JOSUA 13:16 - WƖA TENIŊ

¹⁶ Ba tinteeŋ bʋa nɛ, a chɩŋ Arʋa sɩ hɛ Anɔŋ fuonaa-la niiŋ, a bɩra chɩŋ taŋ-la sɩ hɛ fuonaa-la tʋtʋɔbaanɩŋ, arɩ tintee-taalɩsɩ-la kala ŋɩɩ a kaa mʋ yi taŋ-la ba sɩɩ yɩrɛ Mediba,

JOSUA 13:16 ပူးပေါင်းရင်းမြစ်များ

2 SAMƲƐL 24:5

Ba sɩ chol Jɔdaŋ fuo-la, ba ŋmoo buguŋ a kpagɛ Arʋa, taŋ-la sɩ hɛ fuonaa luŋii-la wɩɩpɔsʋŋ nadiiŋ dɩɩrɩŋ, a mʋ to Gad a joŋo mʋ Jaza.

1 IZIRAL TƖŊŊAA NAABARƖŊ 19:7

Ba laa janɩŋ torukoba arɩ ja-jɩllaa bʋɩ mara arɩ fii arɩ balɩa nɛ, a pɛ Maaka kuoro arɩ ʋ laalɩyuoro-la sɩ kʋ ŋmoo buguŋ kpagɛ taŋ-la ba sɩɩ yɩrɛ Mediba. Ka Amɔŋ tɩŋŋaa ma kʋ lɩɩ ba tasɩŋ lɛ a kɛŋ ba tɩtɩa hɛ dɔŋɔ dɩ ba yuo laalɩŋ.

AZAAYA 15:4

Tasɩ-la ba sɩɩ yɩrɛ Hɛsɩbɔŋ arɩ Eliali nɩaa ma faasaa yel nɛ. Ba nii-ŋmobo mʋ yiyi taŋ-la ba sɩɩ yɩrɛ Jahas. Mʋab laalɩyuoroo ŋmoo niiŋ nɛ aŋ chichel, ba nandaasɩŋ yʋɔra nɛ.

NAMBABA 21:26

Amɔrɩ tɩŋŋaa kuoro Sɩhɔŋ tabalɩŋ nɛ fa ŋaa Hɛsɩbɔŋ. Sɩhɔŋ nɛ fa yuo dii Mʋab tɩŋŋaa kuoru-bɩnɩŋ a laa ʋ tinteeŋ kala a mʋ yi Anɔŋ fuo-la.

MOSIS BƖRA WULLI WƖA WOMBIIŊ 3:12

Bʋa-la lɛ la sɩ yuo dii tinteeŋ deeŋ, mɩ joŋ taŋ-la ba sɩɩ yɩrɛ Arʋa, wɩɩpɔsʋŋ nagʋa a kpagɛ Anɔŋ fuo-la arɩ Gɩlɩad tintee-la peelee sɩ yʋga kpaa magɛ dɔŋɔ a pɛ tasɩ-la kala sɩ hɛ nɩmɛ a pɩ Rubiŋ arɩ Gad doho nɩaa nɛ.

JOSUA 12:2

Amɔrɩ tɩŋŋaa kuoro Sɩhɔŋ sɩ hɛ Hɛsɩbɔŋ lɛ nɛ faa beŋ tintee-la kala sɩ chɩŋ Arʋa sɩ hɛ Anɔŋ fuonaa-la niiŋ, a kaa mʋ fuonaa-la tʋtʋɔbaanɩŋ a kɛŋ ŋɩɩ mʋ yi Jabɔk fuo-la. Ba dɩ Amɔŋ tɩŋŋaa bʋa nɛ ŋɩɩ a kɛŋ Gɩlɩad tinteeŋ kpaa magɛ dɔŋɔ pɛ.

JOSUA 13:15

Tintee-la Mosis fa sɩ joŋo pɩ Rubiŋ doho nɩaa nyɩŋ-nɩa nyɩŋ-nɩa, ʋ ŋaa ba kʋŋ nɛ ŋ-la:

JOSUA 13:17

a to ŋɩɩ mʋ Hɛsɩbɔŋ tasɩ-la kala sɩ hɛ tintee-taalɩsɩ-la lɛ a kɛŋ Dɩbɔŋ, Bamɔf Baal, Bɛf Baal Mioŋ,

JOSUA 13:9

Ba tinteeŋ bʋa nɛ, a chɩŋ Arʋa sɩ hɛ Anɔf fuonaa-la niiŋ, a kɛŋ taŋ-la sɩ hɛ fuonaa-la tʋtʋɔbaanɩŋ, a pɛ Mediba tintee-taalɩsɩ-la kala lɛ a mʋ yi Dɩbɔŋ,

JOSUA 14:3

Mosis fa laa sɩpaaŋ joŋ Jɔdaŋ fuo-la wɩɩpɔsʋŋ dɩɩrɩŋ tinteeŋ a pɩ ba doho doho balɩa arɩ kpaa magɛ dɔŋɔ nɛ, ʋ ŋaa ba kʋŋ. Ama ʋ bɩ tintee kala joŋo pɩ Levi doho nɩaa-na, ʋ ŋaa ba kʋŋ.

JOSUA 18:7

Levi doho nɩaa-na bɩ kpaal kala kɛnɛ ma tʋɔŋ. Ba nɛ sɩ ŋaa Wɩɩsʋllɩ sɩpaalaaraa a tɩma pɩpɩ La TƖƖNA Wɩa ŋɩɩ, ba kpaalɩŋ nɛ ŋɩɩ. Gad arɩ Rubiŋ doho nɩaa arɩ Manasɛ doho nɩaa kpaa magɛ dɔŋɔ-la-na laa ba kpaalɩŋ nɛ Jɔdaŋ fuo-la cholo wɩɩpɔsʋŋ dɩɩrɩŋ, ʋ ŋaa ba kʋŋ. La TƖƖNA tɩntɩnna Mosis nɛ fa joŋo pɩba.”

SƖPAALAARAA 11:26

Jɩsɩŋ zɔɔ-batori nɛ Iziral tɩŋŋaa hɔŋ Hɛsɩbɔŋ lɛ, arɩ Arʋa, arɩ tabiisi-la sɩ gollo chu arɩ tabala-la kala sɩ chɩŋ ŋɩɩ a kaa mʋ yi Anɔŋ fuo-la. Bɛɛ nɛ tɩɩ ŋ bɩ tintee-la laa bʋa-la lɛ?

1 SAMƲƐL 30:28

a pɩ nɩalɩŋ ma sɩ hɛ Arʋa, Sɩfɩmɔf, Ɛsɩtɛmʋa