JOSUA 15:7 - WƖA TENIŊ

⁷ Tintee-la bʋa nɛ ha jɩla to Akɔ fuonaaŋ a lɩɩ nɩmɛ a mʋ yi Dɛbɩ aŋ bɩra gɛbɛ wɩɩpɔsʋŋ nagʋa dɩɩrɩŋ ŋɩɩ a mʋ yi Gɩlɩgal, a chaasɛ Adumim wombii-la sɩ hɛ peelee pɛgɛ a joŋ ŋɩɩ a mʋ fuonaa-la sɩ hɛ wɩɩpɔsʋŋ nadiiŋ dɩɩrɩŋ. Ʋ ha pɩŋ ŋɩɩ nɛ a mʋ to Ɛŋ-Sɛmɛs lɩɩ-bulo-la leriŋ, a to ŋɩɩ a kʋ lɩɩ Ɛŋ-Rɔgɛl.

JOSUA 15:7 ပူးပေါင်းရင်းမြစ်များ

2 SAMƲƐL 17:17

Abɩata nanʋala Jonataŋ arɩ Zadɔk bie Ahɩmaas fa hɛ Ɛŋ-Rɔgɛl lɩɩ-bulo-la leriŋ nɛ, Jerusalɛm niiŋ aa gbɛrɛ, bɛɛ wɩaa dɩ ba nɛ naba dɩ baa jʋʋ taŋ-la, ʋ bɩ jaŋ zɔŋ a pɩba. Tɩntɩnnɩ hantolibie kʋbala nɛ fa yie mʋ bʋl wɩalɩŋ kala sɩ ŋaa a pɩba, ba ma kaa mʋ bʋla pɩ kuoro Devit.

1 KUOROO 1:9

Ŋɩɩ nɛ Adonija kpʋ piesee, nɛ-belliŋ, nɛ-pɔrɔɔ sɩ nɛrɛ a ŋaa Wɩɩsʋlʋŋ Dɩmɩŋ tabɩɩ-la lɛ, a kpagɛ Ɛŋ-Rɔgɛl. Ŋɩɩ nɛ ʋ yɩrɛ ʋ naambiiriŋ kala sɩ ŋaa kuoro biiriŋ, a pɛ Juda baala-la kala sɩ ŋaa kuoro tɩntɩnnɩ-hɩasɩŋ.

AZAAYA 65:10

Sarɔŋ tinteeŋ jaŋ ŋaa mɩ nɩalɩŋ sɩɩ tomi pʋsʋŋ dɩ-diiliŋ, dɩ Akɔ fuonaaŋ ma bɩrɩmɛ lee ba sɩ jaŋ pɩna wiesi.

HOSIA 2:5

Ba naaŋ ŋaa hachɔrʋŋ nɛ a ŋaa hɩɩsɛ wɩaa a kɛŋ ba luoruŋ. Ʋ sɩ, “Mɩ jaŋ kire to mɩ hɩɩlaba harɩŋ, nɩalɩŋ sɩɩ pɩmɛ mɩ kʋdiilee arɩ lɩɩŋ, pie-pʋnaa gɛnnɩŋ arɩ gɛrɩ-fʋfʋlʋŋ, nʋʋŋ arɩ girep nɛnɛɛ sɩnɩŋ.

JOSUA 10:43

Ŋɩɩ nɛ Josua arɩ Iziral tɩŋŋaa laalɩyuoroo kala mɩɩra kɔ ba dɩhɔnʋŋ Gɩlɩgal lɛ.

JOSUA 15:15

Nɩmɛ nɛ ʋ lɩɩ a mʋ yuo a kiri nɩalɩŋ sɩ hɛ taŋ-la ba sɩɩ yɩrɛ Dɛbɩ lɛ. (Lee-la yɩrɩŋ nɛ fa Kɩrɩaf Sɛfa.)

JOSUA 15:6

a to ŋɩɩ a mʋ Bɛf Hogila a kaa mʋ yi Bɛf Araba wɩɩpɔsʋŋ nagʋa dɩɩrɩŋ, a kɛŋ ŋɩɩ mʋ yi Rubiŋ nanʋala Bɔhaŋ tabɩɩŋ.

JOSUA 18:17

Ʋ nɛ mɩɩra gʋrɛ ŋɩɩ a mʋ wɩɩpɔsʋŋ nagʋa dɩɩrɩŋ a joŋ ŋɩɩ mʋ Ɛŋ-Sɛmɛs, a ha to ŋɩɩ mʋ yi Gɛlɩlɔf a tʋʋlɛ lee-la ba sɩɩ yɩrɛ Adumim wombii-la sɩ hɛ peelee pɛgɛ, a to ŋɩɩ mʋ tuu Rubiŋ nanʋala Bohaŋ tabɩɩŋ.

JOSUA 4:19

Chɛŋ bumbuŋ tapʋl-fii chɛɛŋ nɛ, Iziral tɩmma-la fa chol Jɔdaŋ fuo-la a mʋ hɔŋ taŋ-la ba sɩɩ yɩrɛ Gɩlɩgal lɛ. Ʋ hɛ Jeriko tinteeŋ wɩɩpɔsʋŋ dɩɩrɩŋ bʋa lɛ nɛ.

JOSUA 7:24

Ŋɩɩ nɛ Josua arɩ Iziral tɩmma-la kɛŋ Zɛra nanʋala Ekaŋ a paa warɩpʋla-la, gɛrɩ-la arɩ sɛlɩmɛ-la a kɛsɛ ʋ hambolibiisiŋ, ʋ toloo, ʋ nɛsɩŋ, ʋ kakusuŋ arɩ ʋ piesee, a churi ʋ lɛbɩŋ arɩ kʋŋ na-kala ʋ sɩ kɛnɛ a kaa tʋʋ fuonaa kʋbala baa yɩrɛ Akɔ.

JOSUA 7:26

Ŋɩɩ nɛ ba paa tabɩaa a chʋɔrɛ Ekaŋ nyuŋ, arɩ jɩnɩŋ kala tabɩa-la ha hɛ nɩmɛ. Ŋɩɩ nɛ tɩɩ ba hɛ lee-la yɩrɩŋ Akɔ fuonaaŋ. Ŋɩɩ nɛ La TƖƖNA baanɩŋ fɩɛlɛ.