JOSUA 18:1 - WƖA TENIŊ

¹ Iziral tɩŋŋaa fa sɩ yuo laa tintee-la, ba kala kʋ hilimi taŋ-la ba sɩɩ yɩrɛ Sɩlɔ lɛ, a pɛ lɛbɩ-la lɛ La TƖƖNA sɩ yie kɔ Iziral tɩŋŋaa teeŋ nɩmɛ.

JOSUA 18:1 ပူးပေါင်းရင်းမြစ်များ

2 SAMƲƐL 7:6

Mɩ ha bɩ dɩa kala jʋa a chɩŋ tapʋlɩɩ-la mɩ sɩ kɛŋ Iziral tɩŋŋaa a lɩɩ Ijipiti tinteeŋ lɛ a kaa kɔ jɩnɩŋ. Mɩ gɔllɔɔ baarɛ nɛ a jʋjʋʋ lɛbɩŋ.

1 KUOROO 14:2

Jerobuam bʋla pɩ ʋ haala, “Kɛŋ ŋ tɩtɩa bɩrɩmɛ, dɩ nʋʋkala sɩ́ wuo jɩŋ arɩ ŋ nɛ, ka ŋ mʋ Sɩlɔ. Lee-la nɛ Wɩa wʋlaabʋlla Ahija hɛ. Ʋ nɛ bʋla pɩmɛ arɩ mɩ jaŋ dii Iziral tɩŋŋaa kuoruŋ.

1 KUOROO 14:4

Ŋɩɩ nɛ Jerobuam haala ŋaa wɩɩ-la ʋ sɩ bʋla, a sii mʋ Ahija dɩa Sɩlɔ lɛ. Bʋa-la lɛ dɩ Ahija hɩɛsa, ʋ sɩaa bɩra bɩ na.

1 KUOROO 2:27

Ŋɩɩ nɛ Solomoŋ kiri Abɩata sɩ ŋaa La TƖƖNA Wɩɩsʋllɩ sɩpaalaara ʋ tɩntɩŋŋaa lɛ. Ŋɩɩ leŋ La TƖƖNA fa sɩ bʋl wɩalɩŋ Sɩlɔ lɛ a tɩgɛ Eli doho nɩaa lɛ sɛnɛ kʋ ŋaa wʋtɩtɩɩ.

NƐHƖMAAYA 9:24

Ba biiriŋ mʋ jʋʋ tintee-la nɛ a laaʋ tɩɩ. Ŋ yuo dii Kɛnaŋ tɩŋŋaa nɛ ba sɩpaaŋ, nɩalɩŋ fa sɩ hɛ tintee-la lɛ, a joŋ ba dɩ ba kuoroo kala hɛ ba nɩsɩŋ lɛ dɩ ba ŋaaba ŋɩɩ ba sɩ cho.

WƖA YƖƖLAA 78:60

Ŋɩɩ nɛ ʋ vɩa ʋ dɩa-la ma sɩ hɛ Sɩlɔ lɛ ta, lee-la ʋ sɩ yie hɛ a guoli nɩaa tʋɔŋ.

WƖA YƖƖLAA 78:66

Ʋ kiri ʋ dʋndɔŋŋɔɔ hɛ pɛgɛ lɛ, a leŋ ba dii hɩɩsɩŋ a kaa mʋ wuu.

JƐRƖMAAYA 26:6

ŋɩɩ-na mɩ jaŋ leŋ dɩ mɩ dɩɩ-balɩŋ deeŋ ma nagɛ taŋ-la ba sɩɩ yɩrɛ Sɩlɔ, dɩ dʋnɩa tinteyee nɩaa kala kɛŋ tabalɩŋ deeŋ yɩrɩŋ ŋmɩɛsa hɩhɛ nɩaa lɛ.’ ”

JƐRƖMAAYA 26:9

Bɛɛ nɛ tɩɩ ŋ bʋl wɩaa La TƖƖNA yɩrɩŋ lɛ, arɩ Wɩa dɩɩ-balɩŋ deeŋ jaŋ nagɛ Sɩlɔ, dɩ ba vɩa tabalɩŋ deeŋ ma ta dɩ ʋ pɩŋ hoi?” Ŋɩɩ nɛ nɩalɩŋ kala kʋ golli Jɛrɩmaaya La TƖƖNA dɩɩ-bal-la lɛ.

