JOSUA 13:3 - WƖA TENIŊ

³ a chɩŋ Sɩhɔ fuoŋ sɩ hɛ Ijipiti wɩɩpɔsʋŋ a kɛŋ ŋɩɩ a mʋ yi Ɛkʋrɔŋ tinteeŋ sɩ hɛ wɩɩpɔsʋŋ nagʋa dɩɩrɩŋ, lee-la kala sɩ ŋaa Kɛnaŋ tɩŋŋaa tinteeŋ (Fɩlɩsɩtɩa tɩŋŋaa kuoroo banɔŋ sɩɩ beŋ tintee-la kala. Ba hɔŋ Gaza, Asɩdɔd, Asɩkɛlɔŋ, Gaf arɩ Ɛkʋrɔŋ a kɛŋ Ava tɩŋŋaa tinteeŋ pɛ),

JOSUA 13:3 ပူးပေါင်းရင်းမြစ်များ

WƖAA DƖ-SUOMUŊ 10:6

Ham ma hambolibiisiŋ nɛ ŋ-la: Kus, Mizirem, Puti arɩ Kɛnaŋ.

WƖAA DƖ-SUOMUŊ 15:18

Tapʋlɩɩ-la tɩtɩa nɛ La TƖƖNA bil niiŋ ʋ dɩ Abɩram pɛgɛ a bʋl, “Mɩ jaŋ joŋ tinteeŋ deeŋ a pɩ ŋ doho nɩaa a chɩŋ Ijipiti fuo-la a kaa mʋ Yufireti fuo-bal-la, nɩaa deemba tinteyee:

1 KUOROO 8:65

Solomoŋ arɩ Iziral nɩ-daŋ-la kala chaasa gbieli lɛŋŋɛɛ gbiele-la nɛ. Nɩalɩŋ chaasa yʋgɛ nɛ woruŋ a lɩɩ lee-la ba sɩɩ yɩrɛ Lebo Hamaf sɩ hɛ wɩɩpɔsʋŋ nagʋa a kaa mʋ Ijipiti fuonaa luŋii-la sɩ hɛ wɩɩpɔsʋŋ nadiiŋ dɩɩrɩŋ kala a kɔ. Ba gbieli gbiele-la tapʋlaa balɩpɛ nɛ La TƖƖNA Wɩa sɩpaaŋ, aŋ bɩra gbieli tapʋlaa balɩpɛ pɛ. Tapʋlɩa-la kala ŋaa fii arɩ banɛsɛ.

1 IZIRAL TƖŊŊAA NAABARƖŊ 13:5

Ŋɩɩ nɛ Devit yɩrɛ Iziral tɩŋŋaa kala hɛ dɔŋɔ, a chɩŋ Ijipiti tɩŋŋaa fuo-la ba sɩɩ yɩrɛ Sɩhɔ lɛ a kaa mʋ yi lee-la ba sɩɩ yɩrɛ Lebo Hamaf, dɩ ba mʋ joŋ Wɩa niiriŋ daga-la taŋ-la ba sɩɩ yɩrɛ Kɩrɩaf Jɩarɩm lɛ a kaa kɔ Jerusalɛm.

AZAAYA 23:3

Ma bayalaa chol fuo-balɩŋ arɩ lɩɩŋ daborusuŋ, ba dɩ tintee daŋ didii yɔbɔ. Ba kɛŋ mɩaa lɩɩ Naayɩl fuo-la niiŋ Ijipiti tinteeŋ a kɔ Taaya nɛ, nɩmɛ bɩrɩmɛ yɔɔ-bal a pɩ tinteyee nɩaa.

JƐRƖMAAYA 2:18

Lɛɛlɛ, wʋbɛɛ nɛ ma bɩɩnɛ ma jaŋ na dɩ ma nɛ mʋ Ijipiti tinteeŋ a nyʋa fuo-la ba sɩɩ yɩrɛ Naayɩl lɩɩŋ? Koo dɩ ma nɛ mʋ Asiiria tinteeŋ a nyʋa fuo-la ba sɩɩ yɩrɛ Yufireti lɩɩŋ?

