ-Rogɛl.

JOSUA 18:27

Rɛkɛm, Ɩrɩpɛɛl, Tarala,

JOSUA 19:1

Ba fa sɩ tɔnsɔ ŋɩɩ, Simioŋ doho nyɩŋ-nɩaa ma nɛ ŋaa lɩamɩŋ a joŋ ba kpaalɩŋ. Ba tinteeŋ hɛ Juda tinteeŋ tʋɔŋ nɛ.

SƖPAALAARAA 1:21

Ama Bɛnjamɩŋ doho nɩaa-na bɩ wuo kiri Jebus tɩmma-la sɩ hɛ Jerusalɛm lɛ. Arɩ jɩnɩŋ kala, Jebus tɩŋŋaa ha hɛ Bɛnjamɩŋ doho nɩaa tʋɔŋ nɛ.

SƖPAALAARAA 19:10

Ama baal-la bɩra bɩ chɛ dɩ ʋ chʋa lee-la. Ʋ paa ʋ kakusuŋ gbagaa daŋ ʋ kakusuŋ nyuŋ, a kɛŋ ʋ haala arɩ ʋ tɩntɩnna ba to Jebus dɩɩrɩŋ a mʋmʋ (Jebus nɛ ha baa yɩrɛ Jerusalɛm).

1 SAMƲƐL 10:26

Sɔɔl ma mɩɩra mʋ ʋ jaŋ Gɩbɩa. Ŋɩɩ nɛ Wɩa digi bayuori duoru-la dɔnsʋŋ tʋɔŋ ba to ʋ harɩŋ mʋ.