JOSUA 14:12 - WƖA TENIŊ

¹² Lɛɛlɛ, joŋ tintee-la peelee sɩ yʋga a pɩmɛ arɩ La TƖƖNA fa sɩ bʋl ŋɩɩ pɩmɛ tapʋlɩɩ-la. Ŋ ma tɩtɩa nɩɩ ŋɩɩ Anakɩ tɩŋŋaa nɩwaayiile-la sɩ hɛ lee-la sɩ dolie nɛ. Ba tasɩ-la fa ŋaa tabalaa nɛ, ba saa kɛrɛ a golli ba kala. Ama dɩ La TƖƖNA nɛ pɛ mɩ lɛ, mɩ jaŋ yuo kiriba arɩ ʋ sɩ bʋl ŋɩɩ.”

JOSUA 14:12 ပူးပေါင်းရင်းမြစ်များ

2 KUOROO 19:4

Ŋ bɩ pɔ ŋ Tɩɩna Wɩa jaŋ nɩɩ wɩalɩŋ Asiiria kuoro sɩ tɩŋ ʋ laalɩyuori-hɩaŋ ʋ kɔ a tʋʋsɛ Wɩa sɩ weye joŋŋoo. Ŋ Tɩɩna Wɩa sɛnɛ nɩɩ wɩalɩŋ nɛ, ʋ jaŋ lɛrɛ nɩɩ-la sɩ bʋlba dɩgɩlɩŋ. Ŋɩɩ wɩaa, sʋl Wɩa pɩ la nɩkaana-la sɩ hɛ nɩmɛ.’ ”

2 IZIRAL TƖŊŊAA NAABARƖŊ 14:11

Ŋɩɩ nɛ Asa sʋl ʋ Tɩɩna Wɩa a bʋl, “La TƖƖNA, ŋ nɛ jaŋ wuo pɛ nɩpʋgʋŋ lɛ dɩ ʋ yuo dii nɩduoŋ. La TƖƖNA Wɩa, pɛ la lɛ, la yɩɛlaa kala hɛ ŋ lɛ nɛ. Ŋ yɩrɩŋ lɛ nɛ la kɔ dɩ la yuo laalɩyuori-daŋ deeŋ. La TƖƖNA, ŋ nɛ la Wɩa, sɩ́ leŋe dɩ nuhuobiine yuo diiŋ.”

WƖA YƖƖLAA 44:3

Ba laalɩyuori kɩaa dee ba kaa yuo laa tintee-la, ba doluŋ ma dee ba kaa yuo dii. Ŋ choba nɛ tɩɩ ŋ kɛŋ ŋ naduoŋ arɩ ŋ tʋla pʋlʋmʋŋ ŋaa ŋɩɩ pɩba.

WƖA YƖƖLAA 60:12

Wɩa chɩŋ la harɩŋ nɛ, la jaŋ yuo dii. Ʋ jaŋ yuo dii la dʋndɔŋŋɔɔ.

NAMBABA 13:28

Ama nɩalɩŋ sɩ hɛ nɩmɛ dolie, ba tabalaa jalɩa ka ba saa kɛrɩsɩŋ golli ba kala. La paala na Anakɩ doho nɩaa nɩwaayiilee nɩmɛ.

NAMBABA 13:33

La paala na Anakɩ doho nɩaa nɩwaayiilee nɛ nɩmɛ. Anakɩ doho nɩalɩŋ nɛ ba ha yɩyɩrɛ Nefilim. La beŋ la tɩtɩa a nagɛ nyaŋgɩrɩgɛba nɛ ba sɩaa lɛ. Ŋɩɩ tɩtɩa nɛ la sɛnɛ nagɛ ba teeŋ.”

NAMBABA 21:34

Ŋɩɩ nɛ La TƖƖNA bʋla pɩ Mosis, “Sɩ́ leŋe dɩ ŋ bɔyɛ joŋ, mɩ joŋ Basaŋ kuoro Ɔgɩ arɩ ʋ laalɩyuoroo arɩ ʋ tinteeŋ kala hɛ ŋ nɩsɩŋ lɛ nɛ. Ŋɩɩ ŋ sɩ joŋo ŋaa Amɔrɩ tɩŋŋaa kuoro Sɩhɔŋ sɩ hɛ Hɛsɩbɔŋ lɛ, joŋ ŋɩɩ tɩtɩa ŋaa ba ma lɛ.”