MOSIS BƖRA WULLI WƖA WOMBIIŊ 2:23

Ava tɩmma-la sɩ hɔŋ tabiisi-la kala sɩ hɛ lee-la a kɩɛlɛ ŋɩɩ a mʋ yi Gaza, Kafɩtɔ tɩŋŋaa lɩɩ ba tinteeŋ a kʋ yuo diiba nɛ aŋ hɔŋ lee-la.)

JOSUA 13:13

Ama Iziral tɩŋŋaa fa bɩ Gesu arɩ Maaka tɩŋŋaa-na kire, arɩ jɩnɩŋ kala ba-na ha hɛ Iziral tɩŋŋaa tʋɔŋ.

SƖPAALAARAA 16:5

Fɩlɩsɩtɩa tɩŋŋaa kuoroo mʋ a bʋla pɩ haal-la, “Nyɩsɛ Samɩsɩŋ dɩ ʋ dagɩŋ ŋɩɩ ʋ sɩ ŋaa a faasa kɛŋ doluŋ arɩ ŋɩɩ la sɩ jaŋ wuo to a kɛnʋ vɔɔ a laa ʋ doluŋ. Dɩ ŋ nɛ ŋaa ŋɩɩ, la kʋŋkala jaŋ pɩŋ warɩpʋla bʋɩ arɩ zɔlɔ.”

SƖPAALAARAA 3:3

Tinteye-la ʋ sɩ leŋe nɛ ŋ-la: Fɩlɩsɩtɩa tinteeŋ sɩpaalaaraa banɔŋ, Kɛnaŋ tɩŋŋaa kala, Sɩdɔŋ tɩŋŋaa arɩ Hivi tɩmma-la sɩ hɛ Lɛbanɔŋ peelee leriŋ, a chɩŋ peel-la ba sɩɩ yɩrɛ Baal Hɛmɔŋ a kaa mʋ Lebo Hamaf.

1 SAMƲƐL 5:1

Fɩlɩsɩtɩa tɩŋŋaa sɩ yuo laa Wɩa niiriŋ daga-la ŋɩɩ, ba joŋu a lɩɩ lee-la ba sɩɩ yɩrɛ Ɛbɛnɩza, a kaa mʋ taŋ-la ba sɩɩ yɩrɛ Asɩdɔd.

1 SAMƲƐL 5:10

Ŋɩɩ nɛ ba sii joŋ Wɩa niiriŋ daga-la a kaa mʋ taŋ-la ba sɩɩ yɩrɛ Ɛkʋrɔŋ. Ba sɩ kaa mʋ dɩ ba jʋʋ, Ɛkʋrɔŋ tɩŋŋaa ŋmoo niiŋ a bʋl, “Iziral tɩŋŋaa Wɩa niiriŋ daga-la nɛ ba kaa kɔ la jaŋ dɩ ʋ kpʋ la dɩ la nɩaa kala.”

1 SAMƲƐL 5:8

Ŋɩɩ nɛ ba yɩrɛ kuorusu-la kala sɩɩ beŋ Fɩlɩsɩtɩa tinteeŋ a kʋ hilimi a pɩɛsɛba, “Ɛɛ nɛ la jaŋ joŋ Iziral tɩŋŋaa Wɩa niiriŋ daga-la ŋaa?” Ba bʋl, “Má joŋ a kaa mʋ taŋ-la ba sɩɩ yɩrɛ Gaf.” Ŋɩɩ nɛ ba joŋ Iziral tɩŋŋaa Wɩa niiriŋ daga-la a kaa mʋ Gaf.

1 SAMƲƐL 6:4

Ŋɩɩ nɛ Fɩlɩsɩtɩa tɩmma-la bɩra pɩɛsɛ, “Bɛɛ kɩaa nɛ la jaŋ chɛ a kaa mʋ sʋl cheeriŋ Wɩɩsʋlɩɩ-la a pʋ?” Ba sɩ, “Má kɛŋ sɛlɩmɛ a mɛ kɩaa banɔŋ sɩ nagɛ mɔpʋllʋŋ, a bɩra kɛŋ sɛlɩmɛ-la tɩtɩa a mɛ kɩaa dɩ ba nagɛ taatɩaa, ba ma banɔŋ, a chesi Fɩlɩsɩtɩa tɩŋŋaa kuorusu-la sɩɩ bemma niiŋ, bɛɛ wɩaa, nyanyal-bɔmɔ-la jʋʋ ma dɩ ma kuorusu-la kala nɛ.