JOSUA 14:4 - WƖA TENIŊ

⁴ Josɛf biiriŋ kʋ ŋaa doho doho balɩa nɛ, ba nɛ Manasɛ arɩ Efirem. Levi doho nɩaa bɩ tintee kala laa ʋ ŋaa ba kʋŋ, tasɩ-la ba sɩ jaŋ jʋjʋʋ dʋndʋŋa nɛ Mosis fa joŋo pɩba arɩ lere-la ba pʋsʋŋ sɩ jaŋ didii.

JOSUA 14:4 ပူးပေါင်းရင်းမြစ်များ

WƖAA DƖ-SUOMUŊ 41:51

Josɛf hɛ ʋ bii-hɩaŋ yɩrɩŋ Manasɛ, aŋ bʋl, “Wɩa leŋe mɩ yʋ mɩ hɛɛ-la kala mɩ sɩ na, arɩ mɩ nyɩmma dɩa ma wɩaa kala nɛ.”

WƖAA DƖ-SUOMUŊ 41:52

Ŋɩɩ nɛ ʋ hɛ ʋ bii-lɩa-la ma yɩrɩŋ Efirem aŋ bʋl, “Wɩa leŋe mɩ dʋa nɛ tintee-la lɛ mɩ sɩ na hɛɛŋ.”

WƖAA DƖ-SUOMUŊ 46:20

Josɛf arɩ Asɛnaf lʋl Manasɛ arɩ Efirem Ijipiti tinteeŋ lɛ. Asɛnaf fa ŋaa Pɔtɩfɛra tolo nɛ, a ŋaa Wɩɩsʋllɩ sɩpaalaara Ɔŋ lɛ.

WƖAA DƖ-SUOMUŊ 48:1

Bʋa kʋbala lɛ ba bʋla pɩ Josɛf arɩ ʋ nyɩmma wɩɩlʋ nɛ. Ŋɩɩ nɛ ʋ kɛŋ ʋ hambolibiisiŋ balɩa, Manasɛ arɩ Efirem a to ʋ harɩŋ mʋ dɩ ʋ na ʋ nyɩmma Jekɔb.

WƖAA DƖ-SUOMUŊ 48:5

Efirem arɩ Manasɛ, ŋ hambolibiisi-la balɩa ŋ sɩ lʋla Ijipiti tinteeŋ lɛ ka mɩ-na kɔ daha jaŋ ŋaa mɩ kɩaa arɩ mɩ sɩ tɩɩ Rubiŋ arɩ Simioŋ ŋɩɩ.

WƖAA DƖ-SUOMUŊ 48:6

Biiri-la ŋ sɩ jaŋ lʋl ba harɩŋ, ŋ ma kɩaa nɛ ŋɩɩ, ba malɩmaba sɩ tɩɩ lere-la kala, ba nɛ ba ma jaŋ tɩɩ.

2 IZIRAL TƖŊŊAA NAABARƖŊ 30:1

Ŋɩɩ nɛ Hezikaaya tɩma pɩ Iziral arɩ Juda nɩaa kala, aŋ ŋmʋnsɛ tenniŋ pɩ Efirem arɩ Manasɛ nɩaa, aa yɩrɛba dɩ ba kɔ La TƖƖNA dɩɩ-bal-la sɩ hɛ Jerusalɛm lɛ dɩ ba gbieli La TƖƖNA, Iziral tɩŋŋaa Wɩa dɩɩsɩŋ kiele bal gbiele.

NAMBABA 26:28

Josɛf biiriŋ nɛ ŋaa Manasɛ arɩ Efirem.

JOSUA 16:4

Josɛf doho nɩaa, Manasɛ arɩ Efirem sɩ laa tintee-la ʋ ŋaa ba kʋŋ nɛ ŋɩɩ.