JOSUA 15:8 - WƖA TENIŊ

⁸ Tintee-la bʋa nɛ ha jɩla to Bɛŋ Hɩnɔm fuonaaŋ a joŋ ŋɩɩ a mʋ to Jebus tɩŋŋaa tabal-la (ʋ nɛ ha baa yɩrɛ Jerusalɛm) a joŋ ŋɩɩ a mʋ jɩl dundolo nyuŋ sɩ hɛ Hɩnɔm fuonaa-la wɩɩjʋʋlʋŋ dɩɩrɩŋ, a bɩra hɛ Refem fuonaaŋ wɩɩpɔsʋŋ nagʋa dɩdɛrɩŋ.

JOSUA 15:8 ပူးပေါင်းရင်းမြစ်များ

2 SAMƲƐL 5:18

Bʋa-la lɛ dɩ Fɩlɩsɩtɩa tɩmma-la kʋ lɩɩ jɛrɛ su Refem fuonaaŋ.

2 SAMƲƐL 5:22

Tapʋlɩɩ dɔŋ Fɩlɩsɩtɩa tɩmma-la bɩra kʋ lɩɩ a jɛrɛ su Refem fuonaa-la kala.

2 KUOROO 23:10

Josaaya fa bɩra chei vesiŋ dɩ-kpaara-la ba sɩɩ yɩrɛ Tɔfɛf a hɛ Bɛŋ Hɩnɔm fuonaaŋ lɛ, dɩ nɩaa bɩra sɩ́ ba biiriŋ kaa mʋ kpʋ a nyɩga pɩ vene-la ba sɩɩ yɩrɛ Mɔlɛk.

1 IZIRAL TƖŊŊAA NAABARƖŊ 11:4

Bʋa kʋbala lɛ kuoro Devit arɩ Iziral tɩŋŋaa kala sii mʋ dɩ ba yuo Jerusalɛm nɩaa, bʋa-la lɛ ba faa yɩrʋ Jebus nɛ. Ŋɩɩ nɛ Jebus tɩmma-la sɩ hɔŋ nɩmɛ

2 IZIRAL TƖŊŊAA NAABARƖŊ 28:3

Ʋ fa kpʋ pʋsʋŋ a nyɩgɛ nɛ Bɛŋ Hɩnɔm fuonaaŋ lɛ, a paala kɛŋ ʋ tɩtɩa hambolibiisiŋ kpʋ a nyɩga pɩ vesiŋ a ŋaa wɩalɩŋ sɩɩ kɩsʋ La TƖƖNA teeŋ. Wɩalɩŋ tɩtɩa nɛ tinteye-la nɩaa fa ŋɩŋaa tintee-la lɛ, La TƖƖNA kiriba ta ka Iziral tɩŋŋaa kʋ hɔŋ.

NƐHƖMAAYA 11:30

Zanʋa, Adulam, arɩ ba tabiisi-la dɔnsʋŋ sɩ hɛ Lakɩs arɩ ʋ ŋmaŋkaanɩŋ lɛ, dɔnsʋŋ ma hɛ Azɛka arɩ ʋ tabiisiŋ lɛ. Ba fa hɔŋ Bɛɛsɩba lɛ ŋɩɩ nɛ a mʋ yi Hɩnɔm fuonaaŋ.

AZAAYA 17:5

Iziral jaŋ nagɛ ba sɩ pɛrɛ mɩaa baga a ta a bori, ʋ jaŋ nagɛ ba sɩ kuuni mɩaa fuonaa-la ba sɩɩ yɩrɛ Rafem lɛ.

JƐRƖMAAYA 19:14

Ŋɩɩ nɛ Jɛrɩmaaya mɩɩra lɩɩ Tɔfɛf kɔ lee-la La TƖƖNA sɩ kɛnʋ mʋ dɩ ʋ bʋl wɩaa ʋ doluŋ lɛ, a kʋ chɩŋ La TƖƖNA dɩɩ-balɩŋ kaala tʋɔŋ a bʋla pɩ nɩalɩŋ kala,

JƐRƖMAAYA 19:2

dɩ ma mʋ Bɛŋ-Hɩnɔm fuonaaŋ sɩ kpagɛ kanchelliŋ boi-baalɩŋ. Dɩ ma nɛ mʋ nɩmɛ, bʋl wɩalɩŋ mɩ sɩ jaŋ bʋla pɩŋ.

JƐRƖMAAYA 19:6

Ŋɩɩ wɩaa, má jɩŋ wɩɩŋ deeŋ lɛ, Mɩ-na ma Tɩɩna nɛ bʋla tapʋlaa ka kɔ nɛ nɩaa bɩra bɩ jaŋ yɩrɛ leriŋ deeŋ Tɔfɛf koo Bɛŋ Hɩnɔm fuonaaŋ, ama ba jaŋ yɩrʋ fuonaa-la lɛ ba sɩɩ kpʋ nɩaa.

JOSUA 15:63

Juda doho nɩaa bɩ wuo kiri Jebus tɩmma-la sɩ hɔŋ Jerusalɛm lɛ. A kaa kɔ arɩ jɩnɩŋ kala Jebus tɩmma-la ha hɛ Juda nɩaa tʋɔŋ.

JOSUA 18:16

Bʋa-la bɩra joŋ ŋɩɩ nɛ a tuu peel taala-la, a tʋʋlɛ Bɛŋ Hɩnɔm fuonaa-la a to Rafaɩ tɩŋŋaa fuonaaŋ wɩɩpɔsʋŋ nagʋa dɩɩrɩŋ. Ʋ nɛ ha to ŋɩɩ a tuu Hɩnɔm fuonaa-la, a joŋ ŋɩɩ mʋ to Jebus tɩŋŋaa taŋ-la wɩɩpɔsʋŋ nadiiŋ dɩɩrɩŋ tintee-la sɩ chulloo tuu a joŋo tuu taŋ-la ba sɩɩ yɩrɛ Ɛŋ-Rogɛl.

JOSUA 18:28

Zɛla, Haɩlɛf, arɩ Jebus tɩŋŋaa taŋ-la (ʋ nɛ ha Jerusalɛm), Gɩbɩa arɩ Kɩrɩaf. Tabalaa ŋaa fii arɩ banɛsɛ nɛ arɩ ba tabiisiŋ. Bɛnjamɩŋ doho nɩaa nyɩŋ-nɩa nyɩŋ-nɩa sɩ laa tintee-la ʋ ŋaa ba kʋŋ nɛ ŋɩɩ.

SƖPAALAARAA 1:21

Ama Bɛnjamɩŋ doho nɩaa-na bɩ wuo kiri Jebus tɩmma-la sɩ hɛ Jerusalɛm lɛ. Arɩ jɩnɩŋ kala, Jebus tɩŋŋaa ha hɛ Bɛnjamɩŋ doho nɩaa tʋɔŋ nɛ.

SƖPAALAARAA 1:8

Juda doho nɩaa bɩra mʋ yuo Jerusalɛm ma, a yuo diiu. Ŋɩɩ nɛ ba kpʋ taŋ-la nɩaa aŋ nyɩgɛ taŋ-la.

SƖPAALAARAA 19:10

Ama baal-la bɩra bɩ chɛ dɩ ʋ chʋa lee-la. Ʋ paa ʋ kakusuŋ gbagaa daŋ ʋ kakusuŋ nyuŋ, a kɛŋ ʋ haala arɩ ʋ tɩntɩnna ba to Jebus dɩɩrɩŋ a mʋmʋ (Jebus nɛ ha baa yɩrɛ Jerusalɛm).