JOSUA 15:4 - WƖA TENIŊ

⁴ Tintee-la bɩra chɩŋ nɩmɛ nɛ a mʋ yi taŋ-la ba sɩɩ yɩrɛ Azɩmɔŋ, a kɛŋ ŋɩɩ a mʋ to fuonaa-la sɩ hɛ Ijipiti tinteeŋ bʋa a kaa mʋ yi mʋgʋ-bal-la ba sɩɩ yɩrɛ Mediterenia. Nɩmɛ nɛ ba tinteeŋ wɩɩpɔsʋŋ nadiiŋ dɩɩrɩŋ bʋa dɛrɛ.

JOSUA 15:4 ပူးပေါင်းရင်းမြစ်များ

WƖAA DƖ-SUOMUŊ 15:18

Tapʋlɩɩ-la tɩtɩa nɛ La TƖƖNA bil niiŋ ʋ dɩ Abɩram pɛgɛ a bʋl, “Mɩ jaŋ joŋ tinteeŋ deeŋ a pɩ ŋ doho nɩaa a chɩŋ Ijipiti fuo-la a kaa mʋ Yufireti fuo-bal-la, nɩaa deemba tinteyee:

1 KUOROO 8:65

Solomoŋ arɩ Iziral nɩ-daŋ-la kala chaasa gbieli lɛŋŋɛɛ gbiele-la nɛ. Nɩalɩŋ chaasa yʋgɛ nɛ woruŋ a lɩɩ lee-la ba sɩɩ yɩrɛ Lebo Hamaf sɩ hɛ wɩɩpɔsʋŋ nagʋa a kaa mʋ Ijipiti fuonaa luŋii-la sɩ hɛ wɩɩpɔsʋŋ nadiiŋ dɩɩrɩŋ kala a kɔ. Ba gbieli gbiele-la tapʋlaa balɩpɛ nɛ La TƖƖNA Wɩa sɩpaaŋ, aŋ bɩra gbieli tapʋlaa balɩpɛ pɛ. Tapʋlɩa-la kala ŋaa fii arɩ banɛsɛ.

MOSIS KƐŊ IZIRAL TƖŊŊAA LƖƖ 23:31

Mɩ jaŋ dagɛ ma tinteeŋ bʋa pɩma, a chɩŋ mʋga-la ba sɩɩ yɩrɛ Mʋgʋ-fɩaŋ a kaa mʋ mʋgʋ-bal-la ba sɩɩ yɩrɛ Mediterenia, a bɩra chɩŋ tintee-hɩlɩɩ-la lɛ a kaa mʋ Yufireti fuo-la. Mɩ jaŋ joŋ nɩalɩŋ kala sɩ hɛ tinteeŋ deeŋ lɛ a hɛ ma nɩsɩŋ lɛ, dɩ ma kiriba aŋ laa lee-la.

AZAAYA 27:12

Ama bʋa deeŋ lɛ La TƖƖNA jaŋ kɛsɛ Iziral tɩŋŋaa kʋŋ kʋŋ a kʋ hɛ dɔŋɔ lɛ, a chɩŋ Efireti fuo-la lɛ, a kaa mʋ yi Ijipiti tinteeŋ niiŋ. Ʋ jaŋ lɩɩsɛba a nagɛ ba sɩ yie chaarɛ mɩaa a lɩɩsɛ mɩɩ-biiŋ aŋ ka mɩɩ-jɔrʋŋ ŋɩɩ.

NAMBABA 34:5

Bʋa-la jaŋ bɩra chɩŋ Azɩmɔŋ lɛ a to ŋɩɩ mʋ fuonaa-la sɩ hɛ Ijipiti tinteeŋ niiŋ a mʋ dɛrɛ mʋgʋ-bal-la ba sɩɩ yɩrɛ Mediterenia lɛ.

JOSUA 13:3

a chɩŋ Sɩhɔ fuoŋ sɩ hɛ Ijipiti wɩɩpɔsʋŋ a kɛŋ ŋɩɩ a mʋ yi Ɛkʋrɔŋ tinteeŋ sɩ hɛ wɩɩpɔsʋŋ nagʋa dɩɩrɩŋ, lee-la kala sɩ ŋaa Kɛnaŋ tɩŋŋaa tinteeŋ (Fɩlɩsɩtɩa tɩŋŋaa kuoroo banɔŋ sɩɩ beŋ tintee-la kala. Ba hɔŋ Gaza, Asɩdɔd, Asɩkɛlɔŋ, Gaf arɩ Ɛkʋrɔŋ a kɛŋ Ava tɩŋŋaa tinteeŋ pɛ),

JOSUA 15:3

a kɛŋ ŋɩɩ a mʋ jɩl Akɩrabɩm dundolo a chullo tuu a mʋ yi Zɩŋ tintee-hɩlɩŋ, a kɛŋ ŋɩɩ mʋ yi Kadɛs Baanɩa wɩɩpɔsʋŋ nadiiŋ dɩɩrɩŋ, a bɩra to ŋɩɩ a mʋ yi Hɛzɩrɔŋ a joŋo jɩl tabala ba sɩɩ yɩrɛ Ada a gʋrɛ ŋɩɩ a mʋ yi Kaka.

JOSUA 15:47

Asɩdɔd arɩ ʋ tabalaa arɩ tabiisi-la sɩ gollu, Gaza arɩ ʋ tabalaa arɩ ʋ tabiisi-la sɩ gollu, a kɛŋ ŋɩɩ mʋ fuo-bie-la sɩ hɛ Ijipiti tinteeŋ bʋa arɩ mʋgʋ-bal-la ba sɩɩ yɩrɛ Mediterenia niiŋ.