JOSUA 17:13 - WƖA TENIŊ

¹³ Ama Iziral tɩmma-la sɩ kʋ kɛŋ doluŋ a yʋgɛ, ba fʋgɛ Kɛnaŋ tɩmma-la hɛ nɛ ba tɩŋ tɩntɩŋŋaa a pɩpɩba, ama ba bɩ ba kala kiri ba tasɩŋ lɛ.

JOSUA 17:13 ပူးပေါင်းရင်းမြစ်များ

WƖAA DƖ-SUOMUŊ 49:15

Dɩ ʋ nɛ na ʋ dɩ-pɩna wiesiŋ zɔmɔ, a na ŋɩɩ ʋ tinteeŋ sɩ zɔmɔ, ʋ yie hɛ ʋ doluŋ kala a nʋʋra jʋʋ tɩntɩŋ-duo-la a tɩŋ arɩ ba fʋgʋʋ hɛ nɛ.

2 SAMƲƐL 3:1

Laal-la sɩ sii Sɔɔl dɩa nɩaa arɩ nɩalɩŋ sɩ chɩŋ Devit harɩŋ pɛgɛ fa diene nɛ woruŋ. Devit nɩaa doluŋ fa pʋŋa pɩpɛ nɛ, ka Sɔɔl nɩaa doluŋ tutuu tinteeŋ.

1 KUOROO 9:21

Nɩalɩŋ doho nɩkaana-la Iziral tɩŋŋaa fa sɩ bɩ kpʋa nɛ ŋɩɩ. Ba nɛ Solomoŋ leŋ ba ŋaa ʋ yosuŋ ʋ fʋga hɛ ba tɩtɩŋ tɩntɩŋŋaa, arɩ jɩnɩŋ kala.

Ɛfɛsɩs Nɩaa 6:10

Wɩɩ-la mɩ sɩɩ chɛ mɩ bʋl, ʋ wʋkaanɩŋ nɛ ŋ-la: Má leŋ dɩ La Tɩɩna dol-bal-la hɛ ma lɛ dɩ ma kɛŋ doluŋ woruŋ.

Fɩlɩpa Nɩaa 4:13

Mɩ jaŋ wuo kɛŋ mɩ tɩtɩa woruŋ wɩɩkala lɛ, a tɩŋ dol-la Kirisito sɩ pɩmɛ wɩaa.

JOSUA 16:10

Ama ba bɩ Kɛnaŋ tɩmma-la sɩ hɛ Gɛza lɛ kire, a kaa kɔ arɩ jɩnɩŋ kala Kɛnaŋ tɩŋŋaa ha hɛ Efirem nɩaa tʋɔŋ nɛ. Ama ba fʋgɛba hɛ nɛ ba tɩtɩŋ tɩntɩŋŋaa pɩba.

2 Pɩɩta 3:18

Má leŋ dɩ ma wʋjɩmɩŋ pʋŋa pɛ La Tɩɩna Yesu Kirisito wɩaa, Nɩɩ-la sɩ ŋaa la Laataara. Dɩ ma nɛ ŋaa ŋɩɩ, ʋ jaŋ pɛ ma lɛ. Ʋ yɩrɩŋ nɛ nɩaa jaŋ yɩrɛ lɛɛlɛ a kaa mʋ wuu. Amɩɩ.

SƖPAALAARAA 1:28

Iziral tɩŋŋaa sɩ kʋ kɛŋ doluŋ, ba fʋgɛ Kɛnaŋ tɩmma-la hɛ, ba tɩtɩŋ yoŋ tɩntɩŋŋaa. Ama ba bɩ Kɛnaŋ tɩmma-la kala kire ba lɩɩ tintee-la lɛ.

SƖPAALAARAA 1:30

Zebuluŋ doho nɩaa ma bɩ Kɛnaŋ tɩmma-la sɩ hɛ Kɩtɩrɔŋ arɩ Nahalɔl lɛ kire, ba lemba nɛ ba guoli ba tʋɔŋ, ama ba fʋgɛba nɛ ba tɩŋ tɩntɩŋŋaa pɩpɩba.

SƖPAALAARAA 1:33

Nafɩtalɩ doho nɩaa ma bɩ nɩalɩŋ sɩ hɛ tasɩŋ deemba lɛ kire: Bɛf Sɛmɛs arɩ Bɛf Anaf. Ba leŋ Kɛnaŋ tɩmma-la fa sɩ tɩɩ tintee-la nɛ, ba dɩ ba kala hɔŋ. Ama ba fʋgɛba nɛ ba tɩŋ tɩntɩŋŋaa a pɩpɩba.

SƖPAALAARAA 1:35

Amɔrɩ tɩmma-la fa chaasa kɛŋ ba tʋɔŋ nɛ dɩ ba hɔŋ peel-la ba sɩɩ yɩrɛ Hɛrɩs lɛ, arɩ lere-la ba sɩɩ yɩrɛ Aɩjalɔŋ arɩ Saalɩbɩm. Ama Efirem arɩ Manasɛ doho nɩaa doluŋ sɩ kʋ pʋŋa pɛ, ba fʋgɛ Amɔrɩ tɩmma-la ma hɛ ba tɩŋ tɩntɩŋŋaa pɩpɩba.