JOSUA 17:1 - WƖA TENIŊ

¹ Josɛf bii-hɩaŋ Manasɛ doho nɩaa ma laa tinteeŋ kpaalɩŋ nɛ. Manasɛ bii-hɩaŋ nɛ fa ŋaa Makɩɩ. Makɩɩ nɛ fa ŋaa Gɩlɩad tɩŋŋaa naabalɩma. Ʋ doho nɩaa nɛ laa Gɩlɩad arɩ Basaŋ tinteeŋ sɩ hɛ Jɔdaŋ wɩɩpɔsʋŋ, bɛɛ wɩaa Makɩɩ doho nɩaa fa ŋaa laalɩyuori babiibala nɛ.

JOSUA 17:1 ပူးပေါင်းရင်းမြစ်များ

WƖAA DƖ-SUOMUŊ 41:51

Josɛf hɛ ʋ bii-hɩaŋ yɩrɩŋ Manasɛ, aŋ bʋl, “Wɩa leŋe mɩ yʋ mɩ hɛɛ-la kala mɩ sɩ na, arɩ mɩ nyɩmma dɩa ma wɩaa kala nɛ.”

WƖAA DƖ-SUOMUŊ 41:52

Ŋɩɩ nɛ ʋ hɛ ʋ bii-lɩa-la ma yɩrɩŋ Efirem aŋ bʋl, “Wɩa leŋe mɩ dʋa nɛ tintee-la lɛ mɩ sɩ na hɛɛŋ.”

WƖAA DƖ-SUOMUŊ 46:20

Josɛf arɩ Asɛnaf lʋl Manasɛ arɩ Efirem Ijipiti tinteeŋ lɛ. Asɛnaf fa ŋaa Pɔtɩfɛra tolo nɛ, a ŋaa Wɩɩsʋllɩ sɩpaalaara Ɔŋ lɛ.

WƖAA DƖ-SUOMUŊ 48:17

Josɛf sɩ na dɩ ʋ nyɩmma joŋ ʋ nadiiŋ daŋ Efirem nyuŋ lɛ ʋ tʋɔŋ chei. Ʋ kɛŋ ʋ nyɩmma nɩsɩŋ lɛ dɩ ʋ kaa joŋo daŋ Manasɛ nyuŋ lɛ.

WƖAA DƖ-SUOMUŊ 48:18

Josɛf bʋla pɩ ʋ nyɩmma a bʋl, “Ŋɩɩ dee, Manasɛ nɛ kʋhɩaŋ. Joŋ ŋ nadiiŋ daŋ ʋ nyuŋ lɛ.”

WƖAA DƖ-SUOMUŊ 50:23

Efirem biiriŋ arɩ ʋ nihee kala puu Josɛf nɛ. Manasɛ nanʋala Makɩɩ ma biiriŋ waa Josɛf nɩsɩŋ lɛ nɛ.

2 SAMƲƐL 2:9

Nɩmɛ nɛ ʋ leŋ Ɩsɩ-Bɔsɛf dii tinteyee deemba kuoruŋ: Gɩlɩad, Asuri, Jɛzɩrɛl, Efirem, Bɛnjamɩŋ arɩ Iziral tinteeŋ kala.

1 IZIRAL TƖŊŊAA NAABARƖŊ 2:23

Bʋa kʋbala lɛ, tinteye-la ba sɩɩ yɩrɛ Gesu arɩ Aram yuo dii tasɩŋ mahɩŋ batori tintee-la lɛ, a pɛ Jaa arɩ Kenaf tabiisiŋ lɛ, arɩ tabiisi-la sɩ kpagɛba. Nɩalɩŋ kala fa sɩ hɛ lee-la ŋaa Gɩlɩad nyɩmma Makɩɩ doho nɩaa nɛ.

ƐZƖKƖƐL 47:13

Wɩɩ-la La TƖƖNA Wɩɩjarɩbakɔ sɩ bʋla nɛ ŋ-la: “Tintee-la ma sɩ jaŋ kaa kpaa pɩ Iziral doho doho-la fii arɩ balɩa-la bʋɔsʋŋ nɛ ŋ-la, dɩ Josɛf doho nɩaa laa kpaalɩŋ bʋlɩa.