Rom Tɩŋŋaa 8:31

Dɩ la nɛ jɩŋ wɩaa deemba kala, bɛɛ nɛ bɩra ka dɩ la bʋl? Dɩ Wɩa nɛ chɩŋ la harɩŋ, kʋbɛɛ ma nɛ bɩra kɛŋ doluŋ a kɩɩla?

MOSIS BƖRA WULLI WƖA WOMBIIŊ 1:28

Ma sɩ, “Nɩɩ nɛ la jaŋ mʋ? La naambiiriŋ sɩ mʋ beŋ tintee-la joŋ fawʋllʋŋ hɛ la lɛ nɛ.” Ba sɩ, “Nɩalɩŋ sɩ hɛ tintee-la lɛ waa kɩɩla nɛ a dolie kɩɩla ma. Ba tasɩŋ jalɩa, ba saa kɛrɩsɩŋ sɩ jɩla yi wɩa-nyuŋ a golli. La na Anakɩ doho nɩaa nɩwaayiilee ma nɛ tintee-la lɛ.”

MOSIS BƖRA WULLI WƖA WOMBIIŊ 9:1

Iziral tɩmma, má jegile nɩɩ, jɩnɩŋ ma jaŋ chol Jɔdaŋ fuo-la a mʋ yuo laa tinteyee nɩaa sɩ yʋga kɩɩma aŋ dolie kɩɩma ma tinteeŋ. Nɩalɩŋ saa kɛrɩsɩŋ sɩ jɩla tɩgɛ wɩa-nyuŋ nɛ a golli ba tasɩŋ.

MOSIS BƖRA WULLI WƖA WOMBIIŊ 9:3

Jɩnɩŋ, má jɩŋ arɩ ma TƖƖNA Wɩa nɛ laa ma sɩpaaŋ dɩ ʋ yuo dii nɩalɩŋ a nagɛ nyiniŋ sɩɩ dii kɩaa ŋɩɩ, dɩ ma kiri ba kala ta dɩ ba lɩɩ tintee-la lɛ arɩ ma TƖƖNA sɩ bʋl ŋɩɩ.

Fɩlɩpa Nɩaa 4:13

Mɩ jaŋ wuo kɛŋ mɩ tɩtɩa woruŋ wɩɩkala lɛ, a tɩŋ dol-la Kirisito sɩ pɩmɛ wɩaa.

Hiburu TƖŊŊAA 11:33

Ba kala fa laa Wɩa wɩaa dii nɛ, ba yuo dii kuoroo arɩ ba tinteyee. Ba to wʋtɩtɩɩ-la Wɩa sɩɩ chɛ nɛ, a na kɩalɩŋ Wɩa sɩ sɩ ʋ jaŋ joŋo pɩba. Ba dɔnsʋŋ ma yuo dii naachigee.

JOSUA 15:14

Ŋɩɩ nɛ Kalɩb kiri Anakɩ nyɩŋ-nɩaa deemba batori arɩ ba dɩa nɩaa Hɛbʋrɔŋ lɛ: Sɛsaɩ, Ahɩmaŋ arɩ Talɩmaɩ.

SƖPAALAARAA 1:20

Mosis fa sɩ hɛ niiŋ pɩ Kalɩb, arɩ ʋ jaŋ joŋ Hɛbʋrɔŋ tinteeŋ a pʋ, ŋɩɩ nɛ ba joŋo pʋ. Ʋ kiri Anakɩ doho nɩaa nɩwaayiile-la nyɩŋ-nɩaa batori.

1 SAMƲƐL 14:6

Jonataŋ bɩra bʋla pɩ ʋ bapʋɔsɩ-bie-la sɩɩ kori ʋ laalɩyuori kɩaa, “Kɔ dɩ la chol a mʋ Fɩlɩsɩtɩa tɩmma-la sɩ bɩ la Wɩa ka to leriŋ. Kapo La TƖƖNA jaŋ pɛ la lɛ. Wɩɩkala bɩ jaŋ wuo pɔ dɩ La TƖƖNA sɩ́ la laa ta, dɩ la yʋga koo dɩ la bɩ yʋgɛ.”