JOSUA 13:13 - WƖA TENIŊ

¹³ Ama Iziral tɩŋŋaa fa bɩ Gesu arɩ Maaka tɩŋŋaa-na kire, arɩ jɩnɩŋ kala ba-na ha hɛ Iziral tɩŋŋaa tʋɔŋ.

JOSUA 13:13 ပူးပေါင်းရင်းမြစ်များ

WƖAA DƖ-SUOMUŊ 35:22

Bʋa-la lɛ Iziral sɩ hɔŋ tintee-la lɛ, Rubiŋ jʋʋ kɛŋ ʋ nyɩmma haal-la ʋ sɩ bile aŋ bɩ jaa baa yɩrɛ Biliha a pɩŋ. Ŋɩɩ nɛ Iziral nɩɩ wɩɩ-la. Jekɔb fa kɛŋ hambolibiisiŋ fii arɩ balɩa nɛ.

2 SAMƲƐL 10:6

Amɔŋ tɩŋŋaa sɩ kʋ jɩŋ arɩ ba chaasa dii Devit baanɩŋ lɛ nɛ, ba sii mʋ chɛ Siiria tɩŋŋaa laalɩyuoro-la sɩɩ vɛŋ naasɩŋ lɛ bʋɩ mara a timba ka dɩ ba kʋ yuo laalɩŋ pɩba. Ba lɩɩ tasɩŋ deemba nɛ: Bɛf Rehob arɩ Zoba, a pɛ Maaka kuoro laalɩyuoroo bʋɩ lɛ, arɩ taŋ-la ba sɩɩ yɩrɛ Tob ma laalɩyuoroo bʋɩ fii arɩ balɩa.

2 SAMƲƐL 3:3

Ʋ bii-lɩamɩŋ nɛ Kɩlɩab, ʋ naaŋ nɛ Kamɛl tɩŋŋaa Nabal yo-haal-la Devit sɩ jaa, ba sɩɩ yɩrɛ Abɩgɛl. Ʋ bii-tori ma nɛ ŋaa Abɩsalɔm. Abɩsalɔm naaŋ nɛ Maaka. Maaka nyɩmma nɛ Talɩmaɩ. Talɩmaɩ nɛ ŋaa Gesu tɩŋŋaa kuoro.

NAMBABA 33:55

Dɩ ma nɛ bɩ nɩalɩŋ sɩ hɔŋ tintee-la lɛ kala kire, ba jaŋ walɩmɛma tintee-la lɛ a nagɛ kʋa sɩ jʋʋ ŋ sɩɩŋ koo sɔɔŋ sɩ hɛ ŋ nampɩlɩŋ lɛ.

MOSIS BƖRA WULLI WƖA WOMBIIŊ 3:14

Jaa sɩ ŋaa Manasɛ doho nʋʋ nɛ fa joŋ Basaŋ tinteeŋ sɛmɛ-la ba sɩɩ yɩrɛ Agɔb kala, a kaa mʋʋ yi Gesu tɩŋŋaa arɩ Maakɩ tɩŋŋaa tinteeŋ bʋa. Ʋ fa joŋ ʋ tɩtɩa yɩrɩŋ nɛ a hɛ pɩ tabiisi-la, arɩ jɩnɩŋ kala ba haa yɩrɛ tabiisi-la Jaa tabiisiŋ nɛ.

JOSUA 12:5

Ʋ nɛ faa beŋ Hɛmɔŋ peel-la, Salɛka arɩ Basaŋ tinteeŋ kala a kaa mʋ yi Gesu tɩŋŋaa arɩ Maaka tinteeŋ bʋa, a saa pɛ Gɩlɩad tinteeŋ kpaa magɛ dɔŋɔ lɛ a kaa mʋ yi Hɛsɩbɔŋ kuoro Sɩhɔŋ tinteeŋ bʋa.

JOSUA 13:11

a bɩra kɛŋ Gɩlɩad tinteeŋ ŋɩɩ a kaa mʋ yi Gesu arɩ Maaka tɩŋŋaa tinteeŋ, a chɩŋ peel-la ba sɩɩ yɩrɛ Hɛmɔŋ leriŋ kala arɩ Basaŋ tinteeŋ kala a kɛŋ ŋɩɩ a mʋ yi taŋ-la ba sɩɩ yɩrɛ Salɛka,

JOSUA 13:12

a kɛŋ Basaŋ kuoro Ɔgɩ fa sɩɩ beŋ tintee-la pɛ. Ɔgɩ nɛ fa ŋaa Refem tɩmma-la dɔŋɔ sɩ ka. Ʋ fa hɔŋ tasɩ-la ba sɩɩ yɩrɛ Asɩtarɔf arɩ Ɛdɩrɛ lɛ nɛ. Mosis nɛ fa yuo dii nɩalɩŋ, aŋ laa ba tintee-la.

JOSUA 13:14

Mosis fa bɩ tintee kala kpaa pɩ Levi doho nɩaa-na, bɛɛ wɩaa ba kpaalɩŋ nɛ Wɩɩsʋlʋŋ kɩalɩŋ Iziral tɩŋŋaa sɩ yie nyɩgɛ a pɩpɩ La TƖƖNA, Iziral tɩŋŋaa Wɩa, arɩ ʋ sɩ hɛ niiŋ ŋɩɩ a pɩba.

1 SAMƲƐL 27:8

Devit arɩ ʋ nɩaa sii mʋ yuo Gesu tɩŋŋaa, Gɛzɩ tɩŋŋaa arɩ Amalɛk tɩŋŋaa. (Faafaa kala nɩaa deemba nɛ hɔŋ tintee-la lɛ a kɛŋ ŋɩɩ mʋ yi Suu arɩ Ijipiti tinteeŋ.)