ƐZƖKƖƐL 48:4

Manasɛ doho nɩaa ma kpaalɩŋ jaŋ tɩgɛ Nafɩtalɩ kʋa lɛ a lɩɩ wɩɩpɔsʋŋ dɩɩrɩŋ a kaa mʋ wɩɩjʋʋlʋŋ.

NAMBABA 26:29

Manasɛ doho nɩaa gentisiŋ nɛ ŋ-la: Makɩɩ, ʋ nɛ kʋ ŋaa Makɩɩ tɩŋŋaa gentine (Makɩɩ nɛ fa lʋl Gɩlɩad).

NAMBABA 27:1

Zelofihad nyɩmma nɛ fa Hefa. Hefa ma nyɩmma nɛ Gɩlɩad, Gɩlɩad ma nyɩmma nɛ Makɩɩ. Makɩɩ ma nyɩmma nɛ Manasɛ. Manasɛ ma nyɩmma nɛ Josɛf. Zelofihad toloo yɩraa nɛ fa Mala, Nowa, Hogila, Mɩlɩka arɩ Tɩɩza. Ŋɩɩ nɛ ba sii

NAMBABA 32:33

Ŋɩɩ nɛ Mosis joŋ Amɔrɩ tɩŋŋaa kuoro Sɩhɔŋ tinteeŋ arɩ Basaŋ tɩŋŋaa kuoro Ɔgɩ tinteeŋ arɩ tasɩ-la dɔnsʋŋ sɩ golliba a pɩ Gad doho nɩaa, Rubiŋ doho nɩaa arɩ Josɛf nanʋala Manasɛ doho nɩaa kpaa magɛ dɔŋɔ-la.

MOSIS BƖRA WULLI WƖA WOMBIIŊ 21:17

Ʋ maga dɩ ʋ kɛŋ dʋa-la kpaa dɩ kʋhɩaŋ kɩaa kɩɩ kʋbie kɩaa naansɩɩŋ bʋlɩa. Bile nɛ ŋaa ʋ nyɩmma doluŋ, ʋ maga dɩ ʋ laa bii-hɩaŋ kpaalɩŋ.

JOSUA 17:2

Manasɛ doho nɩkaanaa deemba ma fa kɛŋ kpaalɩŋ nɛ Jɔdaŋ fuo-la wɩɩjʋʋlʋŋ dɩɩrɩŋ: Abieza nyɩŋ-nɩaa, Hɛlɛk nyɩŋ-nɩaa, Asɩrɩɛl nyɩŋ-nɩaa, Sɛkɛm nyɩŋ-nɩaa, Hefa nyɩŋ-nɩaa arɩ Sɛmɩda nyɩŋ-nɩaa. Baala-la sɩ ŋaa Josɛf nanʋala Manasɛ doho nɩaa dɔnsʋŋ nɛ ŋɩɩ.

JOSUA 22:7

(Manasɛ doho nɩaa kpaa magɛ dɔŋɔ-la, Mosis fa pɩba tinteeŋ Basaŋ lɛ nɛ. Ka doho-la kpaa magɛ dɔŋɔ kʋkaana-la ma Josua fa joŋ Jɔdaŋ fuo-la sɛmɛ wɩɩjʋʋlʋŋ dɩɩrɩŋ tinteeŋ nɛ a pɩba ba naambiiriŋ tʋɔŋ.) Bʋa-la lɛ Josua sɩɩ ta doho doho-la balɩa arɩ kpaa magɛ dɔŋɔ dɩ ba mʋ dɩa, ʋ sʋl Wɩa ŋ-la nɛ a pɩba:

SƖPAALAARAA 5:14

Dɔnsʋŋ lɩɩ Efirem nɛ a kɔ, lee-la Amalɛk tɩŋŋaa fa sɩ hɔnɔ. Bɛnjamɩŋ doho nɩaa ma fa kɔ nɛ. Laalɩyuoroo sɩpaalaaraa ma fa lɩɩ Makɩɩ nɛ a kʋ tuu. Tɩntɩnnɩ-hɩasɩŋ ma lɩɩ Zebuluŋ kɔ.