JOSUA 13:5 - WƖA TENIŊ

⁵ Gɛbal tɩŋŋaa tinteeŋ arɩ Lɛbanɔŋ tinteeŋ kala ŋɩɩ a kaa mʋ wɩɩpɔsʋŋ dɩɩrɩŋ, a chɩŋ Baal Gad sɩ hɛ Hɛmɔŋ peel-la wɩɩpɔsʋŋ nadiiŋ, a mʋʋ yi Lebo Hamaf.

JOSUA 13:5 ပူးပေါင်းရင်းမြစ်များ

1 KUOROO 5:18

Solomoŋ arɩ Hiram tɩntɩnnaa arɩ taŋ-la ba sɩɩ yɩrɛ Gɛbal tɩŋŋaa baalaa nɛ keri doloo, a yɛrɛ tabɩaa ba kaa saa Wɩa dɩɩ-bal-la.

1 KUOROO 8:65

Solomoŋ arɩ Iziral nɩ-daŋ-la kala chaasa gbieli lɛŋŋɛɛ gbiele-la nɛ. Nɩalɩŋ chaasa yʋgɛ nɛ woruŋ a lɩɩ lee-la ba sɩɩ yɩrɛ Lebo Hamaf sɩ hɛ wɩɩpɔsʋŋ nagʋa a kaa mʋ Ijipiti fuonaa luŋii-la sɩ hɛ wɩɩpɔsʋŋ nadiiŋ dɩɩrɩŋ kala a kɔ. Ba gbieli gbiele-la tapʋlaa balɩpɛ nɛ La TƖƖNA Wɩa sɩpaaŋ, aŋ bɩra gbieli tapʋlaa balɩpɛ pɛ. Tapʋlɩa-la kala ŋaa fii arɩ banɛsɛ.

WƖA YƖƖLAA 83:7

Gɛbal tɩŋŋaa, Amɔŋ tɩŋŋaa, Amalɛk tɩŋŋaa Fɩlɩsɩtɩa tɩŋŋaa arɩ Taaya tɩŋŋaa.

AZAAYA 10:9

Mɩ yuo dii tasɩŋ deemba nɛ: Kalino arɩ Kachɛmɩsɩ arɩ Hamaf arɩ Apadɩ, Samarɩa arɩ Damasɩkʋs.

JƐRƖMAAYA 52:9

Ba kɛnʋ a kaa mʋ Babɩlɔŋ kuoro teeŋ, taŋ-la ba sɩɩ yɩrɛ Rɩbɩla sɩ hɛ Hamaf tinteeŋ lɛ, Nebukadineza diiu sarɩya, a joŋ cheeriŋ pʋ.

ƐZƖKƖƐL 27:9

Taŋ-la ba sɩɩ yɩrɛ Gɛbal gɔgɔɔ sɩ jɩŋ lɩɩŋ daborusuŋ wasɩŋ hɛ ŋ lɛ nɛ, dɩ daboro-la nɛ luro dɩ ba tɔ. Lɩɩŋ daborusuŋ arɩ nɩalɩŋ sɩ kɛmba vɩvɛŋ kala yie kɔ ŋ leriŋ nɛ a didii yɔbɔ.

AMƆS 6:2

Má mʋ tabal-la ba sɩɩ yɩrɛ Kalɩnɛ a na, aŋ kiele mʋ na tabal-la ma ba sɩɩ yɩrɛ Hamaf, a joŋo tuu beŋ tabal-la ma sɩ hɛ Fɩlɩsɩtɩa tinteeŋ lɛ baa yɩrɛ Gaf. Ba kpɩa ma Juda arɩ Iziral tinteyee nɛɛ? Ba tinteeŋ jalɩa kɩɩ ma kʋa nɛɛ?

NAMBABA 13:21

Ŋɩɩ nɛ ba mʋ, a chɩŋ Zɩŋ tintee-hɩlɩŋ lɛ a beŋ tintee-la ŋɩɩ a mʋ yi lee-la ba sɩɩ yɩrɛ Rehob sɩ kpagɛ Lebo-Hamaf.

NAMBABA 34:8

a chɩŋ peel-la ba sɩɩ yɩrɛ Hɔɔ lɛ a to Lebo-Hamaf a mʋ yi Zɛdad,

MOSIS BƖRA WULLI WƖA WOMBIIŊ 1:7

Má sii mʋ Amɔrɩ tɩŋŋaa tintee-la peelee sɩ yʋga arɩ lere-la sɩ hɛ nɩmɛ, a mʋ Jɔdaŋ fuonaa-la, a mʋ wɩɩjʋʋlʋŋ dɩɩrɩŋ dundollu-la sɩ hɛ peelee bʋbʋɔŋ, a mʋ wɩɩpɔsʋŋ nadiiŋ, a mʋ mʋgʋ-bal-la ba sɩɩ yɩrɛ Mediterenia niiŋ, a mʋ Kɛnaŋ tintee-la a kiele mʋ Lɛbanɔŋ tinteeŋ, a kɛŋ ŋɩɩ mʋʋ yi fuo-bal-la ba sɩɩ yɩrɛ Yufireti.

MOSIS BƖRA WULLI WƖA WOMBIIŊ 3:25

La TƖƖNA, leŋ dɩ mɩ chol Jɔdaŋ fuo-la a na tintee-la sɩ sɩma woruŋ aŋ na tintee-sɩŋ-la peelee sɩ yʋga arɩ Lɛbanɔŋ peelee.”

JOSUA 11:17

a chɩŋ peel-la ba sɩɩ yɩrɛ Halak, sɩ hɛ Sɛɛ dɩɩrɩŋ, a kaa mʋ Baal Gad sɩ hɛ Lɛbanɔŋ fuonaa-la sɩ kpagɛ peel-la ba sɩɩ yɩrɛ Hɛmɔŋ. Leree deemba kuoroo kala nɛ ʋ fa yuo kɛsɛ, a kpʋ ba kala.

JOSUA 11:3

Ʋ fa bɩra bʋla pɩ Kɛnaŋ tɩŋŋaa sɩ hɛ wɩɩpɔsʋŋ arɩ wɩɩjʋʋlʋŋ arɩ Amɔrɩ tɩŋŋaa, Hiti tɩŋŋaa, Pɛrɛs tɩŋŋaa arɩ Jebus tɩŋŋaa sɩ hɛ tintee-la peelee sɩ yʋga lɛ, arɩ Hivi tɩmma-la sɩ hɔŋ peel-la ba sɩɩ yɩrɛ Hɛmɔŋ bʋbʋɔŋ, a hɛ Mɩzɩpa tinteeŋ lɛ.

JOSUA 12:7

Kuorie-la Josua arɩ Iziral tɩŋŋaa laalɩyuoroo sɩ yuo dii a laa ba tinteeŋ ma ba fa hɔŋ Jɔdaŋ fuo-la wɩɩjʋʋlʋŋ nɛ, a chɩŋ Baal Gad lɛ a kaa mʋ Lɛbanɔŋ fuonaaŋ, a kɛŋ ŋɩɩ mʋ yi Halak peeliŋ a kɛŋ ŋɩɩ a tutuu Sɛɛ. Tinteeŋ deeŋ kala nɛ Josua kaa kpaa pɩ Iziral doho doho-la. Doho kala kɛŋ ʋ lee: