JOSUA 15:11 - WƖA TENIŊ

¹¹ Tintee-la bʋa bɩra to Ɛkʋrɔŋ wɩɩpɔsʋŋ nagʋa lee-la sɩ chulloo tuu nɛ, aŋ bɩra gɛbɛ to Sɩkɛrɔŋ, a joŋ ŋɩɩ a mʋ to peel-la ba sɩɩ yɩrɛ Baala a mʋ yi Jabɩnɛɛl. Tintee-la bʋa mʋ dɛrɛ Mediterenia mʋgʋ-bal-la lɛ nɛ.

JOSUA 15:11 ပူးပေါင်းရင်းမြစ်များ

2 KUOROO 1:16

Ɩlaaja sɩ kɔ, ʋ bʋla pɩ kuoro, “La TƖƖNA sɩ, bɛɛ nɛ tɩɩ ŋ tɩŋ nɩaa dɩ ba mʋ Ɛkʋrɔŋ tɩŋŋaa vene Baal Zebub teeŋ a chɛ na wɩaa? Ŋ bɩɩna Wɩa tuo Iziral lɛ nɛ koo? A tɩŋ ŋ sɩ ŋaa ŋɩɩ wɩaa, ŋ bɩ jaŋ duori. Ŋ jaŋ sʋʋ.”

2 KUOROO 1:6

Ba bʋla pʋ, “Baal kʋbala nɛ kʋ cheŋ la, a bʋla pɩla arɩ la mɩɩra kʋ bʋla pɩŋ arɩ La TƖƖNA sɩ, ‘Bɛɛ nɛ tɩɩ ŋ tɩnla dɩ la mʋ Ɛkʋrɔŋ tɩŋŋaa vene-la ba sɩɩ yɩrɛ Baal Zebub teeŋ a chɛ na wɩaa? Ŋ bɩɩna Wɩa tuo Iziral lɛ nɛ koo? A tɩŋ ŋ sɩ ŋaa ŋɩɩ, ŋ bɩ jaŋ duori, ŋ jaŋ sʋʋ.’ ”

2 IZIRAL TƖŊŊAA NAABARƖŊ 26:6

Uzia sii mʋ kɛŋ Fɩlɩsɩtɩa tɩŋŋaa yuo laalɩŋ a ŋmoo tasɩ-la ba sɩɩ yɩrɛ Gaf, Jabɩnɛ arɩ Asido jebiee kala lo. Ŋɩɩ nɛ aŋ wasa saa tasɩ-la sɩ kpagɛ Asido arɩ tasɩ-la sɩ hɛ Fɩlɩsɩtɩa tinteeŋ sɛsɩŋ dɔnsʋŋ.

NAMBABA 34:6

Mʋgʋ-bal-la ba sɩɩ yɩrɛ Mediterenia nɛ jaŋ ŋaa tintee-la wɩɩjʋʋlʋŋ bʋa.

JOSUA 15:10

Ŋɩɩ nɛ ʋ bɩra gʋrɛ, a tʋʋlɛ wɩɩjʋʋlʋŋ dɩɩrɩŋ, a lɩɩ Baala a mʋ Sɛɛ peel-la, a joŋ ŋɩɩ a mʋ to peel-la ba sɩɩ yɩrɛ Jɩarɩm wɩɩpɔsʋŋ nagʋa dɩɩrɩŋ lee-la sɩ chullo aa tuu (ʋ nɛ ha Kɛsalɔŋ), a joŋ ŋɩɩ tʋʋ to Bɛf Sɛmɛs a kiele mʋ Tɩmɩna.

JOSUA 15:12

Ʋ wɩɩjʋʋlʋŋ dɩɩrɩŋ bʋa nɛ mʋgʋ-bal-la niiŋ. Juda doho nɩaa nyɩŋ-nɩa nyɩŋ-nɩa tinteeŋ bʋa nɛ ŋɩɩ a gollo bal.

JOSUA 15:45

Dɔnsʋŋ ma nɛ: Ɛkʋrɔŋ arɩ ʋ tabalaa arɩ tabiisiŋ sɩ gollu,

JOSUA 15:9

Ʋ bʋa bɩra chɩŋ dundolo-la nyuŋ ŋɩɩ nɛ, aŋ tʋʋlɛ Nɛfɩtʋa lɩɩ-bulo-la ŋɩɩ a kʋ lɩɩ to tasɩ-la sɩ hɛ peel-la ba sɩ yɩrɛ Ɛfʋrɔŋ a to ŋɩɩ a tuu, a tʋʋlɛ taŋ-la ba sɩɩ yɩrɛ Baala (ʋ nɛ ha Kɩrɩaf Jɩarɩm).

SƖPAALAARAA 1:18

Juda doho nɩaa yuo laa tasɩŋ deemba ma nɛ arɩ ba tinteyee: Gaza, Asɩkɛlɔŋ arɩ Ɛkʋrɔŋ.

1 SAMƲƐL 17:52

Ŋɩɩ nɛ Iziral tɩŋŋaa arɩ Juda tɩŋŋaa laalɩyuoroo ŋaa goŋ aŋ kire to ba harɩŋ a mʋ yi tasɩ-la ba sɩɩ yɩrɛ Gaf arɩ Ɛkʋrɔŋ boi-baalaa. Fɩlɩsɩtɩa tɩŋŋaa kʋsʋʋnʋŋ fa pɩŋ taŋ-la ba sɩɩ yɩrɛ Saarem wombiiŋ lɛ ŋɩɩ nɛ a mʋ yi Gaf arɩ Ɛkʋrɔŋ.

1 SAMƲƐL 5:10

Ŋɩɩ nɛ ba sii joŋ Wɩa niiriŋ daga-la a kaa mʋ taŋ-la ba sɩɩ yɩrɛ Ɛkʋrɔŋ. Ba sɩ kaa mʋ dɩ ba jʋʋ, Ɛkʋrɔŋ tɩŋŋaa ŋmoo niiŋ a bʋl, “Iziral tɩŋŋaa Wɩa niiriŋ daga-la nɛ ba kaa kɔ la jaŋ dɩ ʋ kpʋ la dɩ la nɩaa kala.”

1 SAMƲƐL 5:8

Ŋɩɩ nɛ ba yɩrɛ kuorusu-la kala sɩɩ beŋ Fɩlɩsɩtɩa tinteeŋ a kʋ hilimi a pɩɛsɛba, “Ɛɛ nɛ la jaŋ joŋ Iziral tɩŋŋaa Wɩa niiriŋ daga-la ŋaa?” Ba bʋl, “Má joŋ a kaa mʋ taŋ-la ba sɩɩ yɩrɛ Gaf.” Ŋɩɩ nɛ ba joŋ Iziral tɩŋŋaa Wɩa niiriŋ daga-la a kaa mʋ Gaf.

1 SAMƲƐL 7:14

Tabala-la kala sɩ hɛ Ɛkʋrɔŋ arɩ Gaf pɛgɛ, Fɩlɩsɩtɩa tɩŋŋaa fa sɩ yuo laa Iziral tɩŋŋaa teeŋ, Iziral tɩŋŋaa mɩɩra laa ba kala nɛ. Ŋɩɩ nɛ nii-magɛ dɔŋɔ lɛɛlɛ hɛ Iziral tɩŋŋaa arɩ Amɔrɩ tɩŋŋaa pɛgɛ.