JOSUA 16:10 - WƖA TENIŊ

¹⁰ Ama ba bɩ Kɛnaŋ tɩmma-la sɩ hɛ Gɛza lɛ kire, a kaa kɔ arɩ jɩnɩŋ kala Kɛnaŋ tɩŋŋaa ha hɛ Efirem nɩaa tʋɔŋ nɛ. Ama ba fʋgɛba hɛ nɛ ba tɩtɩŋ tɩntɩŋŋaa pɩba.

JOSUA 16:10 ပူးပေါင်းရင်းမြစ်များ

1 KUOROO 9:15

Kuoro Solomoŋ sɩ fʋgɛ ʋ tɩntɩnnaa hɛ ba saa La TƖƖNA dɩɩ-bal-la arɩ ʋ kuoru dɩa dɛrɛ, ʋ leŋ ba chʋŋ hagɩla a dɩŋ Jerusalɛm wɩɩpɔsʋŋ dɩɩrɩŋ, aŋ saa kɛrɛ a golli taŋ-la, a wasa saa tasɩŋ deemba ma: Hazɔ, Mɛgɩdɔ arɩ Gɛza.

1 KUOROO 9:16

Ijipiti tinteeŋ kuoro fa yuo dii Gɛza nɛ, a joŋ nyiniŋ hɛ ʋ dii. Kɛnaŋ tɩŋŋaa nɛ fa hɔŋ nɩmɛ. Ʋ kpʋ ba kala aŋ joŋ taŋ-la dii zile pɩ ʋ tolo-la sɩ jaa Solomoŋ.

1 KUOROO 9:21

Nɩalɩŋ doho nɩkaana-la Iziral tɩŋŋaa fa sɩ bɩ kpʋa nɛ ŋɩɩ. Ba nɛ Solomoŋ leŋ ba ŋaa ʋ yosuŋ ʋ fʋga hɛ ba tɩtɩŋ tɩntɩŋŋaa, arɩ jɩnɩŋ kala.

2 IZIRAL TƖŊŊAA NAABARƖŊ 8:8

Nɩalɩŋ doho nɩkaana-la Iziral tɩŋŋaa fa sɩ bɩ kpʋa nɛ ŋɩɩ. Ba nɛ Solomoŋ leŋ ba ŋaa ʋ yosuŋ ʋ fʋga hɛ ba tɩtɩŋ tɩntɩŋŋaa, arɩ jɩnɩŋ kala.

JOSUA 10:33

Gɛza kuoro Horam fa sii mʋ dɩ ʋ pɛ Lakɩs tɩŋŋaa lɛ, Josua kpʋ ʋ dɩ ʋ laalɩyuoroo kala, nɩbala ma bɩ ka.

JOSUA 15:63

Juda doho nɩaa bɩ wuo kiri Jebus tɩmma-la sɩ hɔŋ Jerusalɛm lɛ. A kaa kɔ arɩ jɩnɩŋ kala Jebus tɩmma-la ha hɛ Juda nɩaa tʋɔŋ.

JOSUA 16:9

Tabala-la arɩ tabiisi-la ba fa sɩ lɩɩsa Manasɛ tinteeŋ lɛ a pɩ Efirem doho nɩaa ma pɛ nɛ.

JOSUA 17:12

Manasɛ doho nɩalɩŋ fa bɩ wuo yuo kiri nɩalɩŋ sɩ hɔŋ tasɩ-la lɛ, bɛɛ wɩaa Kɛnaŋ tɩmma-la chaasa kɛŋ ba tʋɔŋ nɛ dɩ ba hɔŋ lee-la.

JOSUA 17:13

Ama Iziral tɩmma-la sɩ kʋ kɛŋ doluŋ a yʋgɛ, ba fʋgɛ Kɛnaŋ tɩmma-la hɛ nɛ ba tɩŋ tɩntɩŋŋaa a pɩpɩba, ama ba bɩ ba kala kiri ba tasɩŋ lɛ.

SƖPAALAARAA 1:29

Efirem doho nɩaa ma bɩ Kɛnaŋ tɩmma-la sɩ hɛ Geza lɛ kire, ama ba lemba nɛ ba guoli ba tʋɔŋ.