JƐRƖMAAYA 41:5

baalaa mahɩŋ banɛsɛ fʋŋ ba tɔŋŋɔɔ nɛ a kɛŋ ba gɛnnɩŋ kɩɛsɛ aŋ kpɛrɛ kpɛrɛ ba tɩtɩa, a lɩɩ Sɛkɛm, Sɩlɔ arɩ Samarɩa a kɛŋ mɩaa Wɩɩsʋlʋŋ kɩaa arɩ kʋsʋɔrʋsʋŋ a kaa kɔ La TƖƖNA dɩa.

NAMBABA 32:22

a laa ba tinteeŋ, ŋɩɩ harɩŋ ma laa ma tɩtɩa La TƖƖNA arɩ Iziral tɩŋŋaa nɩsɩŋ lɛ nɛ, ma jaŋ wuo mɩɩra mʋ lee-la. Ŋɩɩ nɛ La TƖƖNA jaŋ jɩŋ arɩ ma nɛ tɩɩ tintee-la.

Tɩntɩŋŋaa 7:45

Ŋɩɩ harɩŋ lɛ nɛ, la naabalɩmaba laa lɛbɩŋ deeŋ ba nyɩmmaba teeŋ. Ba dɩ Josua kaa jʋʋ tintee-la nɩaa Wɩa fa sɩ kire ta. Wɩa Lɛbɩ-la fa hɛ ba teeŋ ŋɩɩ nɛ deeŋ deeŋ a kʋ yi la naabalɩma Devit kuoruŋ bʋa lɛ.

JOSUA 18:2

Ama Iziral tɩmma-la doho doho balɩpɛ nɛ fa ha ka a bɩ ba tinteeŋ kpaalɩŋ laa.

JOSUA 18:8

Baala-la sɩ lɩa dɩ ba mʋ a beŋ tintee-la a na ŋɩɩ ba sɩ jaŋ kpaa, ŋɩɩ nɛ Josua bʋl ŋ-la a pɩba, “Má mʋ a beŋ tintee-la a ŋmʋnsɛ ŋɩɩ ʋ sɩ naga a kaa mɩɩra kɔ mɩ teeŋ. Mɩ jaŋ tɔnsɛ daha Sɩlɔ lɛ a pɩma La TƖƖNA sɩpaaŋ.”

JOSUA 19:51

Tintee-la Elieza sɩ ŋaa Wɩɩsʋllɩ sɩpaalaara arɩ Josua, Nuŋ nanʋala arɩ Iziral tɩŋŋaa nyɩŋ-nɩaa nɩhɩasɩŋ fa sɩ tɔnsɔ Sɩlɔ lɛ La TƖƖNA sɩpaaŋ lɛbɩ-la lɛ ʋ sɩ yie kɔ Iziral tɩŋŋaa teeŋ boiŋ niiŋ a kaa kpaaba nɛ ŋɩɩ. Ŋɩɩ ba fa sɩ to a kɛŋ tintee-la kpaa nɛ ŋɩɩ.

JOSUA 21:2

Ba fá mʋ ba teeŋ Sɩlɔ sɩ hɛ Kɛnaŋ lɛ nɛ, a bʋla pɩba, “La TƖƖNA fa to Mosis lɛ a bʋl arɩ ma pɩla tasɩŋ nɛ dɩ la jʋjʋʋ, arɩ la pʋsʋŋ dɩ-diilee.”

JOSUA 22:12

ba kala sii hɛ dɔŋɔ lɛ Sɩlɔ lɛ dɩ ba mʋ yuoba.

