JOSUA 14:9 - WƖA TENIŊ

⁹ Ŋɩɩ nɛ Mosis hɛ niiŋ a bʋl tapʋlɩɩ-la, arɩ tintee-la mɩ sɩ joŋ mɩ naaŋ a nʋɔsɛ jaŋ ŋaa mɩ dɩ mɩ biiriŋ kʋŋ a kaa mʋ wuu, bɛɛ wɩaa mɩ to mɩ Tɩɩna Wɩa arɩ mɩ tʋɔŋ kala nɛ.

JOSUA 14:9 ပူးပေါင်းရင်းမြစ်များ

WƖA YƖƖLAA 37:9

Nɩbɔŋŋɔɔ jaŋ lɛl, ama dɩ ŋ nɛ laa La Tɩɩna dii, tintee-la jaŋ ŋaa ŋ kʋŋ.

NAMBABA 13:22

Ba to ŋɩɩ a jɩl Nɛgɛf dɩɩrɩŋ, a joŋ ŋɩɩ mʋ Hɛbʋrɔŋ. Ahɩmaŋ, Sɛsaɩ arɩ Talɩmaɩ ŋaa Anakɩ doho nɩaa nɛ, ba nɛ fa hɛ Hɛbʋrɔŋ lɛ. (Ba saa Hɛbʋrɔŋ taŋ-la jɩsɩŋ balɩpɛ harɩŋ nɛ ka ba-na saa taŋ-la ba sɩɩ yɩrɛ Zʋaŋ sɩ hɛ Ijipiti tinteeŋ lɛ.)

MOSIS BƖRA WULLI WƖA WOMBIIŊ 1:36

see Jefuni nanʋala Kalɩb. Ʋ dʋndʋŋa nɛ jaŋ jʋʋ tintee-la. Ʋ dɩ ʋ doho nɩaa nɛ mɩ jaŋ joŋ tintee-la a pa, bɛɛ wɩaa ʋ to mɩ-na ma TƖƖNA arɩ tʋɔŋ kala nɛ.”

MOSIS BƖRA WULLI WƖA WOMBIIŊ 11:24

Lee na-kala ma sɩ joŋ naaŋ nʋɔsɛ, ʋ jaŋ ŋaa ma kʋŋ. Ma tinteeŋ bʋa jaŋ chɩŋ tintee-hɩlɩɩ-la lɛ a mʋ yi Lɛbanɔŋ tinteeŋ, a bɩra chɩŋ Yufireti fuo-la lɛ a kaa mʋ mʋgʋ-bal-la ba sɩɩ yɩrɛ Mediterenia sɩ hɛ wɩɩjʋʋlʋŋ dɩɩrɩŋ.

JOSUA 1:3

Lee na-kala ma sɩ jaŋ joŋ ma naaŋ nʋɔsɛ, mɩ jaŋ joŋo pɩma arɩ mɩ sɩ bʋl ŋɩɩ a pɩ Mosis.

JOSUA 14:10

La TƖƖNA fa sɩ bʋl ŋɩɩ a pɩ Mosis, a chɩŋ ŋɩɩ lɛ a kaa kɔ, ʋ ha leŋe mɩ hɛ nɩmɛ jɩsɩŋ mahɩŋ balɩa arɩ banɔŋ nɛ. Bʋa-la lɛ dɩ Iziral tɩŋŋaa ka baarɛ tintee-hɩlɩŋ tʋɔŋ. Lɛɛlɛ, mɩ jɩsɩŋ mahɩŋ banɛsɛ arɩ banɔŋ tʋɔŋ nɛ mɩ hɛ ŋ-la.

SƖPAALAARAA 1:20

Mosis fa sɩ hɛ niiŋ pɩ Kalɩb, arɩ ʋ jaŋ joŋ Hɛbʋrɔŋ tinteeŋ a pʋ, ŋɩɩ nɛ ba joŋo pʋ. Ʋ kiri Anakɩ doho nɩaa nɩwaayiile-la nyɩŋ-nɩaa batori.