JOSUA 14:15 - WƖA TENIŊ

¹⁵ (Hɛbʋrɔŋ yɩrɩŋ nɛ fa Kɩrɩaf Aaba. Nɩwaayiile-la ba sɩɩ yɩrɛ Anakɩ baal kʋbala yɩrɩŋ nɛ ʋ fa joŋo hɛ pɩ taŋ-la, ʋ fa ŋaa nɩduo nɛ ba tʋɔŋ.) Ŋɩɩ harɩŋ lɛ nɛ tintee-la wiesi laalɩŋ lɛ.

JOSUA 14:15 ပူးပေါင်းရင်းမြစ်များ

WƖAA DƖ-SUOMUŊ 23:2

aŋ sʋʋ Hɛbʋrɔŋ lɛ Kɛnaŋ tinteeŋ. Ŋɩɩ nɛ Abɩraham mʋ dɩ ʋ yel ʋ yoho. Hɛbʋrɔŋ nɛ ba haa yɩrɛ Kɩrɩaf-Aba.

WƖAA DƖ-SUOMUŊ 35:27

Ŋɩɩ nɛ Jekɔb mɩɩra kɔ dɩa ʋ nyɩmma Aɩzɩk teeŋ Mamɩrɛ lɛ, a kpagɛ Kɩrɩaf Aba (Hɛbʋrɔŋ nɛ ŋɩɩ). Lee-la nɛ Abɩraham arɩ Aɩzɩk fa hɔŋ.

WƖAA DƖ-SUOMUŊ 37:14

Ŋɩɩ nɛ ʋ bʋla pʋ, “Mʋ na ŋ naambiiriŋ arɩ pʋsʋ-la, dɩ wɩɩ nɛ jʋʋba, ŋ mɩɩra kʋ bʋla pɩmɛ.” Ŋɩɩ nɛ ʋ nyɩmma tɩmʋ ʋ lɩɩ Hɛbʋrɔŋ fuonaa-la lɛ a mʋ. Josɛf sɩ mʋ yi Sɛkɛm,

1 IZIRAL TƖŊŊAA NAABARƖŊ 6:4

Elieza nanʋala nɛ Finihas. Finihas ma nanʋala nɛ Abɩsʋa,

NƐHƖMAAYA 11:25

Nɩalɩŋ jesiŋ kala hɛ tasɩŋ sɩ kpagɛ ba bagɩsɩŋ lɛ nɛ. Juda nɩaa dɔnsʋŋ nɛ fa hɛ tasɩŋ deemba lɛ, Kɩrɩaf Aba arɩ tabiisi-la sɩ gollu, Dɩbɔŋ arɩ tabiisi-la sɩ gollu, Jɛkabɩzɛɛl arɩ tabiisi-la sɩ gollu.

JOSUA 11:23

Josua laa tintee-la kala nɛ, arɩ La TƖƖNA fa sɩ dagɛ Mosis ŋɩɩ, a kaa kpaa a pɩ Iziral tɩŋŋaa doho doho-la ʋ ŋaa ba kʋŋ. Ŋɩɩ nɛ tintee-la nɩaa saa wiesi laalɩŋ lɛ.

JOSUA 14:14

Hɛbʋrɔŋ ha ŋaa Jefuni nanʋala Kalɩb sɩ ŋaa Keni tɩɩna-la kʋŋ nɛ, arɩ jɩnɩŋ kala, bɛɛ wɩaa ʋ to La TƖƖNA Iziral tɩŋŋaa Wɩa arɩ tʋɔŋ kala nɛ.

JOSUA 15:13

La TƖƖNA sɩ dagɛ Josua ŋɩɩ, ʋ fa joŋ Juda tinteeŋ sɛmɛ dɔŋɔ nɛ a pɩ Jefuni nanʋala Kalɩb. Hɛbʋrɔŋ nɛ ʋ fa joŋo pʋ (ʋ nɛ ha Kɩrɩaf Aaba). Aaba nɛ fa ŋaa nɩwaayiile-la ba sɩɩ yɩrɛ Anakɩ naabalɩma.

JOSUA 21:11

Ba fa joŋ Kɩrɩaf Aba nɛ a pɩba (ʋ nɛ ha Hɛbʋrɔŋ) a pɛ lere-la ba pʋsʋŋ sɩ jaŋ didii. Ʋ hɛ Juda tintee-la peelee sɩ yʋga lɛ nɛ. (Anakɩ naabalɩma nɛ fa Aba.)

JOSUA 21:12

Ba fa joŋ ŋmaŋkaanɩ-la arɩ tabiisi-la sɩ gollo a pɩ Jefuni nanʋala Kalɩb nɛ ba ŋaa ʋ kɩaa.

SƖPAALAARAA 1:20

Mosis fa sɩ hɛ niiŋ pɩ Kalɩb, arɩ ʋ jaŋ joŋ Hɛbʋrɔŋ tinteeŋ a pʋ, ŋɩɩ nɛ ba joŋo pʋ. Ʋ kiri Anakɩ doho nɩaa nɩwaayiile-la nyɩŋ-nɩaa batori.

SƖPAALAARAA 3:11

Ŋɩɩ nɛ tintee-la fɩɛlɛ yuosuŋ lɛ jɩsɩŋ mahɩŋ balɩa a mʋ yi bʋa-la lɛ Ofiniel sɩ sʋba.

SƖPAALAARAA 3:30

Tapʋlɩɩ-la Iziral tɩŋŋaa yuo dii Mʋab tɩŋŋaa nɛ, ŋɩɩ nɛ tintee-la fɩɛlɛ laalɩŋ lɛ jɩsɩŋ mahɩŋ banɛsɛ.

SƖPAALAARAA 5:31

La TƖƖNA, a leŋ dɩ ŋ dʋndɔŋŋɔɔ kala sʋʋ a nagɛ Sɩsɛra, aŋ leŋ dɩ nɩalɩŋ sɩ choŋ chaanɛ a nagɛ wɩɩpɔsʋŋ.” Ŋɩɩ nɛ Iziral tɩŋŋaa hɔŋ tintee-la lɛ arɩ fɩɛlɩŋ jɩsɩŋ mahɩŋ balɩa.

SƖPAALAARAA 8:28

Iziral tɩŋŋaa yuo dii Midiaŋ tɩŋŋaa, ba bɩra bɩ doluŋ kɛnɛ. Gɩdɩɔŋ sɩ hɛ ʋ mɩɩsɩŋ lɛ, Iziral nɩaa fa hɔŋ tintee-la lɛ arɩ fɩɛlɩŋ jɩsɩŋ mahɩŋ balɩa nɛ.

1 SAMƲƐL 30:31

arɩ Hɛbʋrɔŋ lɛ. Devit bɩra joŋ kɩalɩŋ dɔnsʋŋ a dii zile pɩ nɩalɩŋ ma kala sɩ hɛ lere-la kala ʋ dɩ ʋ nɩaa sɩ gɔllɔ mʋ.