JOSUA 22:19

Dɩ ma tinteeŋ nɛ kɛŋ disiniŋ, má kɔ La TƖƖNA tinteeŋ, lee-la ʋ lɛbɩ-la lɛ ʋ sɩ yie kɔ Iziral tɩŋŋaa teeŋ sɩ hɛ, a kʋ pɛ hɔŋ la tinteeŋ lɛ. Ama má sɩ́ La TƖƖNA koo la-na vɩa aŋ saa koruŋ pɩ ma tɩtɩa a pɛ La TƖƖNA Wɩa Wɩɩsʋllɩ koruŋ lɛ.

JOSUA 22:9

Rubiŋ doho nɩaa arɩ Gad doho nɩaa arɩ Manasɛ doho nɩaa kpaa magɛ dɔŋɔ-la fa leŋ Iziral tɩŋŋaa Sɩlɔ lɛ Kɛnaŋ tinteeŋ aŋ mɩɩra mʋ Gɩlɩad, ba tinteeŋ, kʋ-la ba sɩ laa arɩ La TƖƖNA sɩ to Mosis lɛ a dagɛ.

SƖPAALAARAA 18:31

Tɔmɔ-la Mɩka fa sɩ mɛ nɛ ba kpʋkpaarɛ, bʋa-la lɛ dɩ lɛbɩ-la lɛ ba sɩɩ dɛnnɛ Wɩa fa hɛ Sɩlɔ lɛ.

SƖPAALAARAA 21:12

Ba sɩ mʋ Jabɛs Gɩlɩad nɩalɩŋ tʋɔŋ, ba na hatoloo zɔɔ-banɛsɛ ha sɩ bɩ baal jɩŋ. Ŋɩɩ nɛ ba kɛsɛba a kaa mʋ ba buguŋ sɩ hɛ Sɩlɔ lɛ Kɛnaŋ tinteeŋ.

SƖPAALAARAA 21:19

Ŋɩɩ nɛ ba bɩɩnɛ wɩɩ-la aŋ bʋl, “Jɩna na-kala la sɩ yie gbieli La TƖƖNA gbiele-la Sɩlɔ lɛ, ʋ kpaga nɛ.” (Sɩlɔ hɛ Bɛtɛl wɩɩpɔsʋŋ nagʋa nɛ, a hɛ Lɛbanɔŋ ma wɩɩpɔsʋŋ nadiiŋ aŋ hɛ Bɛtɛl arɩ Sɛkɛm ma wombiiŋ wɩɩpɔsʋŋ dɩɩrɩŋ.)

1 SAMƲƐL 1:24

Ʋ sɩ kʋ kɛrɛ bile yɩlɩŋ lɛ, bʋa-la sɩ maga dɩ ba bɩra mʋ Sɩlɔ kʋ yi, ʋ sii kɛnʋ arɩ ʋ ha sɩ muuro ma kala, a kɛŋ jɩsɩŋ batori nɛ-bele, a ŋaa munuŋ kuokuo gbansɩŋ banɔŋ arɩ tɩɩnɛnɛɛ sɩnɩŋ puruŋ sɩɩ, a kaa mʋ La TƖƖNA dɩa Sɩlɔ lɛ.

1 SAMƲƐL 1:3

Jɩna na-kala, Ɛlɩkaana yie lɩɩ ʋ jaŋ Rama a mʋ taŋ-la ba sɩɩ yɩrɛ Sɩlɔ dɩ ʋ zil La TƖƖNA doluŋ kala Tɩɩna aŋ pɛ kpʋ pʋsʋŋ a ŋaa Wɩɩsʋlʋŋ. Sɩlɔ lɛ baal kʋbala nɛ fa hɛ nɩmɛ baa yɩrɛ Eli. Ʋ fa ŋaa La TƖƖNA Wɩɩsʋllɩ sɩpaalaarʋ nɛ. Ʋ fa kɛŋ hambolibiisiŋ balɩa nɛ, baa yɩrɛ Hofini arɩ Finihas, ba ma fa ŋaa La TƖƖNA Wɩɩsʋllɩ sɩpaalaaraa nɛ.