JOSUA 15:1 - WƖA TENIŊ

¹ Juda doho nɩaa tinteeŋ kpaalɩŋ ba sɩ laa nyɩŋ-nɩa nyɩŋ-nɩa nɛ ŋ-la: Juda arɩ Ɛdɔm nɛ fa pɛ bʋa wɩɩpɔsʋŋ nadiiŋ dɩɩrɩŋ, a kɛŋ ŋɩɩ mʋ yi Zɩŋ tintee-hɩlɩɩ-la wɩɩpɔsʋŋ nadiiŋ dɩɩrɩŋ.

JOSUA 15:1 ပူးပေါင်းရင်းမြစ်များ

WƖAA DƖ-SUOMUŊ 35:23

Liya hambolibiisiŋ nɛ ŋ-la: Rubiŋ nɛ Jekɔb bii-hɩaŋ, Simioŋ, Levi, Juda, Ɩsaka arɩ Zebuluŋ.

1 KUOROO 8:65

Solomoŋ arɩ Iziral nɩ-daŋ-la kala chaasa gbieli lɛŋŋɛɛ gbiele-la nɛ. Nɩalɩŋ chaasa yʋgɛ nɛ woruŋ a lɩɩ lee-la ba sɩɩ yɩrɛ Lebo Hamaf sɩ hɛ wɩɩpɔsʋŋ nagʋa a kaa mʋ Ijipiti fuonaa luŋii-la sɩ hɛ wɩɩpɔsʋŋ nadiiŋ dɩɩrɩŋ kala a kɔ. Ba gbieli gbiele-la tapʋlaa balɩpɛ nɛ La TƖƖNA Wɩa sɩpaaŋ, aŋ bɩra gbieli tapʋlaa balɩpɛ pɛ. Tapʋlɩa-la kala ŋaa fii arɩ banɛsɛ.

ƐZƖKƖƐL 47:19

Tintee-la wɩɩpɔsʋŋ nadiiŋ bʋa jaŋ chɩŋ lee-la ba sɩɩ yɩrɛ Tama a kɛŋ ŋɩɩ mʋ yi Mɛrɩba Kadɛs lɩɩrɩ-la leriŋ a to Ijipiti tinteeŋ bʋa ŋɩɩ a mʋ yi Mediterenia mʋgʋ-bal-la. Wɩɩpɔsʋŋ nadiiŋ dɩɩrɩŋ bʋa nɛ ŋɩɩ.

ƐZƖKƖƐL 48:7

Juda doho nɩaa ma kpaalɩŋ jaŋ tɩgɛ Rubiŋ kʋa lɛ a lɩɩ wɩɩpɔsʋŋ dɩɩrɩŋ a kaa mʋ wɩɩjʋʋlʋŋ.

NAMBABA 20:16

Ama la sɩ yele pɩ La TƖƖNA, ʋ nɩɩ la yele nɛ a leŋ ʋ tɩndaara kʋ kɛnla kaa lɩɩ Ijipiti tinteeŋ lɛ. Lɛɛlɛ la kʋ hɔŋ taŋ-la ba sɩ yɩrɛ Kadɛs lɛ nɛ, ŋ tinteeŋ niiŋ.

Maak 3:8

dɔnsʋŋ ma lɩɩ Jerusalɛm arɩ Idumiya tinteeŋ. Dɔnsʋŋ ma lɩɩ Jɔdaŋ fuo-la cholo. Dɔnsʋŋ ma lɩɩ Taaya arɩ Sɩdɔŋ tinteeŋ. Nɩaa deemba kala fa nɩɩ Yesu wɩaa nɛ a lɩɩ ba tasɩŋ a kʋkɔ ʋ teeŋ.

MOSIS BƖRA WULLI WƖA WOMBIIŊ 32:51

Ma kala balɩa fa vɩa dɩ ma ŋaa wɩɩ-la mɩ sɩ dagɛma nɛ Iziral tɩŋŋaa sɩpaaŋ Mɛrɩba lɩɩ-la leriŋ, Zɩŋ tintee-hɩlɩɩ-la lɛ, bɛɛ wɩaa ma vɩa dɩ ma zilmi nɛ Iziral tɩŋŋaa tʋɔŋ.

JOSUA 14:2

La TƖƖNA fa bʋla pɩ Mosis dɩ ba tɔnsɛ nɛ a kɛŋ Jɔdaŋ fuo-la wɩɩjʋʋlʋŋ dɩɩrɩŋ tintee-la a kpaa pɩ Iziral doho doho nibi arɩ kpaa magɛ dɔŋɔ-la.

JOSUA 15:2

Ba tintee-la wɩɩpɔsʋŋ nadiiŋ dɩɩrɩŋ bʋa-la chɩŋ mʋgʋ-bal-la ba sɩɩ yɩrɛ Mʋgʋ-sʋʋŋ niiŋ nɛ,

JOSUA 18:5

Ma jaŋ kɛnʋ a kpaa leree balɩpɛ. Juda doho nɩaa ha jaŋ hɛ wɩɩpɔsʋŋ nadiiŋ dɩɩrɩŋ tintee-la lɛ, dɩ Josɛf doho nɩaa ma ha hɛ wɩɩpɔsʋŋ nagʋa dɩɩrɩŋ tintee-la lɛ.